کیا چینی صدر آئندہ ماہ برکس اجلاس میں شرکت کے لیے برازیل کا دورہ نہیں کریں گے؟
اشاعت کی تاریخ: 29th, June 2025 GMT
چینی صدر شی جن پنگ آئندہ ماہ برازیل میں ہونے والے برکس اجلاس میں شرکت نہیں کریں گے، جو اگر درست ثابت ہوتا ہے تو ان کے 12 سالہ دورِ صدارت میں پہلی بار ہوگا کہ وہ ابھرتی ہوئی معیشتوں کے اس گروپ کے اجلاس میں شریک نہیں ہوں گے۔
ہانگ کانگ سے شائع ہونیوالے ساؤتھ چائنا مارننگ پوسٹ نے متعدد ذرائع کے حوالے سے ایک رپورٹ شائع کی ہے، جس کے مطابق، شی جن پنگ کی جگہ چینی وزیرِ اعظم اور ان کے قریبی ساتھی لی چیانگ اجلاس میں شریک ہوں گے، جو 6 اور 7 جولائی کو ریو ڈی جنیرو میں منعقد ہوگا۔ امکان ہے کہ اس اجلاس میں بھارتی وزیرِ اعظم نریندر مودی بھی شرکت کریں گے۔
یہ بھی پڑھیں:
ریو ڈی جنیرو سے شائع ہونے والی مذکورہ رپورٹ کے مطابق، ایسی قیاس آرائیاں گردش کر رہی ہیں کہ برکس اجلاس کے بعد برازیل کی جانب سے وزیرِ اعظم مودی کو ریاستی عشائیے کی دعوت دیے جانے کے فیصلے نے بیجنگ کے فیصلے پر اثر ڈالا ہو، کیونکہ ایسی صورت میں شی جن پنگ کو ایک ثانوی کردار میں دیکھا جا سکتا تھا۔
تاہم، چین نے برازیل کو بتایا ہے کہ شی جن پنگ مصروفیات کی بنا پر اجلاس میں شرکت نہیں کر سکیں گے، سفارتی ذرائع کے مطابق اس وقت بیجنگ کی توجہ زیادہ تر شنگھائی تعاون تنظیم کے سربراہی اجلاس پر مرکوز ہے، جس کی میزبانی چین اگست کے آخر یا ستمبر کے آغاز میں کرنے کا ارادہ رکھتا ہے۔
مزید پڑھیں:
برکس میں برازیل، روس، بھارت، چین اور جنوبی افریقہ شامل ہیں، جبکہ حالیہ توسیع کے بعد اس میں مصر، ایتھوپیا، ایران، سعودی عرب اور متحدہ عرب امارات کو بھی شامل کیا گیا ہے۔
اگر شی جن پنگ اس اجلاس میں شریک نہیں ہوتے تو ان کی وزیرِ اعظم مودی سے ملاقات کا اگلا موقع ممکنہ طور پر چین میں منعقد ہونے والا ایس سی او اجلاس ہو سکتا ہے، بشرطیکہ نریندر مودی اس میں شریک ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایتھوپیا ایران ایس سی او برازیل برکس بھارت جنوبی افریقہ چینی صدر روس ریو ڈی جنیرو ساؤتھ چائنا مارننگ پوسٹ سعودی عرب شی جن پنگ متحدہ عرب امارات مصر نریندر مودی.
ذریعہ
ذریعہ: WE News
کلیدی لفظ: ایتھوپیا ایران ایس سی او برازیل بھارت جنوبی افریقہ چینی صدر ریو ڈی جنیرو ساؤتھ چائنا مارننگ پوسٹ متحدہ عرب امارات اس میں شریک اجلاس میں
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ