ایشیا کپ 2025 کب اور کہاں کھیلا جائے گا؟
اشاعت کی تاریخ: 30th, June 2025 GMT
کرکٹ شائقین کے لیے ایک اہم پیش رفت سامنے آئی ہے، جس کے مطابق ایشیا کپ 2025 کا آغاز ستمبر کے دوسرے ہفتے میں متوقع ہے۔
معروف کرکٹ ویب سائٹ کرک بز کی رپورٹ کے مطابق ایشین کرکٹ کونسل جولائی کے آغاز میں 6 ٹیموں پر مشتمل اس ایونٹ کا باضابطہ شیڈول جاری کرنے جا رہی ہے۔
میڈیا رپورٹس کے مطابق رواں سال کا ایشیا کپ ٹی20 فارمیٹ میں کھیلا جائے گا، اور سب سے ممکنہ تاریخ 10 ستمبر ہے۔ اگرچہ اس حوالے سے تاحال کوئی سرکاری اعلان سامنے نہیں آیا، تاہم کرکٹ حلقے اسی تاریخ کو ایشیا کپ کے آغاز کا دن تصور کررہے ہیں۔
ٹورنامنٹ میں شامل 6 ٹیموں میں بھارت، پاکستان، بنگلہ دیش، افغانستان، سری لنکا اور متحدہ عرب امارات (یو اے ای) شامل ہیں۔
بظاہر بھارت اس سال کے ایونٹ کا میزبان ہے، لیکن پاک بھارت کشیدگی کے باعث ٹورنامنٹ کا انعقاد متحدہ عرب امارات میں کیا جانا متوقع ہے۔ اس حوالے سے ہائبرڈ ماڈل پر بھی غور کیا جا رہا ہے۔
قبل ازیں ایسی قیاس آرائیاں بھی کی جا رہی تھیں کہ بھارت پاکستان کے ساتھ بڑھتی ہوئی کشیدگی کے باعث ایشیا کپ 2025 سے دستبردار ہو سکتا ہے۔ تاہم تاحال کسی حتمی فیصلے کا اعلان نہیں کیا گیا۔
ادھر چند روز قبل بھارتی میڈیا نے رپورٹ کیا تھا کہ آئی سی سی مینز ٹی20 ورلڈ کپ 2026 کے گروپ اسٹیج میں بھارت اور پاکستان کا آمنا سامنا نہیں ہوگا۔ بھارتی کرکٹ بورڈ (بی سی سی آئی) کے قریبی ذرائع کے مطابق یہ معاملہ آئی سی سی کی سالانہ کانفرنس میں زیر بحث آئے گا۔
یہ بات قابل ذکر ہے کہ بھارت اور پاکستان کے درمیان سیاسی و سفارتی کشیدگی نے حال ہی میں شدت اختیار کی ہے۔ اور پہلگام واقعہ کے دونوں ملکوں میں ایک معرکہ بھی ہوا ہے۔
یاد رہے کہ پاکستان کرکٹ بورڈ (پی سی بی) اور بھارتی کرکٹ بورڈ (بی سی سی آئی) کے درمیان کشیدہ تعلقات کوئی نئی بات نہیں۔ حالیہ برسوں میں متعدد مواقع پر دونوں بورڈز آمنے سامنے آ چکے ہیں۔
تازہ ترین تنازع اس وقت ابھرا جب بھارت نے پاکستان کی میزبانی میں شیڈول چیمپیئنز ٹرافی 2025 میں شرکت سے انکار کردیا، جس کے بعد ہائبرڈ ماڈل اختیار کیا گیا۔
اب یہ دیکھنا باقی ہے کہ ایشین کرکٹ کونسل اس نازک صورتحال میں ایشیا کپ 2025 کا انعقاد کیسے اور کہاں کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اہم پیشرفت ایشیا کپ ایشین کرکٹ کونسل باضابطہ شیڈول پاک بھارت کشیدگی کرکٹ شائقین وی نیوز یو اے ای.ذریعہ: WE News
کلیدی لفظ: اہم پیشرفت ایشیا کپ ایشین کرکٹ کونسل باضابطہ شیڈول پاک بھارت کشیدگی کرکٹ شائقین وی نیوز یو اے ای ایشیا کپ 2025 کے مطابق
پڑھیں:
ٹرافی تنازع پر بھارت کی برہمی، اے سی سی صدر محسن نقوی کو سازش کا نشانہ بنایا جانے لگا
data-id="863a0a8" data-element_type="widget" data-widget_type="theme-post-content.default">
لاہور: ایشین چیمپئن بننے کے باوجود ٹرافی نہ ملنے پر بھارتی کرکٹ بورڈ (بی سی سی آئی) شدید برہمی کا شکار ہوگیا ہے اور اس معاملے پر ایشین کرکٹ کونسل (اے سی سی) کے اندرونی اختلافات مزید گہرے ہوگئے ہیں۔
نجی ٹی وی کی رپورٹ کے مطابق ذرائع کا کہنا ہے کہ بی سی سی آئی کی جانب سے اے سی سی کے صدر اور چیرمین پاکستان کرکٹ بورڈ (پی سی بی) محسن نقوی کے خلاف عدم اعتماد کی تحریک لانے کی تیاریاں کی جارہی ہیں۔
اندرونی ذرائع کا کہنا ہے کہ ایشین کرکٹ کونسل دو واضح گروپوں میں تقسیم ہوچکی ہے۔ ٹیسٹ کھیلنے والے ممالک میں سے گلا دیش پاکستان کے ساتھ کھڑا ہے، جبکہ سری لنکا بھارت کی حمایت کر رہا ہے۔ افغانستان کی پوزیشن غیر یقینی ہے جو کبھی پاکستان کے ساتھ دکھائی دیتا ہے اور کبھی بھارت کی طرف جھکاؤ اختیار کرلیتا ہے۔
یاد رہے کہ گزشتہ روز چیئرمین پاکستان کرکٹ بورڈ اور ایشین کرکٹ کونسل کے صدر محسن نقوی نے بھارتی میڈیا کی خبروں کو بے بنیاد قرار دیتے ہوئے ایک بار پھر بھارتی کپتان کو دفتر آکر ایشیا کپ کی ٹرافی وصول کرنے کی دعوت دی تھی۔
سماجی رابطے کی ویب سائٹ ایکس (سابقہ ٹوئٹر) پر جاری اپنے بیان میں محسن نقوی نے کہا کہ میں نے نہ کوئی غلط کام کیا، نہ ہی بھارتی کرکٹ بورڈ سے معافی مانگی ہے اور نہ ہی کبھی بی سی سی آئی سے معافی مانگوں گا۔ یہ سب بھارتی میڈیا کی من گھڑت اور جھوٹی خبریں ہیں۔
محس نقوی کا مزید کہنا تھا کہ ایشین کرکٹ کونسل کے صدر کی حیثیت سے وہ ابتدا ہی سے چاہتے تھے کہ ٹرافی بھارتی ٹیم کو دے دی جائے، لیکن اب بھی اگر بھارتی کپتان چاہیں تو وہ ان کے دفتر آکر ٹرافی وصول کر سکتے ہیں۔
انہوں نے واضح کیا کہ میں آج بھی اسی عزت اور وقار کے ساتھ ٹرافی دینے کے لیے تیار ہوں، شرط صرف یہ ہے کہ بھارتی کپتان خود اے سی سی کےدفتر آئیں اور اسے لیں، میں انھیں خوش آمدید کہوں گا۔
ویب ڈیسک
دانیال عدنان
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل