کراچی کا تاجر کچے کے ڈاکوؤں کے چنگل میں کیسے پھنسا؟ بازیابی کی کوششیں جاری
اشاعت کی تاریخ: 2nd, July 2025 GMT
کراچی کے ایک اور تاجر کو ڈاکوؤں نے کچے کے علاقے سے اغوا کرلیا۔ یہ واقعہ ایک بار پھر اس سوال کو جنم دیتا ہے کہ سندھ اور پنجاب کے سنگم پر واقع خطرناک ‘کچے’ کے علاقے میں تاجر کیسے جا پہنچتے ہیں، اور انہیں وہاں اغوا کرنا اتنا آسان کیوں ہے؟
اغوا ہونے والے تاجر کی شناخت معین الدین کے نام سے ہوئی ہے، جو اسکریپ کے کاروبار سے وابستہ ہیں۔ وہ 21 جون کو لانڈھی ریلوے اسٹیشن سے صادق آباد روانہ ہوئے تھے، تاہم چند روز بعد، 24 جون کو ان کے اغوا کی خبر منظرِ عام پر آئی، اور 27 جون کو ایک دل دہلا دینے والی ویڈیو سوشل میڈیا پر وائرل ہوئی جس میں انہیں برہنہ حالت میں تشدد کا نشانہ بنتے دکھایا گیا۔
اغوا کیسے ہوا؟متاثرہ تاجر کے بیٹے نے قائدآباد تھانے میں مقدمہ درج کراتے ہوئے مؤقف اختیار کیا ہے کہ ان کے والد معین الدین کاروباری سلسلے میں صادق آباد گئے تھے، جہاں رحیم یار خان کے قریب کچے کے علاقے سے ڈاکوؤں نے انہیں اغوا کرلیا۔
مزید پڑھیں: کچے کے علاقے میں ڈاکوؤں کیخلاف آپریشن، 2 مشتبہ افراد گرفتار، پناہ گاہیں نذر آتش
اغوا کاروں نے فون پر 2 کروڑ روپے تاوان کا مطالبہ کیا ہے اور عدم ادائیگی کی صورت میں جان سے مارنے کی دھمکی دی ہے۔ تاجر کے بیٹے کے مطابق، اغوا کار نہ صرف ویڈیوز بھیج رہے ہیں بلکہ مسلسل دباؤ ڈال رہے ہیں۔
کون سے کچے میں، سندھ یا پنجاب؟یہ واضح نہیں کہ تاجر کو سندھ کے کچے میں رکھا گیا ہے یا پنجاب کے کسی ضلع میں۔ یہی پہلو پولیس اور رینجرز کے لیے سب سے بڑا چیلنج بنا ہوا ہے۔ ایک صحافی نے نام ظاہر نہ کرنے کی شرط پر بتایا کہ کچے کے علاقے میں جانے کا مطلب خود خطرے کو دعوت دینا ہے، اور کئی کیسز میں یہ ہنی ٹریپ جیسا معلوم ہوتا ہے۔
پولیس کیا کر رہی ہے؟ایس ایس پی اے وی سی سی آصف بلوچ کے مطابق، پنجاب اور سندھ کے 3 اضلاع پر مشتمل اس پورے علاقے میں مشترکہ آپریشن کے بغیر پیشرفت ممکن نہیں۔ انہوں نے اعتراف کیا کہ بعض اوقات لوگ خود ہوش و حواس میں ان علاقوں میں چلے جاتے ہیں، اہلِخانہ کو بھی اطلاع نہیں دیتے، اور یہی رویہ اغوا کو ممکن بناتا ہے۔
ان کا کہنا ہے کہ پولیس نے بس اسٹاپس پر آگاہی مہم شروع کی ہے، گاڑیوں میں ریکارڈنگز چلائی جا رہی ہیں اور عوام کو متنبہ کیا جا رہا ہے کہ ان علاقوں کا رخ کرتے وقت محتاط رہیں۔
مزید پڑھیں: کچے کے علاقے میں پنجاب پولیس کو جدید ٹیکنالوجی سے لیس کرنے کا فیصلہ
تاجر برادری کا ردعملآل کراچی تاجر اتحاد کے صدر عتیق میر نے اس واقعے پر شدید تشویش کا اظہار کرتے ہوئے کہا کہ کراچی اور اندرون سندھ کے درمیان تجارت کا ایک مضبوط نیٹ ورک ہے۔ ان کا کہنا تھا کہ اگر کچے کے ڈاکوؤں کا خوف بڑھا، تو یہ تجارت پر حملہ تصور ہوگا۔ حکومت سندھ کو چاہیے کہ امن و امان کے دعوے عملی اقدامات میں بدلے، ورنہ کاروباری سرگرمیاں محدود ہو جائیں گی اور معیشت کو ناقابلِ تلافی نقصان پہنچے گا۔
ریاستی رٹ کا امتحان؟یہ واقعہ محض ایک تاجر کے اغوا کا معاملہ نہیں بلکہ یہ ریاست کی رٹ، داخلی سلامتی اور تجارتی تحفظ کا بڑا امتحان ہے۔ اس وقت ضرورت اس امر کی ہے کہ پولیس، رینجرز اور خفیہ ادارے مشترکہ حکمت عملی سے کچے کے ان علاقوں کو مجرموں کے گڑھ سے قانون کی عملداری میں لائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2 کروڑ اغوا تاجر تاوان کچے کا علاقہ کراچی.
ذریعہ
ذریعہ: WE News
کلیدی لفظ: 2 کروڑ اغوا تاجر تاوان کچے کا علاقہ کراچی کچے کے علاقے کے علاقے میں
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی