آزاد فلسطینی ریاست کو تسلیم کرنے پر آسٹریلیا کی ایک مرتبہ پھر تاکید
اشاعت کی تاریخ: 15th, August 2025 GMT
فلسطین کو تسلیم کرنیکے فیصلے پر امریکی اعتراض کو مسترد کرتے ہوئے آسٹریلوی وزیر اعظم کا کہنا تھا انکے عوام، غزہ کی پٹی میں ہونیوالی انسانی تباہی سے بیزار ہو چکے ہیں اسلام ٹائمز۔ آسٹریلیا کے وزیر اعظم انتھونی البانی نے آزاد فلسطینی ریاست کو تسلیم کرنے کے اپنے فیصلے کا دفاع کرتے ہوئے اعلان کیا ہے کہ آسٹریلوی عوام، غزہ کی پٹی میں ڈھائے جانے والے غیر انسانی صیہونی مظالم سے بیزار ہو چکے ہیں۔ تفصیلات کے مطابق اے بی سی ریڈیو کو انٹرویو کے دوران، انتھونی البانی نے فلسطین کو تسلیم کرنے کے فیصلے پر امریکی اعتراض کو یکسر مسترد کرتے ہوئے کہا کہ آسٹریلوی عوام، غزہ میں وقوع پذیر ہونے والی وسیع انسانی تباہی سے بیزار ہو چکے ہیں۔ مقبوضہ فلسطین کے لئے امریکی سفیر کے بے بنیاد دعووں کا جواب دیتے ہوئے آسٹریلوی وزیر اعظم نے کہا کہ وہ کسی اور ملک کا سفیر ہے.
ترک خبررساں ایجنسی ایناڈولو کے مطابق آسٹریلوی وزیر اعظم نے تاکید کی کہ تشدد کے اس گھن چکر کو ختم کرنے اور مشرق وسطی میں امن مذاکرات کے ہمراہ آگے بڑھنے کے لئے اب عالمی سطح پر ایک سوچ پیدا ہو رہی ہے۔ انتھونی البانی نے کہا کہ جب آپ بچوں کو بھوک سے مرتے دیکھتے ہیں.. جب آپ دیکھتے ہیں کہ بچوں کی جانیں ضائع ہو رہی ہیں اور دیکھتے ہیں کہ خاندانوں کے خاندان خوراک و پانی کے حصول کے لئے قطاروں میں آ کھڑے ہوتے ہیں.. تو یہ امر ایک انسانی ردعمل کو جنم دیتا ہے جو کسی طور بھی حیران کن نہیں جبکہ مشرق وسطی میں جاری یہ تنازعہ گذشتہ 77 سال سے جاری ہے! یہ بیان کرتے ہوئے کہ ریاست فلسطین پر آسٹریلیا کی دونوں جماعتوں کے متفقہ موقف سے سبھی واقف ہیں، آسٹریلوی وزیراعظم نے مزید کہا کہ غزہ میں اسرائیل کے غیر انسانی اقدامات معصوم جانوں کے ضیاع، غربت اور تشدد کا باعث بن رہے ہیں کہ جو مکمل طور پر ناقابل قبول ہے!
ذریعہ
ذریعہ: Islam Times
کلیدی لفظ: سے بیزار ہو چکے ہیں آسٹریلوی وزیر آسٹریلوی عوام دیکھتے ہیں کرتے ہوئے کو تسلیم
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار