حکومت تو مجبور ہے، پی ٹی آئی امریکا کی مذمت اور حماس کی حمایت کیوں نہیں کرتی؟ جماعت اسلامی
اشاعت کی تاریخ: 6th, October 2025 GMT
لاہور:
جماعت اسلامی نے کہا ہے کہ حکومت تو مجبور ہے، لیکن پی ٹی آئی امریکا کی مذمت اور حماس کی حمایت کیوں نہیں کرتی؟۔
نائب امیر جماعت اسلامی پاکستان لیاقت بلوچ نے اپنے بیان میں کہا ہے کہ لاہور اور کراچی کے عوام نے فلسطینیوں سے جس فقید المثال انداز میں یکجہتی کا اظہار کیا ہے، وہ قابل تحسین ہے۔
انہوں نے کہا کہ پاکستانی عوام نے امریکا کے نام نہاد ’ٹرمپ امن منصوبے‘ کو مکمل طور پر مسترد کر دیا ہے اور فلسطینیوں کے حق میں اپنے مؤقف کو واضح کر دیا ہے۔ لیاقت بلوچ کا کہنا تھا کہ ہم فلسطینی عوام اور حماس کے فیصلوں کا بھرپور ساتھ دیں گے۔
انہوں نے مزید کہا کہ بدقسمتی سے موجودہ حکومت امریکا کی مذمت کرنے سے قاصر ہے اور اس پر دباؤ یا مجبوری صاف نظر آتی ہے، لیکن اپوزیشن میں موجود پاکستان تحریک انصاف امریکا کی مذمت اور حماس کی حمایت کیوں نہیں کرتی، یہ سوال پوری قوم کے ذہنوں میں گونج رہا ہے۔
سیلاب متاثرین کے حوالے سے گفتگو کرتے ہوئے لیاقت بلوچ نے کہا کہ وفاقی اور صوبائی حکومتوں پر لازم ہے کہ وہ متاثرین کی بحالی کو قومی فریضہ سمجھ کر اپنی ذمے داریاں نبھائیں۔ پنجاب، سندھ اور خیبر پختونخوا کی حکومتوں کی باہمی نورا کشتی کا نقصان براہ راست سیلاب متاثرین کو ہو رہا ہے، جنہیں امداد سے محروم رکھا جا رہا ہے۔
انہوں نے مطالبہ کیا کہ پنجاب، اسلام آباد اور کوئٹہ کے عوام کو فوری طور پر بلدیاتی حقوق فراہم کیے جائیں تاکہ مقامی سطح پر مسائل کا حل ممکن ہو سکے۔ لیاقت بلوچ نے طلبہ کے مسائل پر بات کرتے ہوئے کہا کہ اسٹوڈنٹس یونینز کی بحالی وقت کی اہم ضرورت ہے اور نوجوانوں کو منظم کرنے کا واحد راستہ یہی ہے۔
.ذریعہ: Express News
کلیدی لفظ: امریکا کی مذمت لیاقت بلوچ اور حماس
پڑھیں:
ٹنڈوجام، جماعت اسلامی کا قافلہ اجتماع عام میں شرکت کیلیے روانہ
data-id="863a0a8" data-element_type="widget" data-widget_type="theme-post-content.default">
ٹنڈوجام(نمائندہ جسارت) ٹنڈوجام سے عزم ہمت جذبوسے بھرا نظام بدل دو کا قافلہ امیر جماعت اسلامی کی قیادت میں اجتماع عام میں شرکت کے لیے روانہ ملک پر 78 سال سے حکمرانوں نے دفعہ 144لگا کر عوام کے حقوق غصب کر رکھے ہیں عوام اب اس ظلم کے نظام کو بدل کر دم لے گی، حافظ غیور احمد۔ تفصیلات کے مطابق جماعت اسلامی ٹنڈوجام کا ایک قافلہ امیر جماعت اسلامی ٹنڈوجام حافظ غیور احمد کی اور حلقہ خواتین کا قافلہ ناظمہ جماعت اسلامی ٹنڈوجام شبانہ طارق کی قیادت میں اجتماع جماعت اسلامی پاکستان میں شرکت کے لیے لاہور روانہ ہو گیا۔ اس موقع پر انھوں نے کارکنان سے خطاب کیا کرتے ہوئے کہا کہ اس وقت ملک پر جمہوریت کے بھیس میں امریت مسلط ہے اور عوام کو اس نے اپنے مفادات کی خاطر پیس کر رکھ دیا ہے جب بھی عوام کے حقوق کے لیے آواز اُٹھائی جاتی ہے تو حمکرانوں اور اسٹیبلشمنٹ کو دفعہ 144یاد آجاتی ہے انھوں اس دفعہ کو ملک پر 78سال سے لگا کر عوام کے حقوق غصب کر رکھے ہیں اب یہ ہمارا عزم وہمت اور جذبو سے بھرا قافلہ اجتماع عام میں نظام بدل دو تحریک میں شامل ہونے جارہا ہے اور جماعت اسلامی پاکستان کے اس اجتماع عام سے ملک میں پریشان صرف ظلم کا نظام قائم کرنے والے ہیں اور اجتماع عام سے ان کی رخصتی کا سفر شروع ہو جائے گا ناظمہ حلقہ خواتین شبانہ طارق اور شازیہ غیور نے کہا کہ خواتین کا کردار ہر انقلاب میں اہم رہا ہے اس اجمتاع میں خواتین کی بڑی تعداد میں شرکت اس بات کی جانب اشارہ کر رہی کہ ہم نظام بدل دو تحریک ملک سے ظلم کا نظام ختم کر کے ہی دم لے گی اور خواتین اس تحریک میں ہراول دستے کا کردار ادا کریں گی۔
کوہاٹ اور کرک میں پولیس مقابلے، 4 خطرناک دہشتگرد مارے گئے