کراچی؛ مبینہ پولیس مقابلوں میں ڈکیت ہلاک، تین زخمی حالت میں گرفتار
اشاعت کی تاریخ: 6th, October 2025 GMT
کراچی:
شہر کے دو مختلف علاقوں میں مبینہ پولیس مقابلے کے دوران ایک ڈکیت ہلاک اور تین زخمی حالت میں گرفتار کر لیے گئے جبکہ ایک ملزم فرار ہونے میں کامیاب ہوگیا۔
تفصیلات کے مطابق پیر کی صبح بلوچ کالونی تھانے کے علاقے شہید ملت روڈ کشمیر پلازہ کے قریب پولیس اور ڈاکوؤں کے درمیان فائرنگ کے تبادلے میں ایک مبینہ ڈکیت ہلاک ہوگیا جبکہ 2 ڈکیتوں کو زخمی حالت میں گرفتار کر لیا گیا، ہلاک اور زخمی حالت میں گرفتار ڈکیتوں کو فوری طور پر چھیپا ایمبولینس کے ذریعے جناح اسپتال منتقل کر دیا گیا۔
بلوچ کالونی پولیس کے مطابق پولیس مقابلے میں مارے جانے والے ملزم کی شناخت سکندر ولد عمر اور زخمی حالت میں گرفتار ڈکیتوں کی شناخت عرفان ولد شاہنواز علی اور راشد علی ولد محمد علی کے ناموں سے کی گئی۔
ہلاک و زخمی حالت میں گرفتار ڈکیتوں کے قبضے سے غیر قانونی اسلحہ، زیر استعمال موٹر سائیکل اور نقدی برآمد کر لی گئی۔
بلوچ کالونی پولیس کے مطابق پولیس نے ڈکیتوں کو مشکوک جان کر انہیں روکنے کا اشارہ کیا تو ڈکیت رکے نہیں اور پولیس پر فائرنگ کر دی جس پر پولیس کی جانب سے بھی جوابی فائرنگ کی گئی جس کے نتیجے میں ایک ڈکیت ہلاک اور دو زخمی حالت میں گرفتار کیے گئے، ہلاک اور زخمی حالت میں گرفتار ملزمان کا سابقہ کرمنل ریکارڈ چیک کیا جا رہا ہے۔
ادھر، ابراہیم حیدری پولیس اور اسٹریٹ کرمنلز کے درمیان فائرنگ کے تبادلے میں ایک ملزم کو زخمی حالت میں گرفتار کرلیا گیا جبکہ اس کا ساتھی موقع سے فرار ہونے میں کامیاب ہوگیا، زخمی حالت میں گرفتار ملزم کو جناح اسپتال منتقل کر دیا گیا جس کی شناخت اسامہ عرف شیرو کے نام سے کی گئی۔
ملزم کے قبضے سے ایک پستول مع ایمونیشن، موبائل فون اور نقدی برآمد کر لی گئی۔ پولیس کی جانب سے ملزمان کو طبی امداد کے لیے اسپتال روانہ کر دیا گیا ہے۔
ابراہیم حیدری، پولیس کی جانب سے ضابطے کے تحت قانونی کارروائی عمل میں لائی جا رہی ہے اور فرار ملزمان کی گرفتاری کے لیے چھاپے مارے جا رہے ہیں۔
.ذریعہ: Express News
کلیدی لفظ: زخمی حالت میں گرفتار ڈکیت ہلاک ہلاک اور
پڑھیں:
کراچی میں کمسن بچی کیساتھ زیادتی کا واقعہ، 70 سالہ شخص گرفتار
پولیس افسر کے مطابق والد اپنے داماد کے ہمراہ موقع پر پہنچا تھا اور والد نے فوری مدد گار 15 پولیس کو اطلاع کر دی تھی، جس پر پولیس نے موقع پر پہنچ کر ملزم کو گرفتار کرکے تھانے منتقل کر دیا۔ اسلام ٹائمز۔ شر قائد میں 7 سالہ بچی کو زیادتی کا نشانہ بنانے والے ملزم کو شہریوں نے پکڑ کر پولیس کے حوالے کر دیا۔ تفصیلات کے مطابق لانڈھی بادل گوٹھ میں کمسن بچی کو زیادتی کا نشانہ بنانے والے ملزم کو شہریوں نے پکڑ کر پولیس کے حوالے کر دیا۔ ایس ایچ او شرافی گوٹھ قمر عباس کے مطابق بچی کو زیادتی کا نشانہ بنانے کا واقعہ ہفتے کی شب پیش آیا تھا، علاقہ مکینوں نے بادل گوٹھ علی گارڈن کے قریب سنسان جگہ سے 7 سالہ بچی کے ساتھ نازیبا حرکات کرنے والے 65 سے 70 سالہ معشوق نامی ملزم کو پکڑا تھا اور علاقہ مکینوں نے متاثرہ بچی کے والد کو اطلاع کر دی تھی۔
پولیس افسر کے مطابق والد اپنے داماد کے ہمراہ موقع پر پہنچا تھا اور والد نے فوری مدد گار 15 پولیس کو اطلاع کر دی تھی، جس پر پولیس نے موقع پر پہنچ کر ملزم کو گرفتار کرکے تھانے منتقل کر دیا۔ ایس ایچ او نے بتایا کہ گرفتار ملزم کے خلاف متاثرہ بچی کے والد کی مدعیت میں مقدمہ درج کرکے تفتیش انویسٹی گیشن پولیس کے سپرد کر دی گئی۔
وزیراعلیٰ کو پنجاب کے خلاف کسی بھی بات کا جواب دینے کا حق ہے، رانا ثنا اللہ