ڈریپ نے 2 ادویات کو جعلی قرار دے کر ضبطی کے احکامات جاری کر دیے
اشاعت کی تاریخ: 8th, October 2025 GMT
پاکستان ڈرگ ریگولیٹری اتھارٹی (ڈریپ) نے بدھ کے روز دو ادویات کو ’جعلی‘ قرار دیتے ہوئے ان کی ضبطی کے احکامات جاری کر دیے۔
اتھارٹی کے جاری کردہ بیان کے مطابق ایفاسٹن گولی یعنی ڈائیڈروجیسٹرون 10 ملی گرام اور پیرا کیئر سسپنشن 60 ملی لیٹر یعنی پیراسیٹامول 120 ملی گرام فی 5 ملی لیٹر میں فعال اجزا موجود نہیں پائے گئے۔
یہ بھی پڑھیں: پاکستان میں تیار شدہ کھانسی کے شربت میں زہریلا مواد شامل، ڈریپ کا کریک ڈاؤن
نوٹیفکیشن میں کہا گیا کہ اس طرح کی جعلی ادویات عوامی صحت کے لیے سنگین خطرہ ہیں، کیونکہ یہ علاج کی ناکامی، بیماری میں شدت، یا جان لیوا نتائج کا سبب بن سکتی ہیں، خصوصاً ان مریضوں کے لیے جو ان دواؤں پر علاج کے لیے انحصار کرتے ہیں۔
ڈریپ نے عوام کو سختی سے مشورہ دیا ہے کہ وہ ان دواؤں کا استعمال فوری طور پر بند کر دیں۔
مزید پڑھیں: ڈریپ نے غیر معیاری ادویات پر الرٹ جاری کردیا
بیان میں مزید کہا گیا کہ متاثرہ بیچ نمبرز والی مصنوعات استعمال کرنے والے افراد ان کا استعمال ترک کریں اور اگر ان کے استعمال سے کسی قسم کی تکلیف یا مسئلہ محسوس ہو تو اپنے معالج یا صحت فراہم کنندہ سے رابطہ کریں۔
ڈریپ نے طبی ماہرین سے کہا ہے کہ وہ متعلقہ سپلائی چینز، فارمیسیوں اور صحت کے مراکز میں ان مصنوعات کی نگرانی میں اضافہ کریں، اور اگر کسی منفی اثر یا معیار سے متعلق مسئلے کی اطلاع ملے تو فوری طور پر رپورٹ کریں۔
مزید پڑھیں: پشاور: ڈریپ کا سرجیکل کمپنی پر چھاپہ، ممنوعہ سرنجوں کی بھاری مقدار برآمد
واضح رہے کہ رواں سال جولائی میں بھی ڈریپ نے تین دواساز کمپنیوں کو ’’غیر معیاری‘‘ طبی آلات مارکیٹ سے واپس لینے کی ہدایت کی تھی اور فارماسسٹ و کیمسٹس کو ان مصنوعات کی فراہمی بند کرنے کا کہا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ادویات پاکستان ڈرگ ریگولیٹری اتھارٹی جان لیوا نتائج جعلی ڈریپ منفی اثرات.
ذریعہ
ذریعہ: WE News
کلیدی لفظ: ادویات پاکستان ڈرگ ریگولیٹری اتھارٹی جعلی ڈریپ منفی اثرات ڈریپ نے کے لیے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
پاکستان نے ورلڈ کپ 2028 کیلیے براہ راست کوالیفائی کر لیا