‘نہ سر پر بال تھے نہ جیب میں پیسے’، نووجوت سنگھ نے کپل شرما کے پرانے دنوں کو کیسے یاد کیا؟
اشاعت کی تاریخ: 13th, October 2025 GMT
معروف سابق کرکٹر اور ٹی وی شخصیت نوجوت سنگھ سدھو نے حالیہ انٹرویو میں کامیڈین کپل شرما کے ابتدائی دنوں کو یاد کرتے ہوئے اُن کی جدوجہد اور صلاحیتوں کو سراہا۔ انہوں نے اس بات پر زور دیا کہ کسی بھی فنکار کے لیے ایک مناسب پلیٹ فارم کا ہونا بے حد ضروری ہوتا ہے تاکہ اُس کی صلاحیتیں اجاگر ہو سکیں۔
سدھو، جو حال ہی میں نیٹ فلکس کے مقبول شو دی گریٹ انڈین کپل شو کے ذریعے اسکرین پر واپس آئے ہیں، اب انڈیاز گاٹ ٹیلنٹ میں بطور جج نظر آئیں گے۔ نو بھارت ٹائمز کو دیے گئے ایک تفصیلی انٹرویو میں انہوں نے نہ صرف اپنے ذاتی تجربات شیئر کیے بلکہ کپل شرما کی جدوجہد اور کامیابی کو بھی خراجِ تحسین پیش کیا۔
یہ بھی پڑھیں: کپل شرما شو کے سیٹ پر فنکاروں کے درمیان لڑائی، اصل معاملہ کیا ہے؟
سدھو نے بتایا کہ جب کپل شرما نے 2006 میں پہلی مرتبہ ٹی وی پر قدم رکھا تو وہ نہایت سادہ حالت میں تھے۔ اُن کے بقول، ’کپل شرما بھلّر کی تھیٹر سوسائٹی میں صرف 100 روپے کے عوض کام کرتے تھے۔ جب وہ پہلی بار ٹی وی پر آئے، تو اُن کے سر پر بال نہیں تھے، پیٹ نکلا ہوا تھا اور وہ 45 سال کے لگتے تھے۔ لیکن جب انہیں ایک بڑا پلیٹ فارم ملا، تو ان کی صلاحیت نکھر کر سامنے آئی‘۔
انہوں نے مزید کہا کہ فن کا اصل امتحان اس وقت ہوتا ہے جب اسے صحیح موقع ملے، بالکل اسی طرح جیسے کرکٹ کے آئی پی ایل میں کھلاڑی راتوں رات اسٹار بن جاتے ہیں۔
یہ بھی پڑھیں: سیزن 3 کے لیے کپل شرما کتنے کروڑ معاوضہ لے رہے ہیں؟
سدھو نے بتایا کہ جب وہ بھارتیہ جنتا پارٹی (بی جے پی) کا حصہ تھے، تو سابق وزیراعظم ڈاکٹر منموہن سنگھ نے انہیں ایک سرکاری عشائیے پر مدعو کیا، جہاں جارج بش بھی موجود تھے۔ ’منموہن سنگھ کے پی اے نے مجھے فون کر کے بتایا کہ جارج بش آ رہے ہیں اور انہوں نے پوچھا کہ ’سدھو ازم‘ کیا ہے؟ جب انہیں بتایا گیا کہ میرے کہے گئے جملے سدھو ازم کہلاتے ہیں، تو انہوں نے خواہش ظاہر کی کہ وہ مجھ سے ملنا چاہتے ہیں۔ ملاقات کے دوران انہوں نے مجھ سے ایک مثبت قول سنانے کو کہا، تو میں نے کہا: ’اپنا چہرہ سورج کی طرف رکھو، تاکہ تمہیں اپنی پرچھائیں نہ دیکھنی پڑے‘۔ وہ خوب ہنسے‘۔
کپل شرما آج بھارت کے مقبول ترین کامیڈینز اور ٹی وی میزبانوں میں شمار ہوتے ہیں۔ انہوں نے 2007 میں دی گریٹ انڈین لافٹر چیلنج جیت کر قومی سطح پر توجہ حاصل کی، جس کے بعد ان کے کیریئر نے تیزی سے ترقی کی۔
یہ بھی پڑھیں: کپل شرما کے کیفے پر 2 بار فائرنگ کیوں کی گئی، وجہ سامنے آگئی
2013 میں شروع ہونے والا ان کا شو کامیڈی نائٹس وِد کپل ایک ثقافتی سنگ میل ثابت ہوا، جس نے انہیں ہر گھر کا مقبول نام بنا دیا۔ بعد ازاں، دی کپل شرما شو نے اس کامیابی کو مزید دوام بخشا۔
کپل شرما نے فلمی دنیا میں بھی قدم رکھا اور کس کس کو پیار کروں اور زوئیگاٹو جیسی فلموں میں کام کیا۔ ان کا حالیہ پروجیکٹ نیٹ فلکس پر نشر ہونے والا دی گریٹ انڈین کپل شو (سیزن 3) ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کپل شرما شو کپل شرما۔ نوجوت سنگھ سدھو نیٹ فلکس.
ذریعہ
ذریعہ: WE News
کلیدی لفظ: کپل شرما شو کپل شرما نوجوت سنگھ سدھو نیٹ فلکس کپل شرما انہوں نے
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع