بھارتی پولیس پر عدم اعتماد، اداکارہ نے گن لائسنس کے لیے اپلائی کردیا
اشاعت کی تاریخ: 13th, October 2025 GMT
معروف اداکارہ سنگیتا بجلانی نے جولائی میں اپنے فارم ہاؤس پر ہونے والی چوری اور توڑ پھوڑ کے واقعے کے بعد اپنی حفاظت کے لیے اسلحہ لائسنس کی درخواست دی ہے۔ انہوں نے پونے رورل سپرنٹنڈنٹ آف پولیس سندیپ سنگھ گل سے ملاقات کر کے کیس کی تحقیقات میں تاخیر پر اپنی تشویش کا اظہار کیا ہے۔
سنگیتا بجلانی کے فارم ہاؤس میں نامعلوم افراد نے نقدی، ٹی وی اور دیگر قیمتی اشیاء چوری کیں اور گھر کی دیواروں پر فحش گرافٹی بھی کی۔ پولیس کے مطابق چوری ہونے والی نقدی تقریباً 50,000 روپے اور ٹی وی کی قیمت 7,000 روپے بتائی گئی ہے۔ اداکارہ نے واقعے کو ’گہرا تکلیف دہ‘ اور ’ذہنی طور پر صدمہ پہنچانے والا‘ قرار دیا ہے۔
یہ بھی پڑھیں: بھارتی خواتین کی امریکی سپر اسٹور میں چوریاں، ویڈیوز وائرل
سنگیتا بیجلانی نے بتایا کہ ’میں گزشتہ 20 سال سے وہاں رہ رہی ہوں۔ پاونا میرے لیے گھر کی طرح ہے، لیکن اس خوفناک چوری کے واقعے کو تین ماہ اور نصف ہو گئے ہیں، مگر ابھی تک کوئی پیش رفت نہیں ہوئی‘۔
انہوں نے مزید کہا کہ ایس پی نے انہیں یقین دہانی کرائی کہ پولیس اس معاملے کی گہرائی میں جائے گی اور مجرموں کو پکڑے گی۔
یہ بھی پڑھیں: برطانیہ سے چوری ہونے والی رینج روور کراچی میں برآمد، یہ سب کیسے ہوا؟
بجلانی نے کہا کہ یہ چوری اور گھر میں توڑ پھوڑ کا واقعہ تھا، جو بہت خوفناک تھا۔ خوش قسمتی سے میں وہاں موجود نہیں تھی۔ گھر کے اندر دیواروں پر فحش باتیں اور گرافٹی لکھی گئی تھیں۔ اداکارہ نے کہا کہ یہ واقعہ صرف انہیں ہی نہیں بلکہ پاونا کے دیگر رہائشیوں کو بھی بے چین کر گیا ہے۔
انہوں نے کہا، پاونا میں کئی بزرگ شہری اور خاندان رہتے ہیں۔ حفاظت بہت اہم ہے۔ حالیہ واقعات کی وجہ سے پاونا کے رہائشی غیر محفوظ محسوس کر رہے ہیں۔
یہ بھی پڑھیں: لندن کی نرسری چین پر ہیکرز کا حملہ: 8 ہزار بچوں کا ڈیٹا چوری
چوری کے بعد اداکارہ نے اپنی حفاظت کے لیے اقدامات کیے ہیں۔ انہوں نے کہا، ’اس واقعے کے بعد میں نے پونے رورل پولیس سے اسلحہ لائسنس کی درخواست دی ہے۔ ایک خاتون کی حیثیت سے اگر میں اکیلی فارم ہاؤس جاؤں تو مجھے کسی قسم کی حفاظت کی ضرورت محسوس ہوتی ہے۔ مجھے پہلے کبھی اسلحہ لائسنس کی ضرورت محسوس نہیں ہوئی، مگر پہلی بار میں غیر محفوظ اور تھوڑا خوفزدہ ہوں۔
بجلانی نے امید ظاہر کی کہ پولیس جلد از جلد کارروائی کرے گی اور مجرموں کو انصاف کے کٹہرے میں لائے گی تاکہ پاونا کے رہائشیوں کو تحفظ کا احساس واپس ملے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین پولیس بالی ووڈ۔ بھارتی اداکارہ سنگیتا بجلانی.
ذریعہ
ذریعہ: WE News
کلیدی لفظ: انڈین پولیس بالی ووڈ بھارتی اداکارہ اداکارہ نے انہوں نے نے کہا کے لیے
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ