پنجاب میں ٹال پلازوں پر پرچی سسٹم ختم، مکمل ڈیجیٹلائزیشن کا فیصلہ
اشاعت کی تاریخ: 14th, October 2025 GMT
وزیراعلیٰ پنجاب مریم نواز شریف کی زیرِ صدارت صوبے میں انفراسٹرکچر، سڑکوں اور شہری ترقی سے متعلق اہم اجلاس ہوا، جس میں پنجاب کے تمام ٹال پلازوں کو ڈیجیٹل سسٹم پر منتقل کرنے، نئی سڑکوں پر سولر اسٹریٹ لائٹس نصب کرنے اور لاہور کی بیوٹی فکیشن اسکیموں کی منظوری دی گئی۔
اجلاس میں فیصلہ کیا گیا کہ صوبہ بھر کے تمام ٹال پلازوں پر پرچی سسٹم ختم کر کے انہیں الیکٹرانک ٹول کلیکشن (ETC) پر منتقل کیا جائے گا۔
پنجاب کی 38 اہم شاہراہوں پر موٹروے کی طرز پر ’ون ایپ، ون سسٹم‘کے ذریعے مکمل خودکار نظام متعارف کرایا جائے گا۔
اجلاس میں 5 بڑی شاہراہوں کی تعمیر، مرمت اور بحالی کے لیے پبلک پرائیویٹ پارٹنرشپ کے منصوبوں کی منظوری دی گئی۔
اس فیصلے کے تحت نجی ادارے سڑکوں کی تعمیر و مرمت اور دیکھ بھال کے ذمہ دار ہوں گے، جس سے سرکاری اخراجات میں نمایاں کمی متوقع ہے۔
مزید بتایا گیا کہ ای ٹینڈرنگ کے ذریعے پنجاب میں 40 ارب روپے کی بچت کا نیا ریکارڈ قائم ہوا ہے جسے شفافیت اور جدید نظام کا نتیجہ قرار دیا گیا۔
لاہور بیوٹی فکیشن پراجیکٹس کی منظوریوزیراعلیٰ مریم نواز شریف نے لاہور کی خوبصورتی اور شہری تزئین و آرائش کے متعدد منصوبوں کی بھی منظوری دے دی۔
ان منصوبوں میں ریلوے اسٹیشن، مصری شاہ، داتا دربار، اک موریہ اور دو موریہ پل کی ری ویمپنگ اور بیوٹی فکیشن شامل ہیں۔ ریلوے اسٹیشن کے سامنے پارک میں فوارہ اور بچوں کے لیے منی ٹرین چلانے کی ہدایت کی گئی ہے۔ ریلوے اسٹیشن کے اردگرد 3 کلومیٹر کے احاطے میں روڈز اور فٹ پاتھ تعمیر کیے جائیں گے۔
اجلاس کے دوران سیکرٹری سی اینڈ ڈبلیو اور ڈی جی ایل ڈی اے نے تفصیلی بریفنگ دی۔
بریفنگ کے مطابق سیلاب کے دوران متاثر ہونے والے 54 بڑے برج، 142 چھوٹے پل اور 858 سڑکیں مکمل بحال کی جا چکی ہیں۔ 93 کلومیٹر طویل ملتان-وہاڑی روڈ کو پنجاب کی پہلی ڈسٹ فری سڑک بنانے کا منصوبہ جاری ہے، جو جون 2026 تک مکمل ہوگا۔ قائداعظم انٹرچینج تا واہگہ ٹورازم کوریڈور بھی آئندہ جون تک مکمل کر لیا جائے گا۔
بریفنگ میں بتایا گیا کہ چیف منسٹر لوکل روڈ پروگرام کے تحت 5251 کلومیٹر طویل سڑکوں کے 2341 منصوبے دسمبر 2025 میں شروع ہوں گے اور جون 2026 تک مکمل کر لیے جائیں گے۔
مزید یہ کہ مری، چکوال، ساہیوال اور دیگر اضلاع میں سڑکوں کی تعمیر و مرمت کے بیشتر منصوبے مکمل ہو چکے ہیں۔ جبکہ سی ایم پنجاب انیشی ایٹو کے تحت 10 ہزار کلومیٹر سڑکوں کی تعمیر و مرمت آخری مراحل میں ہے۔
وزیراعلیٰ مریم نواز شریف نے ہدایت کی کہ تمام نئی سڑکوں پر سولر اسٹریٹ لائٹس نصب کی جائیں تاکہ توانائی کی بچت ہو اور ماحول دوست اقدامات کو فروغ ملے۔
انہوں نے متعلقہ محکموں کو منصوبوں کی بروقت تکمیل، شفافیت، اور عوامی سہولت کو اولین ترجیح دینے کی ہدایت کی۔
پنجاب حکومت کا یہ فیصلہ صوبے کے انفراسٹرکچر کو جدید خطوط پر استوار کرنے، کرپشن میں کمی اور نظام میں شفافیت لانے کی جانب ایک بڑا قدم سمجھا جا رہا ہے۔
ٹال پلازہ ڈیجیٹلائزیشن، ای ٹینڈرنگ، اور سولر لائٹس جیسے اقدامات نہ صرف مالی بچت بلکہ عوامی سہولت کے بھی ضامن ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: سڑکوں کی تعمیر
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار