پنجاب میں ٹول پلازوں پرچی سسٹم ختم ، ڈیجیٹلائزیشن کا فیصلہ
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور:۔ پنجاب بھر کے تمام ٹول پلازوں پر پرچی سسٹم ختم کرکے مکمل ڈیجیٹلائزیشن کا فیصلہ کرلیا گیا۔ اس بات کا فیصلہ وزیراعلیٰ پنجاب مریم نواز شریف کی زیر صدارت خصوصی اجلاس میں کیا گیا، اجلاس میں پنجاب کے ٹول پلازوں پر پرچی سسٹم ختم کرکے جدید نظام کے تحت ڈیجیٹلائز کرنے کا فیصلہ کیا گیا۔
اجلاس میں بتایا گیا کہ صوبے کے تمام 38 الیکٹرانک ٹول پلازوں پر موٹروے کی طرز پر ون ایپ ون سسٹم متعارف کرایا جائے گا۔ اجلاس میں پانچ بڑی شاہراہوں کی تعمیر، مرمت اور بحالی کے منصوبے پبلک پرائیویٹ پارٹنر شپ کے تحت مکمل کرنے کی منظوری دی گئی، نجی ادارے ان سڑکوں کی تعمیر و مرمت اور دیکھ بھال کے ذمہ دار ہوں گے۔
اجلاس میں بریفنگ کے دوران بتایا گیا کہ ای ٹینڈرنگ سسٹم کے ذریعے پنجاب حکومت نے 40 ارب روپے کی تاریخی بچت حاصل کی ہے، وزیراعلیٰ مریم نواز نے صوبے میں تعمیر ہونے والی نئی سڑکوں پر سولر اسٹریٹ لائٹس لگانے کا حکم دیا۔ اس کے علاوہ وزیراعلیٰ مریم نواز نے لاہور بیوٹی فکیشن پراجیکٹس کی بھی منظوری دی، منصوبوں کے تحت ریلوے اسٹیشن، داتا دربار، مصری شاہ، اک موریہ اور دوموریہ پل کی تزئین و آرائش کی جائے گی، جبکہ ریلوے اسٹیشن کے سامنے پارک میں فوارہ اور بچوں کے لیے منی ٹرین چلائی جائے گی۔
بریفنگ میں بتایا گیا کہ سیلاب سے متاثرہ 54 بڑے پل، 142 چھوٹے پل اور 858 سڑکیں بحال کی جاچکی ہیں، جبکہ ملتان-وہاڑی روڈ کو پنجاب کا پہلا ڈسٹ فری روڈ بنایا جا رہا ہے۔ مزید بتایا گیا کہ قائداعظم انٹرچینج تا واہگہ ٹورازم کوریڈور جون 2026 تک مکمل ہوگا۔اجلاس میں یہ بھی بتایا گیا کہ چیف منسٹر لوکل روڈ پروگرام کے تحت 5251 کلومیٹر طویل 2341 منصوبے دسمبر میں شروع ہوں گے جو جون 2026 تک مکمل کیے جائیں گے۔مری، چکوال اور ساہیوال سمیت متعدد اضلاع میں سڑکوں کی تعمیر و مرمت کے منصوبے تکمیل کے آخری مراحل میں ہیں۔
ذریعہ: Jasarat News
کلیدی لفظ: ٹول پلازوں پر بتایا گیا کہ اجلاس میں کا فیصلہ کے تحت
پڑھیں:
شرجیل میمن نے محکمہ اطلاعات کو فلم و میڈیا پروجیکٹس جلد مکمل کرنے کی ہدایت کر دی
سندھ کے سینئر وزیر شرجیل انعام میمن نے محکمہ اطلاعات کو ہدایت کی ہے کہ صوبے کے تمام فلمی اور میڈیا پروجیکٹس جلد از جلد مکمل کیے جائیں اور حکام صوبے کے جاری میگا پروجیکٹس اور ترقیاتی کاموں کی موثر اور بروقت تشہیر یقینی بنائیں۔
کراچی میں محکمہ اطلاعات کے اجلاس کی صدارت کرتے ہوئے شرجیل میمن نے محکمہ کی پروڈکشن کو جدید تقاضوں کے مطابق اپ گریڈ کرنے اور تکنیکی معیار بہتر بنانے کے اقدامات کی بھی ہدایات دیں۔ انہوں نے متعلقہ حکام کو منصوبوں پر تیز رفتاری سے کام کرنے کا بھی حکم دیا۔
اجلاس میں فلمی منصوبوں کی پیش رفت، ادارے کی مجموعی حکمت عملی اور قومی بیانیے کی مضبوطی کے لیے اقدامات پر تفصیلی بات چیت ہوئی۔
سینئر وزیر نے کہا کہ حکومت چاہتی ہے کہ فلم، ڈاکیومنٹری اور دیگر تخلیقی مواد کے ذریعے قومی یکجہتی، امن، رواداری اور ترقیاتی اقدامات کو موثر انداز میں عوام تک پہنچایا جائے۔ ان کے مطابق میڈیا کا استعمال معاشرے میں مثبت پیغام پھیلانے کے لیے ضروری ہے۔
انہوں نے مزید کہا کہ محکمہ اطلاعات کو ہر شعبے میں ایسا مواد تیار کرنا چاہیے جو صوبے کی ثقافت، عوامی مفاد اور حکومتی کارکردگی کو سادہ اور مؤثر انداز میں پیش کرے۔ ساتھ ہی نوجوان فلم سازوں اور میڈیا پروفیشنلز کو مواقع فراہم کرنے کے اقدامات جاری ہیں تاکہ نئی تخلیقی صلاحیتیں سامنے آئیں اور مثبت بیانیہ مضبوط ہو۔
اجلاس میں ڈی جی اطلاعات معز پیرزادہ، ڈائریکٹر ایڈورٹائزمنٹ یوسف کابورو، ڈائریکٹر ایڈمن منصور راجپوت، ڈائریکٹر فلمز حزب اللہ میمن اور ڈپٹی ڈائریکٹر سارنگ لطیف چانڈیو بھی شریک تھے۔
توہین رسالت کے مقدمے میں عدالت نے بڑا فیصلہ سنا دیا