کراچی کے مختلف علاقوں میں پولیس مقابلے، ایک ڈاکو ہلاک، 2 زخمی حالت میں گرفتار
اشاعت کی تاریخ: 17th, October 2025 GMT
کراچی:
شہر قائد کے مختلف علاقوں میں پولیس اور ملزمان کے درمیان دو مبینہ مقابلوں کے دوران ایک ڈاکو ہلاک جبکہ دو کو زخمی حالت میں گرفتار کر لیا گیا۔
گرفتار ملزمان سے اسلحہ، موبائل فونز، نقدی اور گاڑی بھی برآمد ہوئی ہے۔
پہلا مقابلہ کورنگی کے علاقے سیکٹر 35-ڈی اقصیٰ مسجد کے قریب پیش آیا جہاں پولیس کی فائرنگ سے ایک ڈاکو زخمی ہوا جسے گرفتار کر کے اسپتال منتقل کیا گیا، تاہم وہ دوران علاج دم توڑ گیا۔
پولیس کے مطابق ہلاک ڈاکو کی شناخت نور الاسلام عرف سومیا کے نام سے ہوئی ہے، جب کہ اس کے قبضے سے اسلحہ برآمد ہوا۔ مقابلے کے دوران اس کا ایک ساتھی موقع سے فرار ہو گیا جس کی تلاش جاری ہے۔
دوسرا واقعہ ماڈل کالونی کے علاقے میں قبرستان کے قریب پیش آیا، جہاں پولیس نے دو ملزمان کو مقابلے کے بعد زخمی حالت میں گرفتار کیا۔
چھیپا ذرائع کے مطابق دونوں زخمیوں کو جناح اسپتال منتقل کیا گیا، جہاں ان کی شناخت فرید اور کاشف کے ناموں سے ہوئی ہے۔
پولیس حکام کا کہنا ہے کہ گرفتار ملزمان کے قبضے سے دو پستولیں، نقدی، موبائل فونز اور ایک ہائی روف گاڑی برآمد کی گئی ہے۔
.ذریعہ: Express News
پڑھیں:
گلستان جوہر،پاک کالونی میں منشیات فروشوں کیخلاف چھاپے، محکمہ ایکسائز آفیسر سمیت 14 ملزمان گرفتار
سی ائی اے پولیس نے کارروائی کے دوران مختلف مقامات سے 28 کروڑ مالیت کی 508 کلو منشیات برآمد کر لی
منشیات سے بھری دو گاڑیاں ضبط، جاوید رشید کے گھر کے ڈرائنگ روم سے 50 کلو چرس اور 10 کلو ائس میتھ برآمد
( رپورٹ: افتخار چوہدری) اسپیشل انویسٹیگیشن یونٹ نے شہر بھر میں منشیات فروشوں کے خلاف چھاپہ مار کاروائی کے دوران محکمہ ایکسائز افیسر سمیت 14 ملزمان کو گرفتار کر کے ان کے قبضے سے 28 کروڑ روپے مالیت کی 508 کلو منشیات برآمد کر لی ۔تفصیلات کے مطابق سی ائی اے پولیس نے گلستان جوہر اور پاک کالونی کے مختلف مقامات پر چھاپوں کے دوران ملزمان کو گرفتار کیا گرفتار ملزمان ایکسائز ٹیم کے ساتھ بطور پرائیویٹ افراد شامل رہے ہیں جن کے کراچی اور بلوچستان کے بڑے منشیات فروشوں کے ساتھ رابطے موجود ہیں اور بلوچستان سے کراچی منشیات کی ترسیل میں سہولت کاری کا کردار ادا کرتے تھے ۔تفتیش کے دوران ملوث ملزمان کے خلاف کاروائیاں جاری ہیں جن میں محکمہ ایکسائز کے ملازمین شامل ہیں۔گرفتار ملزمان کی شناخت سیف الرحمان۔ جاوید رشید ۔عبدالرشید۔ عرفان۔ محمد فراز۔ نعمان۔ طلحہ۔ بلال۔ ثاقب۔ نجیب۔ شیر زمان۔ محمد ثاقب۔ عبدالرؤف اور شاہجہاں کے ناموں سے ہوئی ہے ۔تفتیش کے دوران ملزم سیف الرحمان کی نشاندہی پر جاوید رشید کو اس کے گھر سے گرفتار کیا گیا جس کے ڈرائنگ روم سے 50 کلو چرس اور 10 کلو ائس میتھ برآمد کی گئی۔ملزم جاوید رشید محکمہ ایکسائز میں اے ای ٹی او کے عہدے پر تعینات تھا۔ملزمان کی تحویل سے منشیات سے بھری دو گاڑیاں بھی قبضے میں لی گئی ہیں جنہیں منشیات کی ترسیل کے لیے استعمال کیا جارہا تھا ۔ گرفتار ملزمان کے خلاف مقدمات درج کر کے مزید تفتیش کی جا رہی ہے۔
نگران وزیراعلیٰ گلگت بلتستان نے عہدے کا حلف اٹھالیا