موسم سرما: پاکستان ریلوے کا نیا ٹائم ٹیبل جاری، متعدد ٹرینوں کے اوقات میں تبدیلی
اشاعت کی تاریخ: 17th, October 2025 GMT
پاکستان ریلوے نے سردیوں کے لیے نیا شیڈول جاری کر دیا ہے جو جمعرات سے نافذ العمل ہو گیا۔
نئے ٹائم ٹیبل میں 16 ٹرینوں کے اوقاتِ روانگی میں معمولی تبدیلیاں، معطل سروسز کی بحالی اور سیلاب سے متاثرہ راستوں میں ایڈجسٹمنٹ شامل ہیں۔
یہ بھی پڑھیے وفاقی وزیر حنیف عباسی نے ریلوے میں اصلاحات کا خاکہ پیش کردیا
ترجمان پاکستان ریلوے کے مطابق، یہ تبدیلیاں آپریشنل کارکردگی بہتر بنانے اور انفراسٹرکچر چیلنجز کو مدنظر رکھتے ہوئے کی گئی ہیں۔
اہم تبدیلیاںعلامہ اقبال ایکسپریس اب سیالکوٹ سے صبح 7:30 بجے روانہ ہوگی (پہلے 7:00 بجے تھی)۔
عوام ایکسپریس کی روانگی کراچی سے صبح 8:00 بجے مقرر کی گئی ہے (پہلے 7:30 بجے تھی)۔
نارووال پسنجر ٹرین اب 7:25 بجے روانہ ہوگی (پہلے 7:00 بجے تھی)۔
فیض احمد فیض پسنجر ٹرین اب نارووال سے صبح 5:00 بجے روانہ ہوگی (پہلے 5:30 بجے تھی)۔
شالیمار ایکسپریس کی روانگی لاہور سے صبح 7:10 بجے ہوگی (پہلے 7:30 بجے تھی)۔
معطل ٹرینوں کی بحالی اور نئے روٹسنئے ٹائم ٹیبل کے تحت چار معطل شدہ ٹرینیں بحال کر دی گئی ہیں،
جبکہ نو ٹرینوں کے عارضی اسٹاپس کو مستقل اسٹاپس میں تبدیل کر دیا گیا ہے۔
سیلاب سے متاثرہ ریلوے ٹریکس کے باعث کچھ ٹرینوں کے روٹس میں بھی تبدیلی کی گئی ہے۔
پاکستان ایکسپریس (46 ڈاؤن) کراچی جاتے ہوئے اور (45 اپ) کراچی سے واپسی پر لاہور ساہیوال سیکشن سے گزرے گی۔
ملت ایکسپریس (18 ڈاؤن) فیصل آباد سے دوپہر 2:00 بجے روانہ ہوگی اور چک جھمرہ، سانگلہ ہل، لاہورساہیوال روٹ اختیار کرے گی۔
یہ بھی پڑھیے پاکستان ریلوے میں کیش لیس نظام کا آغاز، مسافروں کے لیے ادائیگی کا جدید طریقہ متعارف
رحمن بابا ایکسپریس (48 ڈاؤن) کراچی جانے اور (47 اپ) واپسی پر بھی یہی راستہ اختیار کرے گی۔
ملت ایکسپریس (17 اپ) کراچی سے آتے ہوئے ساہیوال لاہور، سانگلہ ہل، چک جھمرہ، فیصل آباد کے راستے سفر کرے گی۔
دیگر ٹرینیں معمول کے مطابقکراچی، راولپنڈی، پشاور، کوئٹہ اور دیگر شہروں کو جانے والی باقی تمام ٹرینیں اپنے سابقہ شیڈول کے مطابق چل رہی ہیں۔
مسافروں کے لیے سہولتڈویژنل سپرنٹنڈنٹ ریلوے لاہور، انعام اللہ کی ہدایت پر اسٹیشنوں پر پیسنجر فسیلیٹیشن اسٹاف کو چوبیس گھنٹے موجود رہنے کی ہدایت دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ریلوے موسم سرما کا ٹائم ٹیبل.
ذریعہ
ذریعہ: WE News
کلیدی لفظ: پاکستان ریلوے موسم سرما کا ٹائم ٹیبل بجے روانہ ہوگی پاکستان ریلوے ٹائم ٹیبل ٹرینوں کے بجے تھی کے لیے
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
پاکستان نے ورلڈ کپ 2028 کیلیے براہ راست کوالیفائی کر لیا