نیلی آنکھوں والے بچے کی خواہش: روسی خاتون نے اپنی آنکھوں کی سرجری کروالی
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
ماسکو: روس میں ایک حیران کن واقعہ اس وقت بحث کا موضوع بن گیا جب ایک خاتون نے نیلی آنکھوں والے بچے کی خواہش میں اپنی ہی آنکھوں کا رنگ تبدیل کروا لیا۔
خاتون کا ماننا تھا کہ اگر وہ خود نیلی آنکھوں والی بن جائیں تو اُن کے آئندہ بچے کی آنکھیں بھی نیلی ہوں گی، تاہم ماہرین نے اس سوچ کو غیر سائنسی اور خطرناک قرار دیا ہے۔
مقامی میڈیا رپورٹس کے مطابق خاتون نے ایک غیر منظور شدہ کاسمیٹک سرجری کروائی، جس میں “آئرس امپلانٹ” کے ذریعے آنکھوں کے رنگ کو مصنوعی طور پر نیلا کیا گیا۔ یہ عمل نہ صرف قانونی طور پر متنازع ہے بلکہ طبی طور پر بھی نہایت خطرناک سمجھا جاتا ہے۔
سرجری کے دوران آنکھ کے قدرتی نظام میں بیرونی مواد داخل کیا جاتا ہے، جو طویل مدت میں بینائی کی کمزوری، کارنیا کے نقصان یا یہاں تک کہ مکمل اندھے پن کا باعث بن سکتا ہے۔
ماہرینِ جینیات کے مطابق بچے کی آنکھوں کا رنگ خالصتاً جینیاتی عوامل سے طے ہوتا ہے، جو والدین کے جینز کے امتزاج سے بنتا ہے۔ کسی بالغ فرد کی سرجری یا جسمانی تبدیلیاں بعد میں ہونے والی اولاد کے جینیاتی کوڈ پر کوئی اثر نہیں ڈال سکتیں،یعنی والدہ کی سرجری کا بچے کی آنکھوں کے رنگ سے کوئی تعلق نہیں۔
روسی سوشل میڈیا پر اس واقعے نے ایک اخلاقی اور سائنسی بحث کو جنم دیا ہے۔ کئی صارفین نے خاتون کے اقدام کو خطرناک فیشن جنون قرار دیا، جب کہ کچھ لوگوں نے سوال اٹھایا کہ خوبصورتی کے غیر فطری معیار نے انسانوں کو کس حد تک خود سے بے زار کر دیا ہے۔
ڈاکٹرز کا کہنا ہے کہ دنیا بھر میں اس طرح کی آئرس کلر سرجریاں کئی ممالک میں غیر قانونی قرار دی جا چکی ہیں، کیونکہ یہ مستقل نقصان کا باعث بن سکتی ہیں۔ ماہرین نے خبردار کیا ہے کہ خوبصورتی کے لیے کیے جانے والے ایسے تجربات انسانی صحت کے لیے سنگین خطرات پیدا کر سکتے ہیں۔
.
ذریعہ
ذریعہ: Jasarat News
کلیدی لفظ: بچے کی
پڑھیں:
لاہور سے تعلق رکھنے والی سعدیہ زاہدی عالمی فضائی تنظیم کی پہلی خاتون ڈائریکٹر جنرل مقرر
سعدیہ زاہدی— تصویر بشکریہ سوشل میڈیالاہور سے تعلق رکھنے والی سعدیہ زاہدی عالمی فضائی تنظیم آئی اے ٹی اے (IATA)، (انٹرنیشنل ایئر ٹرانسپورٹ ایسوسی ایشن) کی پہلی خاتون ڈائریکٹر جنرل مقرر ہو گئیں۔
سعدیہ زاہدی یکم نومبر سے اپنی ذمے داریاں سنبھالیں گی۔
سعدیہ زاہدی اس وقت ورلڈ اکنامک فورم (WEF) میں مینیجنگ ڈائریکٹر کے طور پر خدمات انجام دے رہی ہیں۔
ان کا کہنا ہے کہ عالمی فضائی صنعت میں جدت، مضبوطی اور پائیدار ترقی کے لیے کام کروں گی۔
سعدیہ زاہدی سوئس اور پاکستانی شہریت رکھتی ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم