رونالڈو ورلڈ کپ کوالیفائرز میں سب سے زیادہ گول کرنے والے کھلاڑی بن گئے
اشاعت کی تاریخ: 16th, October 2025 GMT
پرتگال کے مایہ ناز فٹبالر کرسٹیانو رونالڈو نے ایک بار پھر تاریخ رقم کر دی۔ 40 سالہ اسٹار کھلاڑی نے ہنگری کے خلاف دو گول کر کے فیفا ورلڈکپ کوالیفائرز کی تاریخ میں سب سے زیادہ گول کرنے والے کھلاڑی کا نیا عالمی ریکارڈ قائم کر لیا۔
پرتگال اور ہنگری کے درمیان 2-2 کے میچ سے قبل رونالڈو گوئٹے مالا کے کارلوس رُوئز کے ساتھ 39 گول کے ریکارڈ پر برابر تھے، مگر اب رونالڈو نے یہ اعزاز 41 گول کے ساتھ اپنے نام کر لیا ہے۔
رونالڈو نے میچ کے 22ویں منٹ میں نلسن سیمیڈو کے شاندار کراس پر قریب سے گیند کو گول میں ڈال کر ریکارڈ توڑا، جبکہ وقفے سے قبل انہوں نے نونو مینڈس کے کراس پر دوسرا گول کر کے اپنی برتری مزید مستحکم کر لی۔
سوشل میڈیا پر رونالڈو نے اپنی کامیابی پر خوشی کا اظہار کرتے ہوئے لکھا کہ قومی ٹیم کی نمائندگی میرے لیے ہمیشہ فخر کی بات رہی ہے، اس سنگِ میل تک پہنچنا ایک اعزاز ہے، ان سب کا شکریہ جنہوں نے میرا ساتھ دیا، نومبر میں ورلڈ کپ کوالیفکیشن یقینی بنائیں گے۔
رونالڈو کے ان دو گولز کے باوجود پرتگال میچ جیتنے میں ناکام رہا، کیونکہ ہنگری کے مڈفیلڈر ڈومینک سوبوسلائی نے 91ویں منٹ میں گول کر کے میچ برابر کر دیا۔
اس کے باوجود پرتگال ابھی بھی یورپی گروپ ایف میں 5 پوائنٹس کی برتری کے ساتھ سرفہرست ہے اور آئرلینڈ کے خلاف 13 نومبر کو ہونے والے میچ میں اپنی ورلڈ کپ 2026 کی کوالیفکیشن یقینی بنا سکتا ہے۔
واضح رہے کہ یورپ سے انگلینڈ، افریقہ سے آئیوری کوسٹ، سینیگال، جنوبی افریقہ جبکہ ایشیا سے سعودی عرب اور قطر نے آئندہ سال کے ورلڈ کپ کے لیے اپنی جگہ پکی کر لی ہے۔
یہ ٹورنامنٹ 11 جون 2026 کو امریکا، کینیڈا اور میکسیکو میں شروع ہوگا اور اب تک 48 میں سے 28 ٹیمیں کوالیفائی کر چکی ہیں۔
.ذریعہ: Daily Mumtaz
کلیدی لفظ: رونالڈو نے ورلڈ کپ گول کر
پڑھیں:
عوامی فلاح کیلئے کام کرنے والے ادارے حکومت کے حقیقی شراکت دار ہیں، نگران وزیر اعلیٰ
نگران وزیر اعلی ٰگلگت بلتستان یار محمد نے وفد سے گفتگو کرتے ہوئے کہا کہ فلاحی اداروں کے ساتھ مل کر معاشرے کی بہتری کے لیے عملی اقدامات کیے جائیں گے۔ اسلام ٹائمز۔ وزیر اعلیٰ گلگت بلتستان جسٹس ریٹائرڈ یار محمد سے فلاح انسانیت ویلفیئر سوسائٹی گلگت بلتستان، استور کی مرکزی شوریٰ کے وفد نے ملاقات کی۔ وفد میں سوسائٹی کے چیئرمین حبیب اللہ، ڈائریکٹر حفیظ، ایڈمن ہیڈ ریاض احمد، منیجر سعید الرحمن اور دیگر عہدیداران شامل تھے۔ وفد نے وزیر اعلیٰ کو عہدہ سنبھالنے پر مبارک باد دی اور نیک خواہشات کا اظہار کیا۔ ملاقات کے دوران فلاح انسانیت ویلفیئر سوسائٹی کی جانب سے گلگت بلتستان میں جاری فلاحی سرگرمیوں، امدادی کاموں، اور مستقبل کے منصوبوں پر تفصیلی بریفنگ دی گئی۔ اس موقع پر سوسائٹی کے اراکین نے وزیر اعلی کو ان کے سابقہ دور میں سوسائٹی کی فلاحی کوششوں میں دی گئی معاونت اور تعاون پر دلی شکریہ ادا کیا اور امید ظاہر کی کہ موجودہ دور حکومت میں بھی وزیر اعلیٰ اسی جذبے اور توجہ کے ساتھ فلاحی اداروں کے ساتھ تعاون جاری رکھیں گے۔ وزیر اعلی جسٹس (ر) یار محمد نے وفد کی آمد پر شکریہ ادا کیا اور فلاح انسانیت ویلفیئر سوسائٹی کی خدمات کو سراہتے ہوئے کہا کہ معاشرے میں مثبت تبدیلی اور عوامی فلاح کے لیے کام کرنے والے ادارے حکومت کے حقیقی شراکت دار ہیں۔ انہوں نے سوسائٹی کو حکومت کی جانب سے مکمل تعاون کی یقین دہانی بھی کروائی اور کہا کہ فلاحی اداروں کے ساتھ مل کر معاشرے کی بہتری کے لیے عملی اقدامات کیے جائیں گے۔
دھلی بم دھماکوں کے بعد کشمیریوں کی زندگی اجیرن