وزیراعظم یوتھ پروگرام کے تحت نوجوانوں کی ڈیجیٹل مہارتوں میں تربیت کے لیے خصوصی پروگرام کا آغاز
اشاعت کی تاریخ: 21st, October 2025 GMT
وزیراعظم یوتھ پروگرام کے تحت اسپیشلائزڈ ڈیجیٹل اسکلز ٹریننگ آف ٹرینرز پروگرام کا آغاز کر دیا گیا ہے جس کا مقصد پاکستانی نوجوانوں کو جدید ٹیکنالوجی کے میدان میں آگے بڑھنے کے مواقع فراہم کرنا ہے۔
اسلام آباد میں نیشنل ووکیشنل اینڈ ٹیکنیکل ٹریننگ کمیشن کے ہیڈکوارٹرز میں افتتاحی تقریب سے خطاب کرتے ہوئے چیئرمین وزیراعظم یوتھ پروگرام رانا مشہود نے بتایا کہ پہلے مرحلے میں 200 ٹرینرز کو مصنوعی ذہانت، ای کامرس، ڈیجیٹل مارکیٹنگ اور ڈیٹا اینالیٹکس جیسے جدید شعبوں میں آن لائن تربیت دی جائے گی۔
یہ بھی پڑھیے: بھارت سے ٹیکنالوجی کی جنگ جیت لی، نوجوانوں کو ڈیجیٹل مہارتوں سے لیس کرنا وقت کا تقاضا ہے، شزا فاطمہ
رانا مشہود نے کہا کہ یہ پروگرام وزیراعظم کے ڈیجیٹل پاکستان وژن کے تحت ہماری نوجوان نسل کو عالمی معیار کی ڈیجیٹل مہارتیں فراہم کرنے کی ایک بڑی پیش رفت ہے۔
انہوں نے اعلان کیا کہ پریکٹس آف اسکلز پلیٹ فارم کے ذریعے نوجوانوں اور فری لانسرز کو مفت ڈیجیٹل لرننگ اکاؤنٹس فراہم کیے جائیں گے تاکہ ملک بھر میں ڈیجیٹل خواندگی کو فروغ دیا جا سکے۔
ان کا کہنا تھا کہ یہ پروگرام پبلک پرائیویٹ پارٹنرشپ ماڈل کے تحت تیار کیا گیا ہے جس سے پاکستان کے ٹیکنیکل اینڈ ووکیشنل ایجوکیشن اینڈ ٹریننگ سسٹم کو جدید خطوط پر استوار کیا جائے گا تاکہ نوجوانوں کو بین الاقوامی معیار کے مطابق تربیت دی جا سکے۔
یہ بھی پڑھیے: پنجاب میں ٹال پلازوں پر پرچی سسٹم ختم، مکمل ڈیجیٹلائزیشن کا فیصلہ
رانا مشہود نے اختتام پر کہا، اس پروگرام کے ذریعے ہم صرف افراد کو تربیت نہیں دے رہے بلکہ پاکستان کے مستقبل میں سرمایہ کاری کر رہے ہیں، تاکہ نوجوان ڈیجیٹل دنیا میں کامیابی کے ساتھ آگے بڑھ سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈیجیٹل مہارت وزیراعظم یوتھ پروگرام.ذریعہ: WE News
کلیدی لفظ: ڈیجیٹل مہارت وزیراعظم یوتھ پروگرام وزیراعظم یوتھ پروگرام کے تحت
پڑھیں:
الخدمت فاؤنڈیشن کی جانب سے غزہ کی تعمیر نو کے لیے بڑے پروگرام کا آغاز
الخدمت فاؤنڈیشن پاکستان نے جنگ بندی کے بعد غزہ کی تعمیر نو اور بحالی کے لیے 15 ارب روپے پر مشتمل غزہ کی بحالی پروگرام کا باضابطہ آغاز کر دیا ہے۔
صدر الخدمت فاؤنڈیشن ڈاکٹر حفیظ الرحمن نے مصر کے دورے سے واپسی پر پریس بریفنگ دیتے ہوئے بتایا کہ اب تک غزہ کے متاثرین کے لیے 8 ارب 10 کروڑ روپے خرچ کیے جاچکے ہیں، جبکہ 5 ہزار ٹن امدادی سامان پر مشتمل 35 کنسائنمنٹس ائیر کارگو اور بحری راستوں سے غزہ روانہ کی جا چکی ہیں۔
یہ بھی پڑھیں: الخدمت فاؤنڈیشن نے غزہ کے لیے امدادی سامان کی نئی کھیپ روانہ کردی
ان کنسائنمنٹس میں خیمے، کمبل، خوراک، آٹا، چاول، ہائی جین کٹس، ڈلیوری کٹس اور بے بی کٹس سمیت دیگر ضروری اشیائے خوردونوش شامل تھیں۔
ڈاکٹر حفیظ الرحمن کے مطابق غزہ کی بحالی پروگرام کے پہلے مرحلے میں 6 ہزار خاندانوں کے لیے فوڈ پیکجز، 100 ٹن امدادی سامان اور 100 ٹن چاول قاہرہ سے غزہ بھیجے جا رہے ہیں، جبکہ 100 ٹن قربانی کے گوشت کو ریڈی ٹو ایٹ پیکٹس کی صورت میں تیار کیا جا رہا ہے۔
انہوں نے بتایا کہ غزہ میں الخدمت کے چھ واٹر فلٹریشن پلانٹس پہلے ہی کام کر رہے ہیں، جنہیں بڑھا کر پینے کے صاف پانی کے 100 منصوبوں تک توسیع دی جائے گی۔ موسمِ سرما کی آمد کے پیش نظر آئندہ ہفتے پاکستان سے دو کارگو فلائٹس روانہ کی جائیں گی، جن میں شیلٹرز، خیمے، کمبل، گرم کپڑے اور سلیپنگ بیگز شامل ہوں گے۔
یہ بھی پڑھیں: حکومت اور الخدمت فاؤنڈیشن کے تعاون سے امدادی سامان کی 5 ویں کھیپ فلسطین روانہ
انہوں نے بتایا کہ غزہ میں 2 شیلٹر اسکول فعال ہیں، جبکہ مختلف صوبوں میں مزید 5 اسکول قائم کیے جارہے ہیں۔ پاکستان میں الخدمت اسکالرشپس پر موجود 404 فلسطینی طلبہ کی تعداد کو ایک ہزار تک بڑھایا جائے گا اور غزہ میں یتیم بچوں کی کفالت 750 سے بڑھا کر 3 ہزار تک کی جا رہی ہے۔
صدر الخدمت کے مطابق شہدا فیملیز کی رجسٹریشن 1 ہزار 550 خاندانوں تک مکمل ہو چکی ہے، جن میں سے 50 خاندانوں کی کفالت کا آغاز کر دیا گیا ہے۔
طبی سہولیات کے حوالے سے بتایا گیا کہ اب تک 394 ٹن ادویات اور تین ایمبولینسز غزہ میں خدمات فراہم کر رہی ہیں، جبکہ 500 زخمیوں کو پاکستان لا کر علاج فراہم کرنے کا منصوبہ بھی حتمی مراحل میں ہے۔
یہ بھی پڑھیں: الخدمت فاؤنڈیشن کی ’اسموگ فری لاہور‘ مہم، 10 ہزار پودے فلسطینی شہدا کے نام
انہوں نے کہا کہ الخدمت نے فیلڈ ہاسپٹل کی تیاری مکمل کر لی ہے، جہاں مصنوعی اعضا کی تیاری کی سہولت بھی فراہم کی جائے گی۔ غزہ کی بحالی پروگرام کے تحت پانچ شیلٹر مساجد کی تعمیر کا آغاز کیا جا چکا ہے، جسے بتدریج 25 تک بڑھایا جائے گا۔
ڈاکٹر حفیظ الرحمن نے کہا کہ یہ پروگرام محض ریلیف نہیں بلکہ غزہ کے عوام کی پائیدار بحالی کی جانب ایک جامع قدم ہے۔ انہوں نے کہا کہ پاکستانی عوام کا تعاون ہمارا حوصلہ ہے اور ہم غزہ کے عوام کو باوقار زندگی کی طرف لوٹانے تک اپنی کاوشیں جاری رکھیں گے۔
پریس بریفنگ میں سیکریٹری جنرل سید وقاص جعفری، نائب صدور اور دیگر ذمہ داران بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news الخدمت فاؤنڈیشن تعمیر نو جنگ بندی ریلیف آپریشن شہدا فیملیز غزہ فلسطین
وفاقی حکومت کا گندم پالیسی کا نیا ڈرافٹ، چاروں صوبوں سے رائے طلب