ٹھٹھہ ،تیزرفتارٹرک نے موٹرسائیکل سوار3 نوجوانوں کو کچل دیا
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
ٹھٹھہ (نمائندہ جسارت)ٹھٹھہ کے قریب خوفناک حادثہ، ٹرک نے موٹر سائیکل پر سوار تین نوجوانوں کو کچل ڈالا، 2 موقعے پر جاں بحق ایک زخمی۔ تفصیلات کے مطابق ٹھٹھہ کے قریب برانچ موری، سجاول روڈ پر تیز رفتار ٹرک نے موٹر سائیکل کو ٹکر ماردی جس کے بعد ٹرک الٹ گیا نتیجے میں موٹر سائیکل سوار دو نوجوان موقعے پر ہی جاں بحق ہوگئے جاں بحق ہونے والے دو افراد ٹرک میں پھنس گئے تھے جنہیں ریسکیو ٹیموں نے بڑی کوششوں کے بعد نکالا۔ جاں بحق افراد کی لاشیں اور زخمی کو سول اسپتال ٹھٹھہ پہنچائی گئی۔جاں بحق ہونے والوں میں ایک کی شناخت مکلی کے رہائشی کاکا پٹھان دوسرے کی شناخت ٹھٹھہ کی پٹھان کالونی کے رہائشی خالد پٹھان کے طور پر ہوئی ہے زخمی نوجوان کی شناخت مکلی کے رہائشی سعید گل پٹھان کے طور پر کی گئی ہے۔
ذریعہ
ذریعہ: Jasarat News
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار