ایسی قدرتی غذائیں جو کسی بھی عمر میں ہڈیوں کو مضبوط رکھنے کیلیے مفید ہیں
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
ہڈیاں انسانی جسم کی بنیاد اور مضبوطی کی علامت ہیں، جو نہ صرف ہمیں سہارا دیتی ہیں بلکہ اندرونی اعضا کو تحفظ بھی فراہم کرتی ہیں۔
جوانی میں جسم بآسانی نئے ٹشوز بناتا ہے، مگر عمر بڑھنے کے ساتھ یہ صلاحیت کم ہوتی جاتی ہے، جس کے نتیجے میں ہڈیوں کی مضبوطی متاثر ہوتی ہے۔ بڑھتی عمر کے ساتھ ہڈیوں کا حجم گھٹنے لگتا ہے اور ٹوٹ پھوٹ کا خطرہ بڑھ جاتا ہے، لیکن اچھی بات یہ ہے کہ چند مخصوص غذائیں ایسی ہیں جنہیں اگر روزمرہ خوراک کا حصہ بنالیا جائے تو ہڈیاں ہر عمر میں مضبوط اور صحت مند رہ سکتی ہیں۔
ماہرین کا کہنا ہے کہ سبز پتوں والی سبزیاں اس معاملے میں سب سے مؤثر ثابت ہوتی ہیں۔ پالک، ساگ اور دیگر سبزیاں کیلشیم سے بھرپور ہوتی ہیں جو ہڈیوں کی ساخت مضبوط رکھنے کے لیے نہایت اہم جز ہے۔ ان سبزیوں میں موجود وٹامن K ہڈیوں کے بھربھرے پن کو روکتا ہے اور انہیں کمزور ہونے سے بچاتا ہے۔
اسی طرح شکرقندی میگنیشیم اور پوٹاشیم کا شاندار ذریعہ ہے۔ میگنیشیم جسم میں وٹامن ڈی کے توازن کو برقرار رکھتا ہے جبکہ پوٹاشیم تیزابیت کو کم کرکے کیلشیم کی کمی سے بچاتا ہے۔ یہ دونوں اجزا ہڈیوں کی مضبوطی میں بنیادی کردار ادا کرتے ہیں۔
کھٹے پھلوں میں گریپ فروٹ کا استعمال بھی نہایت مفید ہے کیونکہ اس میں وٹامن سی کی بڑی مقدار موجود ہوتی ہے جو ہڈیوں کے حجم میں کمی کو روکنے میں مدد دیتی ہے۔ روزانہ ایک گریپ فروٹ جسم کی وٹامن سی کی ضرورت کو پورا کرسکتا ہے۔
انجیر ایک اور قیمتی پھل ہے جو کیلشیم ، پوٹاشیم اور میگنیشیم سے بھرپور ہے۔ یہ اجزا نہ صرف ہڈیوں کی مضبوطی بلکہ ان کے ٹشوز کی بحالی میں بھی مدد کرتے ہیں۔ اسی طرح مچھلی، خصوصاً سالمن اور سرڈین، وٹامن ڈی اور اومیگا تھری فیٹی ایسڈز کا بہترین ذریعہ ہیں جو ہڈیوں میں کیلشیم کے جذب کو بہتر بناتے ہیں۔
دہی اور دودھ کو اگر روزانہ کی خوراک میں شامل رکھا جائے تو کیلشیم اور وٹامن ڈی کی کمی کبھی نہیں ہوگی۔ ایک کپ دودھ روزانہ کے کیلشیم کی تقریباً 30 فیصد ضرورت پوری کرتا ہے، جب کہ دہی سے یہ مقدار مزید بڑھ جاتی ہے۔
انڈے بھی وٹامن ڈی اور پروٹین سے بھرپور ہیں، خصوصاً ان کی زردی جسم میں کیلشیم کو مؤثر طریقے سے جذب کرنے میں مدد دیتی ہے۔ خشک آلو بخارے ہڈیوں کے لیے ایک قدرتی ٹانک سمجھے جاتے ہیں، کیونکہ ان میں وٹامن ڈی اور کیلشیم دونوں پائے جاتے ہیں۔
اسی طرح اگر آپ چینی کی جگہ گڑ کے شیرے کا استعمال کریں تو یہ نہ صرف ذائقے میں لذیذ بلکہ کیلشیم سے بھرپور متبادل بھی ہے، جو ہڈیوں کو اندر سے طاقت بخشتا ہے۔
ماہرین کے مطابق متوازن غذا، دھوپ میں مناسب وقت گزارنا اور ہلکی پھلکی ورزش کے ساتھ ان غذاؤں کا استعمال زندگی کے ہر مرحلے میں ہڈیوں کو مضبوط رکھنے کا بہترین طریقہ ہے۔
.
ذریعہ
ذریعہ: Jasarat News
کلیدی لفظ: سے بھرپور ہڈیوں کی جو ہڈیوں وٹامن ڈی
پڑھیں:
دنیا بھر میں غیر قانونی طور پر مقیم بھارتی شہری مختلف ممالک کیلیے وبال جان بن گئے
امریکا میں آپریشن چیک میٹ کے تحت غیر قانونی طور پر مقیم بھارتی شہری سخت کریک ڈاؤن کی لپیٹ میں ہیں۔
دنیا بھر میں غیر قانونی طور پر مقیم بھارتی شہری مختلف ممالک کے لیے وبال جان بن چکے ہیں، جس کے نتیجے میں امریکا نے وفاقی امیگریشن نافذ کرنے کی مہم ’آپریشن چیک میٹ‘ کے تحت سخت کریک ڈاؤن کا آغاز کردیا ہے۔
امریکی کسٹمز اینڈ بارڈر پروٹیکشن کے مطابق آپریشن چیک میٹ کے تحت گرفتار کیے گئے 36 ٹرک ڈرائیوروں میں سے کم از کم 30 بھارتی شہری تھے۔
خود بھارتی جریدے ٹائمز آف انڈیا کے مطابق امریکی حکام کا کہنا ہے کہ متعدد افراد کے پاس درست ڈرائیونگ لائسنس تک موجود نہیں تھے ۔ تمام افراد کیخلاف امریکی قانون کے تحت کارروائی کر کے امریکا سے نکالنے کی تیاری کی جا رہی ہے۔
یوما سیکٹر کے قائم مقام چیف پٹرول ایجنٹ ڈسٹن کاڈل نے کہا ہے کہ غیر قانونی طور پر موجود بھارتی ڈرائیورعوامی سلامتی کے لیے سنگین خطرات کا باعث بن سکتے ہیں ۔
سعودی عرب، کینیڈا اور امریکا سمیت بیشتر ممالک جعلی دستاویزات اورفراڈ سمیت متعدد وجوہات کی بنیاد پر بڑی تعداد میں بھارتی شہریوں کو ملک بدر کر چکے ہیں ۔ بھارتی حکام کے اعداد و شمار کے مطابق2021 سے 2025 کے دوران 52 مختلف ممالک سے 171,150 بھارتی شہریوں کو ملک بدر کیا گیا ہے۔
عالمی ماہرین کے مطابق مودی کے نام نہاد شائننگ انڈیا کے دعووں کے باوجود بھارتی شہریوں نےغیر قانونی طور پر ملک سے بھاگ کر بھارت کا پول کھول دیا ہے۔ مختلف ممالک میں ریاست مخالف سرگرمیوں اور سنگین جرائم میں ملوث بھارتی تارکین عوامی سلامتی کے لیے خطرہ بن چکے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ