بنیادی مراکز صحت پر فیملی پلاننگ و فوڈ سپلیمنٹس کی دستیابی پر غور
اشاعت کی تاریخ: 21st, October 2025 GMT
وزیر صحت سندھ ڈاکٹر عذرا پیچوہو(فائل فوٹو)۔
وزیر صحت سندھ ڈاکٹر عذرا پیچوہو کی زیر صدارت اجلاس میں بنیادی مراکز صحت پر فیملی پلاننگ اور فوڈ سپلیمنٹس کی دستیابی پر غور کیا گیا۔
ترجمان کے مطابق کراچی میں ہونے والے اجلاس میں صوبائی وزیر صحت نے بعض اضلاع میں سہولیات کی عدم دستیابی پر اظہار برہمی کیا۔
وزیر صحت نے کہا کہ 24 گھنٹے لیبر رومز کی مکمل فعالیت کو یقینی بنایا جائے، جہاں سہولیات کا فقدان ہے ٹھیک کریں اور ادویات کی دستیابی یقینی بنائیں۔
وزیر صحت سندھ نے کہا کہ تمام اضلاع میں ہنگامی ادویات ہر وقت دستیاب ہونی چاہیے، ہر حاملہ خاتون کو طبی معاونت اور ضروری وٹامنز فراہم کیے جائیں۔
ترجمان کے مطابق وزیر صحت نے پرائیویٹ نیوٹریشن سینٹرز سے متعلق تفصیلی پلان طلب کرلیا۔
.
ذریعہ
ذریعہ: Jang News
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی