گلبرگ ٹائون میں شہر کا سب سے بڑا نادرا میگا سینٹر قائم ہوگا، گلبرگ ٹائون اورنادرا میں مفاہمتی یاداشت پر دستخط
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)نادرا ریجنل ہیڈ آفس کراچی اور TMC گلبرگ کے درمیان میگا سینٹر گلبرگ ٹاؤن کے قیام کے حوالے سے مفاہمتی یادداشت (MoU) پر دستخط کیے گئے۔تقریب میں ڈائریکٹر جنرل نادرا سندھ نادر علی خان، چیئرمین گلبرگ ٹاؤن نصرت اللہ، نائب امیر جماعتِ اسلامی گلبرگِ وسطی فاروق نعمت اللہ، میونسپل کمشنر عبدالحمید سہگ اور علاقے کے عوامی نمائندوں نے شرکت کی۔یہ نیا میگا سینٹر کراچی کا سب سے بڑا میگا سینٹر ہوگا، جو نادرا RHO کراچی کے زیرِ اہتمام قائم کیا جا رہا ہے۔ اس سینٹر میں 40 کاؤنٹرز پر مشتمل جدید سہولیات فراہم کی جائیں گی۔میگا سینٹر روزانہ 4,000 درخواست گزاروں کو خدمات فراہم کرنے کی صلاحیت رکھے گا۔ یہ سینٹر 24 گھنٹے، ہفتے کے 6 دن کام کرے گا۔سینٹر میں مرکزی ائیر کنڈیشننگ سسٹم نصب کیا جائے گا، جس میں 1,500 افراد کے بیٹھنے کی گنجائش اور ائیر کنڈیشنڈ انتظار گاہ کی سہولت فراہم کی جائے گی۔بجلی کی بلا تعطل فراہمی کے لیے اسٹینڈ بائی جنریٹر نصب کیا جائے گا، جبکہ 24/6 کی بنیاد پر پاسپورٹ واؤچر کاؤنٹر، اسلحہ لائسنس کاؤنٹر، بزرگ شہریوں کے لیے علیحدہ کاؤنٹر اور تھیلیسیمیا مریضوں کے لیے خصوصی کاؤنٹر قائم کیے جائیں گے۔مزید یہ کہ میگا گلبرگ سینٹر میں دو زونل آفس بھی قائم کیے جائیں گے تاکہ عوام کو سینٹرل ڈسٹرکٹ کے قریب ترین سہولیات فراہم کی جاسکیں۔واضح رہے یہ جگہ گلبرگ ٹاؤن نے نادرا کو اس سینٹر کے قیام کے لئے ایک MOU کے تحت دی ہے۔یہ میگا سینٹر گلبرگ کے علاقے عاشہ منزل، سخی حسن، نارتھ ناظم آباد، نیو کراچی، گلشن،گلستان جوہر اور لیاقت آباد کے شہریوں کو نادرا کی جدید ترین خدمات سے بآسانی استفادہ کرنے کا موقع فراہم کرے گا۔نادرا کی جانب سے جدید ترین میگا سینٹر شہریوں کو ایک ہی چھت کے نیچے متعدد سہولیات فراہم کرے گا، جس سے عوامی خدمت اور سہولت کے معیار میں نمایاں بہتری آئے گی۔چیئرمین نصرت اللہ نے کہا کہ ”جماعتِ اسلامی عوام کو ریلیف فراہم کرنا چاہتی ہے اور اختیارات سے بڑھ کر عوامی خدمت کے لیے کام کر رہی ہے۔”انہوں نے مزید کہا کہ ”کراچی کے سب سے بڑے میگا سینٹر کا ایف بی ایریا میں قیام عوام کے لیے سہولت اور آسانی کا باعث بنے گا۔ڈائریکٹر جنرل نادرا سندھ عامر علی خان نے کہا کہ نادرا جدید سہولیات اور ٹیکنالوجی کے ذریعے عوام کو معیاری خدمات فراہم کرنے کے لیے کوشاں ہے، گلبرگ ٹاؤن میں میگا سینٹر کا قیام اس عزم کی عملی مثال ہے۔آخر میں میونسپل کمشنر عبدالحمید سہاگ نے نادرا حکام کا شکریہ ادا کرتے ہوئے کہا کہ شہریوں کی سہولت کے لیے اداروں کے درمیان تعاون کا یہ سلسلہ آئندہ بھی جاری رہے گا۔
ذریعہ: Jasarat News
کلیدی لفظ: گلبرگ ٹاو ن میگا سینٹر گا سینٹر کاو نٹر کے لیے
پڑھیں:
آئی بی اے کراچی کے کانووکیشن میں 1046 طلبہ کو ڈگریاں فراہم کی گئیں
انسٹیٹیوٹ آف بزنس ایڈمنسٹریشن (آئی بی اے) کراچی کے مین کیمپس میں کلاس آف 2025 کے کانووکیشن کا انعقاد کیا گیا، جس میں 1046 طلبہ و طالبات کو مختلف پروگرامز میں ڈگریاں دی گئیں۔ اس گریجویٹنگ بیچ میں 780 طلبہ انڈرگریجویٹ پروگرامز، 259 طلبہ پوسٹ گریجویٹ پروگرامز، اور 7 طلبہ نے پی ایچ ڈی کی ڈگری حاصل کی۔
اس موقع پر ایم ایس ڈیٹا سائنس اور ایم ایس مارکیٹنگ پروگرامز کے پہلے بیچ کی گریجویشن بھی خصوصی طور پر منائی گئی، جس سے یہ تقریب مزید اہمیت اختیار کر گئی۔
تقریب کے مہمانِ خصوصی صوبائی وزیر برائے یونیورسٹیز اینڈ بورڈز سندھ اسماعیل راہو تھے، جبکہ بانی اخوت فاؤنڈیشن ڈاکٹر محمد امجد ثاقب بھی اس موقع پر موجود تھے۔
ایگزیکٹو ڈائریکٹر آئی بی اے، ڈاکٹر اکبر زیدی نے گریجویٹس کو ان کی کامیابی پر مبارکباد دی اور کہا کہ آئی بی اے کا مقصد طلبہ کی صلاحیتوں کو نکھارنا اور پاکستان کے بہترین ذہنوں کو اعلیٰ تعلیم فراہم کرنا ہے۔
ڈاکٹر امجد ثاقب نے کہا کہ یہ دن نوجوان گریجویٹس کے لیے خوشی اور مسرت کا دن ہے، جو ایک نئے سورج کے طلوع اور ایک اہم سنگِ میل کے حصول کا اعلان ہے۔
صوبائی وزیر اسماعیل راہو نے کہا کہ یہ اعزاز کی بات ہے کہ وہ ایسی تقریب کا حصہ ہیں جو اعلیٰ تعلیم، قابلیت اور روشن مستقبل کے خوابوں کا جشن مناتی ہے۔
ایک بدنام زمانہ ڈاکو نے کیسے چوہدری اسلم سمیت دیگر پولیس افسران کو جیل بھیجا؟