آئی بی اے کراچی کا کانووکیشن 2025ء، 1046 طلبہ کو ڈگریاں دی گئیں
اشاعت کی تاریخ: 7th, December 2025 GMT
آئی بی اے کراچی کا کانووکیشن 2025ء مین کیمپس میں منعقد ہوا، یہ ایک اہم اور تاریخی موقع تھا جس میں 1046 گریجویٹس کو مختلف پروگرامز میں ڈگریاں دی گئیں۔
گریجویٹنگ بیچ میں780 طلبہ انڈر گریجویٹ پروگرامز، 259 طلبہ پوسٹ گریجویٹ پروگرامز اور 07 پی ایچ ڈی گریجویٹس شامل تھے۔
اس موقع پر ایم ایس ڈیٹا سائنس اور ایم ایس مارکیٹنگ پروگرامز کے پہلے بیچ کی گریجویشن بھی خصوصی طور پر منائی گئی۔
تقریب کے مہمانِ خصوصی صوبائی وزیر برائے یونیورسٹیز اینڈ بورڈز سندھ محمد اسماعیل راہو تھے، ڈاکٹر محمد امجد ثاقب، بانی اخوت فاؤنڈیشن مہمانِ اعزازی کے طور پر شریک ہوئے۔
آئی بی اے کے ایگزیکٹیو ڈائریکٹر ڈاکٹر اکبر زیدی نے گریجویٹ ہونے والے طلبہ کو اس قابلِ فخر کامیابی پر مبارکباد پیش کی، جو ان کی محنت، لگن اور مستقل مزاجی کا ثبوت ہے۔
ڈاکٹر زیدی نے کہا کہ آج آئی بی اے ایک متنوع علمی برادری ہے، جس میں اساتذہ اور طلبہ مل کر بہتر علم اور ہر گریجویٹ کی بہتر تشکیل کے لیے کام کر رہے ہیں،
ان کا کہنا ہے کہ آئی بی اے کا مقصد بہترین طلبہ کی صلاحیتوں کو نکھارنا ہے اور ہماری ذمے داری ہے کہ پاکستان کے بہترین ذہنوں کو یہاں بہترین تعلیم فراہم کی جائے۔
ڈاکٹر امجد ثاقب نے آئی بی اے کو ایک ایسے ادارے کے طور پر سراہا جس نے شاندار نوجوان تیار کیے جن کی تربیت کی، رہنمائی کی اور انہیں ان کے بہترین روپ تک پہنچنے میں مدد دی۔
انہوں نے کہا کہ آج ان نوجوان گریجویٹس کے لیے خوشی اور مسرت کا دن ہے، یہ ایک نئے سورج کے طلوع ہونے اور ایک اہم سنگِ میل کے حاصل ہونے کا اعلان ہے۔
صوبائی وزیر اسماعیل راہو نے کہا کہ اُن کے لیے یہ اعزاز کی بات ہے کہ وہ ایک ایسی تقریب کا حصہ ہیں جو اعلیٰ تعلیم، قابلیت اور روشن مستقبل کے خواب کو سراہتی ہے۔
انہوں نے کہا کہ آئی بی اے کراچی طویل عرصے سے پاکستان کے ممتاز تعلیمی اداروں میں شمار ہوتا ہے، جو کہ علمی معیار، جدت اور مستقبل کے قائدین کی تربیت کے لیے معروف ہے، اے اے سی ایس بی ایکریڈیٹیشن اسے دنیا کے بہترین بزنس اسکولز کی صفِ اوّل میں شمار کرتی ہے۔
.ذریعہ: Jang News
کلیدی لفظ: آئی بی اے نے کہا کہ کے لیے
پڑھیں:
سرد موسم کی بہترین غذا ساگ، حیران کن فوائد سامنے آ گئے
data-id="863a0a8" data-element_type="widget" data-widget_type="theme-post-content.default">
ساگ سردیوں کی وہ نعمت ہے جو نہ صرف اپنی خوشبو اور ذائقے سے اشتہا بڑھاتی ہے بلکہ غذائیت کے اعتبار سے بھی بے مثال مقام رکھتی ہے۔ برصغیر کی قدیم روایات میں اس سبزی کو ہمیشہ خاص اہمیت حاصل رہی ہے اور جدید سائنسی تحقیق بھی اس بات کی تائید کرتی ہے کہ ساگ جسمانی صحت کے لیے کئی حوالوں سے فائدہ مند ہے۔
ماہرین صحت کے مطابق ساگ توانائی بخش سبزی ہے جو جسم میں تازگی بحال رکھنے، خون کی صفائی، بہتر ہاضمے اور قوتِ مدافعت مضبوط بنانے میں بنیادی کردار ادا کرتی ہے۔ اس میں موجود وٹامن اے، سی اور کے کے ساتھ ساتھ فولک ایسڈ، آئرن، کیلشیم، پوٹاشیم اور فائبر کی مناسب مقدار اسے ایک مکمل اور متوازن غذا کا حصہ بنا دیتی ہے۔ وٹامن اے بینائی کو مضبوط بناتا ہے، وٹامن سی مدافعتی نظام کو توانا کرتا ہے جبکہ فولک ایسڈ خون کے نئے خلیات بنانے میں مددگار ہے۔ اسی طرح کیلشیم ہڈیوں کو مضبوط رکھنے کے لیے انتہائی ضروری ہے۔
ساگ کا سب سے نمایاں فائدہ یہ ہے کہ یہ آئرن سے بھرپور ہوتا ہے جس کے باقاعدہ استعمال سے خون میں ہیموگلوبن کی سطح بہتر ہوتی ہے۔ ڈاکٹرز کے مطابق آئرن کی کمی سے ہونے والی کمزوری، سانس پھولنے اور تھکن جیسے مسائل ساگ کھانے سے نمایاں طور پر کم ہوسکتے ہیں۔ سرد موسم میں نزلہ، زکام اور کھانسی کی شکایات بڑھ جاتی ہیں، لیکن ساگ میں موجود وٹامن سی اور اینٹی آکسیڈنٹس جسم کی دفاعی صلاحیت کو مضبوط کرکے ایسی موسمی بیماریوں سے بچاؤ میں مدد دیتے ہیں۔
ساگ میں پایا جانے والا قدرتی فائبر نظامِ ہاضمہ کی کارکردگی کو بہتر بناتا ہے اور قبض کے مسائل کو کم کرتا ہے۔ یہ آنتوں کی حرکت کو متوازن کرتا ہے اور معدے کی تیزابیت میں واضح کمی لاتا ہے۔ اس کے ساتھ ساتھ جگر کی صفائی اور اس کے افعال کو فعال رکھنے میں بھی ساگ اہم کردار ادا کرتا ہے۔
دل کی صحت کے حوالے سے بھی ساگ کو بہترین غذا تصور کیا جاتا ہے۔ اس میں موجود پوٹاشیم بلڈ پریشر کنٹرول کرنے میں مدد دیتا ہے جبکہ فائبر جسم میں کولیسٹرول کی سطح کم کرنے میں مؤثر ہے، یوں دل کے امراض کے مریضوں کے لیے بھی یہ ایک محفوظ اور فائدہ مند انتخاب ہے۔ کیلشیم اور وٹامن کے کی وجہ سے یہ سبزی ہڈیوں اور دانتوں کی مضبوطی کے لیے بھی نہایت مؤثر ہے، خصوصاً خواتین، بچوں اور بزرگوں کے لیے اس کا استعمال جوڑوں کے درد اور ہڈیوں کی کمزوری جیسے مسائل میں بہتری لاتا ہے۔
ساگ جلد اور بالوں کے لیے بھی مفید سمجھا جاتا ہے۔ وٹامن اے اور سی جلد کو ترو تازہ رکھتے ہیں جبکہ آئرن خون کی گردش بہتر بناتا ہے جس سے بال مضبوط ہوتے ہیں، ٹوٹ پھوٹ کم ہوتی ہے اور جلد پر موجود دھبے بھی بتدریج کم ہونے لگتے ہیں۔ کم کیلوریز اور زیادہ فائبر کی وجہ سے ساگ وزن کم کرنے والوں کے لیے بھی بہترین انتخاب ہے کیونکہ یہ پیٹ کو دیر تک بھرے رکھتا ہے اور غیر ضروری بھوک کو کم کرتا ہے۔
ماہرین غذائیت کا کہنا ہے کہ ساگ کو ضرورت سے زیادہ پکانے سے اس کے اہم غذائی اجزا ضائع ہوجاتے ہیں، اس لیے اسے ہلکی آنچ پر پکانا زیادہ فائدہ مند ہے۔ اس میں تھوڑی مقدار میں دیسی گھی یا مکھن شامل کرنے سے اس کے غذائی اجزا جسم میں بہتر طور پر جذب ہوتے ہیں۔
یوں ساگ ایک سستی، مقامی اور انتہائی غذائیت سے بھرپور سبزی ہے جسے سردیوں کی غذا میں ضرور شامل کرنا چاہیے۔ یہ نہ صرف جسم کو توانائی بخشتی ہے بلکہ قدرتی طور پر کئی بیماریوں سے تحفظ بھی فراہم کرتی ہے۔
شاعری ذہنی اور جذباتی صحت کو 50 فیصد بہتر بناتی ہے؛عالمی تحقیق