پنجاب قانون کی بالادستی کیلئے اہم فیصلے : مریم نواز کا ہنر مندپروگرام ، ایک لاکھ 80ہزار سے زائد نوجوان کی ٹریننگ کا نیاریکارڈ
اشاعت کی تاریخ: 23rd, October 2025 GMT
لاہور (نیوز رپورٹر+نوائے وقت رپورٹ) ریاست کے خلاف بندوق اٹھانے والے انتہا پسندوں، بدمعاش اور غیر قانونی رہائشیوں کے لیے پنجاب کی زمین مزید تنگ کر دی گئی۔ وزیراعلیٰ مریم نواز شریف کی زیرِ صدارت امن و امان پر مسلسل تیسرا غیر معمولی اجلاس منعقد ہوا۔ پنجاب حکومت کے ریاستی رِٹ اور قانون کی بالادستی قائم کرنے کیلئے غیرمعمولی اور تاریخی فیصلے کیے گئے۔ پنجاب حکومت نے لاؤڈ سپیکر ایکٹ کا نفاذ لازمی اور مزید سخت کرنے کا فیصلہ کر لیا۔ پنجاب حکومت نے ہر ضلع میں وِسل بلور سیل قائم کرنے کا بڑا فیصلہ کیا۔ پنجاب حکومت نے انتہا پسند جماعت اور غیر قانونی مقیم انٹرنیشنل شہریوں کے خلاف پنجاب پولیس ہیلپ لائن 15 میں خصوصی سیل قائم کر دیا گیا ہے۔ پنجاب کے عوام انتہا پسند جماعت اور غیرقانونی تارکین وطن کی اطلاع کے لیے فوراً 15 پر کال کریں۔ پنجاب حکومت نے صوبے کو غیر قانونی اسلحہ سے پاک کرنے کیلئے اقدامات کی رفتار تیز اور مزید سخت کرنے کا فیصلہ کیا ہے۔ پنجاب میں ڈالہ کلچر، بدمعاشی اور مافیا کلچر کو کسی صورت برداشت نہیں کیا جائے گا۔ پنجاب حکومت کا امن کمیٹیز کو فوری طور پر موثر اور مزید فعال بنانے کا فیصلہ کیا گیا۔ پنجاب امن کمیٹیز کو جاری تمام آپریشنز پر آن بورڈ رکھا جائے گا۔ پنجاب حکومت کے وژن ریاست عوام کی چوکھٹ پر کے تحت ہر شہری کے دروازے تک موبائل پولیس سٹیشن کی خدمات پہنچائی جائیں گی۔ پنجاب حکومت نے پھر سے واضح کر دیا کہ کومبنگ آپریشنز، کارروائیاں صرف مخصوص انتہا پسند ذہنیت کے خلاف ہیں کسی فرقہ یا عقیدے کے خلاف ہرگز نہیں۔ پنجاب حکومت نے انتہا پسند جتھوں کے اشتہارات، تصاویر اور پلے کارڈز پر سخت پابندی اور کارروائی کا فیصلہ کیاہے۔ پنجاب کی تمام ضلعی انتظامیہ روزانہ غیرقانونی بین الاقوامی رہائشیوں کے خلاف کومبنگ آپریشن رپورٹس اپ ڈیٹ کریں گی۔ پنجاب کی انتظامیہ کو ضلعی رپورٹس میں روزانہ کی بنیاد پر اپ ڈیٹ کرنا ہوگا کہ کتنے غیرقانونی رہائشی کہاں کہاں کاروبار سے منسلک ہیں۔ ضلعی انتظامیہ روزانہ رپورٹ کرے گی کہ کتنے غیرقانونی بین الاقوامی رہائشی مرکز میں ڈی پورٹیشن کے لیے بھیجے گئے ہیں۔ پنجاب انتظامیہ روزانہ بتائے گی کہ کتنے بین الاقوامی باشندے ٹیکس نیٹ میں لائے گئے ہیں۔ عوام غیرقانونی رہائشیوں کو دکان یا مکان کرائے پر نہ دیں ورنہ کرایہ داری/ پاسپورٹ ایکٹ کے تحت کارروائی ہوگی۔ سوشل میڈیا پر نفرت انگیز مواد پھیلانے والوں کیخلاف پیکا ایکٹ کے تحت مقدمات درج کیے جائیں گے۔ پنجاب میں سوشل میڈیا پر شر انگیزی و نفرت کیخلاف زیرو ٹالرنس پالیسی نافذ کر دی گئی ہے۔ غیرقانونی اجتماعات یا بازار بند کرانے والوں پر دہشتگردی قوانین لاگو ہوں گے۔
لاہور (نوائے وقت رپورٹ+ نیوز رپورٹر) وزیراعلیٰ پنجاب مریم نواز کے ہنرمند پروگرام کے تحت چند ماہ میں ایک لاکھ 80 ہزار سے زائد نوجوانوں کی ٹریننگ کا نیا اور منفرد ریکارڈ قائم ہو گیا۔ اجلاس میں بتایا گیا کہ 75ہزار سے زائد ہنرمند نوجوان برسر روزگار ہوئے اور 15ہزار انٹرنیشنل اداروں میں روزگار حاصل کرنے میں کامیاب ہوئے۔ ٹیوٹا اداروں سے ٹریننگ حاصل کرنے والے ساڑھے 27 ہزار سے زائد نوجوان برسر روزگار ہو گئے۔ پنجاب ووکیشنل ٹریننگ کونسل اداروں سے 45ہزار اور پنجاب سکلز ڈویلپمنٹ فنڈز سے تربیت یافتہ 1428 نوجوانوں کو روزگار مل گیا۔ وزیراعلیٰ مریم نواز شریف گارمنٹ سٹی سے ٹریننگ حاصل کرنے والی 350طالبات بھی برسر روزگار ہیں۔ پہچان سکل ڈویلپمنٹ پروگرام فار ٹرانس جینڈرز کے تحت 450 ٹرانس جینڈرز کو بھی نوکریاں مل گئیں۔ پنجاب میں ٹیکنیکل ٹریننگ میں گزشتہ 5سال کی نسبت 21فیصد سے زائد قابل قدر اضافہ ہوا ہے۔ وزیراعلیٰ مریم نواز شریف کی زیر صدارت خصوصی اجلاس میں صنعتی ترقی کے لئے انڈسٹری کا نیا سروے کرانے کا فیصلہ بھی کیا گیا۔ اجلاس میں ہنرمندنوجوانوں کے لئے مریم نواز فری پرواز کارڈ کے اجراء پر اصولی اتفاق کیا گیا۔ پنجاب بھر میں 2158 ٹریننگ لیب کی اپ گریڈیشن کے بعد 28140 طلبہ مستفید ہو رہے ہیں۔ انٹرنیشنل آؤٹ ٹریج پروگرام کے تحت 1لاکھ 12 ہزار نوجوانوں کی ٹریننگ مکمل ہوچکی ہے۔ وزیراعلیٰ مریم نواز شریف نے سکل ڈویلپمنٹ اینڈ انٹر پرینیور شپ ڈیپارٹمنٹ کے نئے قواعد و ضوابط کی تشکیل کی منظوری دے دی۔ اجلاس میں سکل ڈویلپمنٹ اینڈ انٹر پرینیور شپ ڈیپارٹمنٹ میں نیا نصاب تعلیم اور ٹریننگ ماڈیول کی تشکیل پر بھی غور کیا گیا۔ مزید بتایا گیا کہ سال2025-26 ء کے دوران 201485نوجوان کی ٹریننگ کی جائے گی۔ دریں اثناء وزیراعلی مریم نواز شریف نے جہانیاں کے قریب ٹرک رکشہ پر الٹنے سے چار بچیوں سمیت پانچ مسافروں کے جاں بحق ہونے پر گہرے دکھ کا اظہار کیا ہے۔ وزیراعلی مریم نواز شریف نے سوگوار خاندانوں سے اظہار ہمدردی و تعزیت کیا ہے۔ وزیراعلی مریم نواز شریف نے ڈپٹی کمشنر خانیوال کو زخمیوں کا فوری علاج معالجہ یقینی بنانے کی ہدایت ہے۔
ذریعہ: Nawaiwaqt
کلیدی لفظ: مریم نواز شریف نے پنجاب حکومت نے انتہا پسند اجلاس میں کی ٹریننگ فیصلہ کیا کا فیصلہ کے خلاف کیا گیا کے تحت
پڑھیں:
ہمیں اڈیالہ جیل کے باہر بیٹھنے کا نہیں، عوام کی خدمت کا مینڈیٹ ملا ہے:مریم نواز
ویب ڈیسک :وزیراعلیٰ مریم نواز نے کہا ہے کہ معرکہ حق میں کامیابی سے لیکر مہنگائی میں کمی تک ہر شعبے پر شہباز شریف کی مہر ہے۔
گوجرانوالہ میں ماس ٹرانزٹ سسٹم کے سنگ بنیاد رکھنے کی تقریب سے وزیراعلیٰ پنجاب مریم نواز نے خطاب کرتے ہوئے کہا کہ نوا زشریف کی میراث آج پنجاب میں جاری ہے، گوجرانوالہ میں ماس ٹرانزٹ کا کام آج شروع ہو رہا ہے۔
وزیراعلیٰ پنجاب نے کہا کہ وزیراعظم کا شکریہ کہ انہوں نے گوجرانوالہ آنے کیلئے وقت نکالا، انہوں نے کہا کہ نواز شریف کے ویژن سے سیکھ کر ترقیاتی منصوبے شروع کیے، چند دنوں میں فیصل آباد میں میٹرو منصوبے کا آغاز کیا جائے گا۔
جعلی ملازمتوں کی پیشکش، ایف آئی اے نے بیرون ملک جانے والوں کو خبردار کردیا
وزیراعلیٰ نے کہا کہ پاکستان کی معیشت ڈیفالٹ کے خطرے سے نکل کر مستحکم ہو رہی ہے، ڈیفالٹ کی خواہش کرنے والوں کو منہ کی کھانا پڑی،پنجاب کے ہر ترقیاتی منصوبے پر نواز شریف اور شہباز شریف کی مہر ہے، پنجاب میں انفرا سٹرکچر، صحت، تعلیم اور ترقیاتی منصوبے جاری ہیں۔
وزیراعلیٰ پنجاب مریم نواز نے کہا کہ 40 فیصد مہنگائی سے 4 فیصد تک کمی آئی ہے، پنجاب میں سی پیک، میٹر و بس، اورنج لائن، تعلیم و ٹیکنالوجی میں ترقی ہو رہی ہے۔
اس سال اب تک سب سے زیادہ فروخت ہونیوالا اسمارٹ فون کونسا ہے؟
انہوں نے کہا کہ معرکہ حق میں کامیابی سے لیکر مہنگائی میں کمی تک ہر شعبے پر شہباز شریف کی مہر ہے، میانوالی اور گجرات میں بنیادی ترقیاتی منصوبے جاری ہیں، میانوالی اور گجرات آج ترقی کی جانب گامزن ہیں، بارش کے پانی کے مسائل حل، سڑکیں اور گرین لائن منصوبے جاری ہیں، ستھرا پنجاب، ماڈل ویلجز اور سیوریج منصوبے پنجاب بھر میں جاری ہیں، خیبر پختونخوا میں 12سال سے برسراقتدار حکومت کی کارکردگی صفر ہے، خیبر پختونخوا کی عوام نے جھوٹ کی سیاست کو خیر آباد کہ کر ن لیگ کو ووٹ دیا، خیبر پختونخوا کا ایک وزیراعلیٰ وفاق اور پنجاب کی سرکاری مشینری پر حملہ آور ہوا۔
قائد اعظم ٹرافی کا فائنل؛ کراچی بلوز نے 218 رنز سے سیالکوٹ کو مات دیدی
مریم نواز نے مشورہ دیتے ہوئے کہا کہ وزیراعلیٰ خیبر پختونخوا اڈیالہ کے باہر بیٹھنے کے بجائے صوبے کی ترقی پر توجہ دے، ہمیں اڈیالہ جیل کے باہر بیٹھنے کا نہیں، عوام کی خدمت کا مینڈیٹ ملا ہے۔
وزیراعلیٰ پنجاب مریم نوا ز نے کہا کہ پنجاب میں اپنی چھت اپنا گھر پروگرام کے تحت ایک لاکھ گھر زیر تعمیر ہیں، ہزاروں کی تعداد میں اپنا گھر منصوبے کے تحت گھر مکمل ہو رہے ہیں، ستھرا پنجاب دنیا کا سب سے بڑا منصوبہ بن چکا ہے، فوربز میگزین نے بھی ستھرا پنجاب پروگرام کی پذیرائی کی، ستھرا پنجاب پروگرام کے 50 ہزار ٹن کوڑا اٹھا چکے ہیں، پر ضلع میں ستھرا پنجاب کی ٹیم کے پاس اپنی مشینری موجود ہے۔
Currency Exchange Rate Friday December 05, 2025
وزیراعلیٰ پنجاب نے کہا کہ پنجاب بھر میں سیوریج کا نیا نظام لا رہے ہیں، پنجاب میں پینے کے صاف پانی کے منصوبے بھی جاری ہیں، سیکڑوں ماڈل ویلجز پر بھی کام جاری ہے، ایک سال میں پنجاب بھر میں 20 ہزار کلو میٹر سڑکیں بنا چکے ہیں، 2 سال میں 30 ہزار کلومیٹر سڑکیں بنا لیں گے، پنجاب بھر میں مزدوروں کیلئے راشن کارڈ جاری کیے ہیں، طلبہ کو 80ہزار اسکالز شپ اور ایک لاکھ لیپ ٹاپ دے چکے ہیں، تمام سرکاری اسکولوں میں تمام تر بنیادی ضروریات پوری کر رہے ہیں، طلبہ کو اے آئی اور روبوٹکس کی تعلیم بھی دی جا رہی ہے۔
سونے اور چاندی کے آج کے ریٹس ۔جمعہ 05 دسمبر ، 2025
وزیراعلیٰ پنجاب مریم نواز نے کہا کہ پنجاب میں ایک ہزار فیلڈ اسپتال 2کروڑ عوام کو گھر کی دہلیز پر علاج فراہم کر رہے ہیں، پنجاب میں صحت کے اسٹیٹ آف دی آرٹ منصوبوں پر کام ہو رہا ہے۔
شاعری ذہنی اور جذباتی صحت کو 50 فیصد بہتر بناتی ہے؛عالمی تحقیق