سندھ حکومت کا اسپورٹس کے 22 میگا ایونٹس کرانے کا اعلان
اشاعت کی تاریخ: 21st, October 2025 GMT
سندھ حکومت رواں ماہ کے آخری ہفتے سے جون 2026 تک صوبے بھر میں 22 سے زائد میگا اسپورٹس ایونٹس منعقد کرائے گی۔
وزیر کھیل و امور نوجوانان سردار محمد بخش مہر کی زیر صدارت سندھ سیکریٹریٹ میں منعقدہ اِجلاس میں 35 ویں نیشنل گیمز کی تیاریوں، سندھ گیمز 2026، تھر جیپ ریلی سمیت دیگر ایونٹس پر بھرپور بریفنگ دی گئی۔
رواں ماہ اکتوبر کے آخری ہفتے میں تائیکوانڈو، کراٹے اور ٹیبل ٹینس ٹورنامنٹس ہوں گے۔ نومبر میں پہلی بار دو روزہ سندھ ای اسپورٹس چیمپئن شپ، 3 روزہ سندھ اسپیشل گیمز، فٹسال چیمپین شپ، کراچی اور دو روزہ کوہستان بل کارٹ ریس ٹھٹہ میں ہوگی،19 ویں سندھ گیمز جنوری 2026 اور فروری کے پہلے ہفتے جیپ ریلی گھوٹکی میں ہوگی۔
اجلاس میں سیکریٹری کھیل منور علی مہیسر، چیف انجینئر محمد اسلم مہر، سندھ اولمپک ایسوسی ایشن کے احمد علی راجپوت، اصغر بلوچ، علی ڈنوگوپانگ سمیت دیگر شریک ہوئے۔
.ذریعہ: Express News
پڑھیں:
گلگت میں دو روزہ صوبائی ہیلتھ کانفرنس جاری
دو روزہ کانفرنس میں ورلڈ ہیلتھ آرگنائزیشن کے کنٹری ہیڈ سیکریٹری ہیلتھ۔ ہیلتھ پروگرام کے زمہ داران کے علاوہ تمام اضلاع کے ڈسٹرکٹ ہیلتھ آفیسرز( ڈی ایچ اوز) میڈیکل سپرنٹنڈنٹس ( ایم ایس) اور صوبائی ہیلتھ مینیجرز شرکت کر رہے ہیں۔ اسلام ٹائمز۔ محکمہ صحت گلگت بلتستان کے زیر اہتمام صوبے کی پہلی ہیلتھ کانفرنس جاری ہے۔ دو روزہ کانفرنس میں ورلڈ ہیلتھ آرگنائزیشن کے کنٹری ہیڈ سیکریٹری ہیلتھ۔ ہیلتھ پروگرام کے زمہ داران کے علاوہ تمام اضلاع کے ڈسٹرکٹ ہیلتھ آفیسرز( ڈی ایچ اوز) میڈیکل سپرنٹنڈنٹس ( ایم ایس) اور صوبائی ہیلتھ مینیجرز شرکت کر رہے ہیں۔ کانفرنس کا مقصد گلگت بلتستان میں صحت کے نظام کو مزید مضبوط۔ مؤثر اور پائیدار بنانا ہے۔کانفرنس میں شریک شرکاء اپنی کارکردگی، کامیابیوں، اقدامات، بہترین عملی مثالوں اور مستقبل کے لیے تجاویز دے رہے ہیں۔ کانفرنس کے اہم مقاصد میں بنیادی، ثانوی اور تیسرے درجے کی صحت کی خدمات کا جامع جائزہ، اچھی حکمرانی اور شفافیت کے فروغ، صحت کو تقویت دینے کے علاوہ عالمی بہترین طریقہ کار سیکھنے اور انہیں مقامی حالات کے مطابق اپنانا شامل ہے۔ ہیلتھ کانفرنس میں تحقیق پر مبنی پالیسی سازی، قلیل المدت اور اوسط المدت منصوبوں کی تیاری اور حکومتی تعلیمی اداروں، نجی شعبے، این جی اوز اور دیگر شراکت داروں کے درمیان تعاون کے فروغ پر بھی گفتگو ہو رہی ہے۔ کانفرنس کے اختتامی سیشن میں پالیسی و منصوبہ بندی کا روڈ میپ اور کانفرنس اعلامیہ، ایکشن پلان جاری کیا جائے گا۔
بھارتی نژاد اعلیٰ امریکی عہدیدار کی جاسوسی الزامات میں گرفتاری، تہلکہ خیز انکشافات سامنے آگئے