چین؛ ملٹری کرپشن کیخلاف آپریشن میں اہم کردار ادا کرنے والے جنرل فوج کے نائب چیف مقرر
اشاعت کی تاریخ: 23rd, October 2025 GMT
چین میں ژانگ شینگ من کو ملک کے دوسرے اعلیٰ ترین جنرل کے طور پر تعینات کردیا گیا جو فوج میں بدعنوانی پر بڑی کارروائی کے بعد سب سے اہم تقرری ہے۔
عالمی خبر رساں ادارے کے مطابق چین کی کمیونسٹ پارٹی نے فوج میں بدعنوانی کے خلاف بڑے پیمانے پر کی جانے والی کارروائی کے بعد ایک نئے اعلیٰ فوجی عہدیدار کی تقرری کا اعلان کیا ہے۔
ژانگ شینگ اب فوجی ڈھانچے میں صدر شی جن پنگ اور پہلے نائب چیئرمین ژانگ یو شیہ کے بعد تیسرے اہم ترین شخص ہوں گے۔
صدر شی جنپنگ کے قریبی اور وفادار ساتھی 67 سالہ جنرل ژانگ شینگ من کو ملک کے دوسرے اعلیٰ ترین فوجی عہدے، نائب چیئرمین مرکزی فوجی کمیشن پر فائز کر دیا گیا۔
انھوں نے 1978 میں فوج میں شمولیت اختیار کی تھی اور اس وقت پیپلز لبریشن آرمی کی راکٹ فورس سے منسلک تھے اور فوجی انسداد بدعنوانی کمیشن کے ڈپٹی سیکریٹری کے طور پر خدمات انجام دے رہے تھے۔
یہ تقرری چار روزہ سینٹرل کمیٹی اجلاس کے اختتام پر عمل میں لائی گئی، جس کے دوران فوجی نظم و نسق، بدعنوانی کے خاتمے، اور ملک کی دفاعی پالیسیوں میں اصلاحات کے اہم فیصلے کیے گئے۔
یہ تقرری ایسے وقت میں سامنے آئی ہے جب چین کی وزارتِ دفاع نے گزشتہ ہفتے اعلان کیا تھا کہ نو اعلیٰ فوجی جنرلز کو سنگین مالی بے ضابطگیوں کے الزام میں برطرف کر دیا گیا ہے۔
دفاعی ماہرین کے مطابق یہ نہ صرف بدعنوانی کے خلاف کارروائی ہے بلکہ فوج کے اندر سیاسی صفائی کے طور پر بھی دیکھی جا رہی ہے۔
حکومت نے جولائی میں فوج کے لیے نئی ہدایات جاری کی تھیں جن میں “زہریلے اثرات کے خاتمے” اور نظم و ضبط کی سختی سے پابندی کی ہدایت کی گئی تھی۔
یہ اقدام چین کی حالیہ دہائیوں میں فوج کے خلاف سب سے بڑی عوامی کارروائی قرار دیا جا رہا ہے، جو ماضی میں وزرائے دفاع وی فینگ ہی اور لی شانگ فو کی برطرفی کے بعد فوجی نظام میں بڑھتے احتساب کی نشاندہی کرتا ہے۔
چار روزہ اجلاس کے دوران پارٹی نے ایک نئی پانچ سالہ ترقیاتی منصوبہ بندی بھی منظور کی، جس میں سائنسی و تکنیکی خود انحصاری، دفاعی جدید کاری، ماحولیاتی تبدیلیوں سے نمٹنے، اور داخلی کھپت بڑھانے پر زور دیا گیا ہے۔
تجزیہ کاروں کے مطابق چین کی یہ نئی حکمت عملی ایک ایسے وقت میں سامنے آئی ہے جب امریکی صدر ڈونلڈ ٹرمپ کی انتظامیہ کی جانب سے ٹیکنالوجی پر پابندیوں کے باعث بیجنگ کو اپنی دفاعی اور صنعتی صلاحیتوں میں خود کفالت حاصل کرنے کی فوری ضرورت ہے۔
.ذریعہ: Express News
کلیدی لفظ: دیا گیا کے بعد چین کی فوج کے
پڑھیں:
ٹنڈوالٰہیار،عالمی انسداد بدعنوانی کے موقع پر آگاہی ریلی
data-id="863a0a8" data-element_type="widget" data-widget_type="theme-post-content.default">
ٹنڈوالٰہیار(نمائندہ جسارت)عالمی انسدادِ بدعنوانی ڈے کے موقع پر ڈپٹی کمشنر ٹنڈوالہیار نور مصطفیٰ لغاری کے احکامات پر ضلعی انتظامیہ ٹنڈوالہیار کی جانب سے ایک بھرپور آگاہی ریلی نکالی گئی۔ ریلی میں مختلف سرکاری محکموں، تعلیمی اداروں، سماجی تنظیموں اور شہریوں نے بڑی تعداد میں شرکت کی۔ ریلی کا مقصد ضلع بھر میں کرپشن کے خلاف شعور بیدار کرنا، شفافیت کے فروغ کا مؤثر پیغام پہنچانا اور عوام کو بدعنوانی کے معاشرتی نقصانات سے آگاہ کرنا تھا۔ریلی کی قیادت ایڈیشنل ڈپٹی کمشنر ٹو، میڈم وردہ نایاب نے کی، جبکہ اسسٹنٹ کمشنر ٹنڈوالہیار شہریار حبیب، اسسٹنٹ کمشنر چمبڑ حماد علی زرداری، اسسٹنٹ کمشنر جھنڈومری شہزادو عمیر جروار، ڈپٹی ڈائریکٹر محکمہ اطلاعات خالد حسین کمبوہ، ڈپٹی ڈائریکٹر اینٹی کرپشن اسٹیبلشمنٹ مونس احمد راہوجو محکمہ پولیس، محکمہ تعلیم کے افسران، اساتذہ، طلبہ و طالبات، سول سوسائٹی، این جی اوز کے نمائندگان، معزز شہریوں اور مقامی صحافیوں نے بھی بڑی تعداد میں شرکت کی۔ایڈیشنل ڈپٹی کمشنر ٹو میڈم وردہ نایاب نے ریلی سے خطاب کرتے ہوئے کہا کہ بدعنوانی صرف مالی کرپشن تک محدود نہیں بلکہ یہ معاشرے کے ہر شعبے کو متاثر کرتی ہے۔ انہوں نے کہا کہ قومی ترقی اور بہتر حکمرانی اس وقت تک ممکن نہیں جب تک بدعنوان عناصر کے خلاف سخت کارروائی نہ کی جائے اور اداروں میں شفافیت کو یقینی نہ بنایا جائے۔ انہوں نے مزید کہا کہ ضلعی انتظامیہ عوامی خدمات میں بہتری، میرٹ پر فیصلے اور شفافیت کے فروغ کے لیے عملی اقدامات جاری رکھے ہوئے ہے ریلی سے خطاب کرتے ہوئے اسسٹنٹ کمشنر ٹنڈوالہیار شہریار حبیب نے کہا کہ کرپشن معاشرے کیلئے ناسور بن چکی ہے اور اس کے خاتمے کے لیے ہر فرد کو اپنا کردار ادا کرنا ہوگا۔ انہوں نے کہا کہ آج ہمیں یہ عہد کرنا چاہیے کہ ہم رشوت اور کرپشن کے خلاف آواز بلند کریں گے تاکہ آنے والی نسلوں کو کرپشن سے پاک معاشرہ فراہم کیا جا سکے۔ انہوں نے مزید کہا کہ رشوت لینا اور دینا دونوں سنگین برائیاں ہیں اور اسی بدعنوانی سے معاشرتی بگاڑ جنم لیتا ہے۔ اس آگاہی ریلی کا مقصد عوام میں کرپشن کے خاتمے کیلئے شعور بیدار کرنا ہے۔اینٹی کرپشن اسٹیبلشمنٹ کے افسران نے اپنے پیغام میں کہا کہ شہری کرپشن کی نشاندہی میں بھرپور کردار ادا کریں اور کسی بھی شکایت کی صورت میں فوراً متعلقہ محکمے سے رابطہ کریں۔
پنجاب کے مختلف شہروں میں دھند کا راج، موٹروے بند