بھارت: بس میں آگ لگنے سے 25 افراد ہلاک، متعدد زخمی
اشاعت کی تاریخ: 24th, October 2025 GMT
بھارت کی جنوبی ریاست آندھرا پردیش میں ایک خوفناک حادثے کے دوران مسافر بس میں آگ لگنے سے کم از کم 25 افراد ہلاک اور متعدد زخمی ہو گئے۔
پولیس کے مطابق حادثہ اس وقت پیش آیا جب ایک موٹرسائیکل تیز رفتار بس سے ٹکرا گئی، جس کے نتیجے میں بس میں آگ بھڑک اٹھی۔ واقعہ ضلع کرنال کے قریب چنا ٹیکورو گاؤں میں پیش آیا۔
مزید پڑھیں: بھارت: صحافی راجیو پرتاپ کی موت، حادثہ یا منصوبہ بندی کے تحت قتل؟
آگ اتنی تیزی سے پھیلی کہ بس میں سوار متعدد مسافر، جو اُس وقت سو رہے تھے، بس کے اندر ہی جھلس کر ہلاک ہو گئے۔
پولیس افسر وکرانت پاٹل کے مطابق، بس میں سوار 44 مسافروں میں سے 18 افراد کھڑکیاں توڑ کر باہر نکلنے میں کامیاب ہو گئے۔ باقی مسافر بس کے اندر پھنس گئے۔ حادثے میں موٹرسائیکل سوار بھی ہلاک ہو گیا۔
ابتدائی تحقیقات کے مطابق، موٹرسائیکل بس کے نیچے پھنس گئی تھی اور رگڑ سے پیدا ہونے والی چنگاریوں نے بس کے فیول ٹینک کو آگ لگا دی۔
مزید پڑھیں: احمد آباد طیارہ حادثہ، بھارتی تاریخ کے بدترین فضائی سانحات میں المناک اضافہ
وزیراعظم نریندر مودی اور آندھرا پردیش کے وزیراعلیٰ این چندر بابو نائیڈو نے حادثے پر گہرے دکھ اور افسوس کا اظہار کرتے ہوئے متاثرہ خاندانوں سے تعزیت کی ہے۔
یہ بھارت میں 2 ہفتوں کے دوران بس میں آگ لگنے کا دوسرا بڑا حادثہ ہے۔ اس سے قبل راجستھان میں ایک مسافر بس میں آگ لگنے سے 20 افراد جاں بحق ہوئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
25 افراد ہلاک بس میں آگ بھارت حادثہ کرنال.ذریعہ: WE News
کلیدی لفظ: 25 افراد ہلاک بھارت حادثہ کرنال بس میں آگ لگنے
پڑھیں:
مسافر بس اور فیلڈر گاڑی میں تصادم، حادثے میں دو مسافر جاں بحق
سٹی42: ژوب میں ڈی آئی خان قومی شاہراہ پر مسافر بس اور فیلڈر گاڑی میں تصادم ہو گیا۔ حادثے میں دو مسافر جاں بحق ہو گئے۔
ریسکیو حکام نے تصدیق کی ہے کہ اس حادثے میں دو افراد جاں بحق ہوئے اور 5 خواتین سمیت 8 افراد زخمی ہوگئے ۔
فیلڈر گاڑی میں سوار تمام افراد پی پی ایچ آئی کے ملازمین ہیں۔ یہ لوگ پی پی ایچ آئی سٹاف میں شامل ہیں جو بیسک ہیلتھ یونٹ BHU ضلع شیرانی سے ڈیوٹی کے بعد ژوب واپس جا رہے تھے۔
گوجرانوالہ کا ترقی کی شاہراہ پر بڑا قدم؛ شہباز شریف نے بیلچہ چلادیا
Waseem Azmet
بنوں میں گاڑی پر حملہ، اسسٹنٹ کمشنر شمالی وزیرستان شہید