تائیوان،جدید ٹیکنالوجی میلہ، روبوٹس اور ڈرونز شرکا کی توجہ کا مرکز
اشاعت کی تاریخ: 24th, October 2025 GMT
تائیوان(ویب ڈیسک)تائیوان میں منعقدہ سالانہ ٹیکنالوجی نمائش میں اس سال مصنوعی ذہانت اور جدت کے موضوعات نمایاں رہے، میلے میں جدید خودکار روبوٹ، ہوائی ڈرونز اور ذہین نظام شرکاء کی خصوصی توجہ کا مرکز بنے۔ٹیکنالوجی نمائش میں تین سو سے زائد کمپنیوں نے شرکت کی اور اپنی جدید ایجادات پیش کیں، مصنوعی ذہانت میں جدت اب کے عنوان کے تحت روبوٹ سازی، خودکار نگرانی اور اعداد و شمار کے تحفظ جیسے جدید شعبوں پر خصوصی توجہ دی گئی۔
ایکسپو میں پیش کئے گئے ورچوئل کارز، روبوٹس اور ڈرون سسٹمز شرکاء کے لیے غیر معمولی کشش کا باعث بنے، جدید روبوٹس اور اوتارز ایسے نظام سے لیس ہیں جو 24 گھنٹے بلا تعطل معلومات فراہم کرنے کی صلاحیت رکھتے ہیں۔ماہرین کے مطابق جدید مصنوعی ذہانت کے نظام نہ صرف انسانی انداز میں گفتگو کرنے کی صلاحیت رکھتے ہیں بلکہ فوری ردِعمل دینے میں بھی غیر معمولی کارکردگی دکھا رہے ہیں، روبوٹ میں انسانوں کی زبان کو سمجھنے اور اس کا تجزیہ کرنے کی صلاحیت بھی شامل کی گئی ہے، جو انہیں مزید مؤثر بناتی ہے۔ماہرین کے مطابق تائیوان میں منعقد ہونے والی یہ نمائش ایشیا میں مصنوعی ذہانت اور روبوٹ سازی کے شعبے میں تیز رفتار ترقی کا واضح ثبوت ہے۔
.
ذریعہ
ذریعہ: Daily Mumtaz
کلیدی لفظ: مصنوعی ذہانت
پڑھیں:
پٹرولیم قیمتوں کے روزانہ تعین پر سینیٹ میں توجہ دلاؤ نوٹس جمع
توجہ دلاؤ نوٹس میں جے یو آئی کے سینیٹر نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ اسلام ٹائمز۔ سینیٹر کامران مرتضیٰ نے پٹرولیم مصنوعات کی قیمتوں کے 15 روزہ نظام کے بجائے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔ توجہ دلاؤ نوٹس میں وفاقی حکومت سے مجوزہ پالیسی پر وضاحت طلب کرتے ہوئے کہا گیا ہے کہ روزانہ قیمتوں کے تعین سے مہنگائی، ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے۔ نوٹس کے متن کے مطابق مجوزہ نظام کے کاروباری سرگرمیوں اور عوامی زندگی کے اخراجات پر ممکنہ اثرات سے متعلق بھی سوالات اٹھائے گئے ہیں۔
سینیٹر کامران مرتضیٰ نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ انہوں نے مطالبہ کیا کہ عوام کو ممکنہ منفی اثرات سے بچانے کے لیے اختیار کیے جانے والے حفاظتی اقدامات سے بھی سینیٹ کو آگاہ کیا جائے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم