ملکی سالمیت سب سے مقدم، معرکہ حق میں فیلڈ مارشل نے قائدانہ کردار ادا کیا، ایئر چیف
اشاعت کی تاریخ: 2nd, December 2025 GMT
ایئر چیف مارشل ظہیر احمد بابر سدھو نے کہا ہے کہ آپریشن ’بنیانِ مرصوص‘ میں پاک فضائیہ نے دشمن کو واضح شکست سے دوچار کیا اور 10 مئی کو دشمن کے ڈیفنس سسٹم کو مؤثر طریقے سے نشانہ بنایا۔ فیلڈ مارشل سید عاصم منیر نے اس معرکے میں اہم قائدانہ کردار ادا کیا۔
پی اے ایف اکیڈمی رسالپور کی پاسنگ آؤٹ پریڈ سے خطاب میں سربراہ پاک فضائیہ نے کہاکہ معرکہ حق میں حاصل ہونے والی کامیابی پاکستان ایئر فورس کی شاندار پیشہ ورانہ کارکردگی کا ثبوت ہے۔
مزید پڑھیں: معرکہ حق میں جے 10 سی کا اہم کردار: صدر زرداری کا طیارے بنانے والے ایئر کرافٹ کمپلیکس کا دورہ
انہوں نے بتایا کہ 6 اور 7 مئی کی درمیانی شب جب پاکستان کی خودمختاری کو چیلنج کیا گیا، تو پاک فضائیہ نے بھرپور ردعمل دیتے ہوئے دشمن کے جدید ترین طیارے، جن میں رافیل بھی شامل تھے، مار گرائے۔
ان کا کہنا تھا کہ 10 مئی کو دفاعی نظام کو نشانہ بنانے کے ساتھ ساتھ سائبر وارفیئر میں بھی پاکستان نے اپنی برتری منوائی۔
ائیر چیف کا کہنا تھا کہ پاکستان کی سالمیت ہمارے لیے سب سے مقدم ہے، رافیل طیاروں کی صلاحیتیں پاک فضائیہ کے مقابلے میں بے اثر ثابت ہوئیں۔ دشمن کی ہر حرکت پر لمحہ بہ لمحہ نظر رکھی گئی اور ہمارے فوری اور مؤثر اقدامات نے نتائج دیے۔
ان کے مطابق جدید تقاضوں کے مطابق پاک فضائیہ پوری طرح تیار اور صلاحیتوں سے لیس ہے۔
انہوں نے کہاکہ پاک فضائیہ چاہتی تو دشمن کو مزید بڑا نقصان پہنچا سکتی تھی لیکن ایک ذمہ دار اور پروفیشنل فورس ہونے کے ناطے ہمارا ہر فیصلہ سوچ سمجھ کر اور امن کے حصول کے لیے کیا جاتا ہے۔
ظہیر احمد بابر سدھو نے مزید کہاکہ معرکہ حق میں پاکستان ایئر فورس کی کامیابی اور تکنیکی برتری نہ صرف عالمی سطح پر تسلیم کی گئی بلکہ اس پر تحقیق بھی جاری ہے۔
ان کا کہنا تھا کہ ہر افسر اور جوان ملک کے دفاع کے لیے ہر لمحہ تیار ہے، جبکہ فیلڈ مارشل سید عاصم منیر نے اس معرکے میں اہم قائدانہ کردار ادا کیا۔
مزید پڑھیں: جشن معرکہ حق کے موقع پر 75 روپے مالیت کا یادگاری سکہ جاری
انہوں نے مزید کہاکہ پاکستان ایک امن پسند ملک ہے، تاہم اگر کسی نے ہماری امن کی خواہش کو کمزوری سمجھ کر للکارا تو اسے سخت جواب ملے گا۔ ہم ایک ذمہ دار ایٹمی قوت ہیں اور قوم کا اعتماد ہماری اصل طاقت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایئر چیف سید عاصم منیر ظہیر احمد بابر سدھو فیلڈ مارشل معرکہ حق ملکی سالمیت وی نیوز.ذریعہ: WE News
کلیدی لفظ: ایئر چیف ظہیر احمد بابر سدھو فیلڈ مارشل معرکہ حق ملکی سالمیت وی نیوز معرکہ حق میں پاک فضائیہ فیلڈ مارشل
پڑھیں:
معرکۂ کمال پور میں پاکستانی فوج کی بہادری کی ایک مثال
1971 کی جنگ میں مشرقی پاکستان کے علاقے کمال پور کی سرحد پر پاکستان آرمی کے جوانوں نے محدود وسائل کے باوجود دشمن کے حملوں کا جرات مندی سے مقابلہ کیا اور ملک کے دفاع کو اولین ترجیح دی، اس معرکے میں دشمن بھارت نے مکتی باہنی کی بٹالین سائز فورس کے ذریعے کمال پور میں واقع پاکستان آرمی کی بارڈر پوسٹ پر حملہ کیا۔کمال پور کی دفاعی پوزیشن کی ذمہ داری لیفٹیننٹ محمد علی کی قیادت میں بلوچ رجمنٹ، ویسٹ پاکستان رینجرز اور مقامی رضاکاروں پر تھی، حملے کے آغاز پر لیفٹیننٹ محمد علی نے اپنی قائدانہ صلاحیتوں کا بھرپور مظاہرہ کرتے ہوئے جوانوں کو دفاعی پوزیشن اختیار کرنے کا حکم دیا، میدان جنگ میں اپنی بہادری اور دانشمندی کا مظاہرہ کرتے ہوئے دشمن کو اپنے ہتھیاروں کی زد میں آنے تک فائرنگ روک رکھی۔جب لیفٹیننٹ محمد علی کو یقین ہو گیا کہ دشمن مکمل طور پر گھیرے میں آ چکا ہے تو انہوں نے تمام موجودہ ہتھیاروں سے دشمن پر اچانک اور شدید حملہ کیا، اس حکمت عملی کے نتیجے میں دشمن کو بھاری جانی و مالی نقصان اٹھانا پڑا اور وہ پسپائی اختیار کرنے پر مجبور ہوگیا۔پاکستان آرمی کے اس دفاعی حملے میں دشمن کے 120 فوجی ہلاک اور متعدد زخمی ہوئے، جب کہ دشمن کی 14 مشین گنیں، راکٹ لانچرز، ریڈیو ٹرانسمیشن سیٹس اور 26 رائفلوں سمیت بڑی تعداد میں اسلحہ و گولہ بارود بھی قبضے میں لے لیا گیا۔یہ معرکہ پاکستانی فوج کی پیشہ ورانہ حکمت عملی اور دفاعی جذبے کا ایک شاندار نمونہ تھا، لیفٹیننٹ محمد علی کی بہادری اور قائدانہ صلاحیتوں کی یہ داستان ہمیشہ تاریخ میں سنہری حروف سے لکھی جائے گی۔
سوشل میڈیا انفلوئنسر اذلان شاہ نے دوسری شادی کا اعلان کردیا