مجھے کہا گیا آپ کی جان کو خطرہ ہے، وزیراعلیٰ خیبر پختونخوا
اشاعت کی تاریخ: 24th, October 2025 GMT
چارسدہ میں جلسہ عام سے خطاب کرتے ہوئے سہیل آفریدی کا کہنا تھا کہ آج خیبر پختونخوا کے عوام کی آنکھوں میں چمک دیکھیں جو اس بات کی نوید ہے کہ خیبر پختونخوا نہیں بلکے پورے پاکستان میں انقلاب آئے گا، پہلے دن سے میرے خلاف لگے ہوئے ہیں کہ یہ ڈیلور نہیں کر پائے گا۔ اسلام ٹائمز۔ وزیراعلیٰ خیبر پختونخوا محمد سہیل آفریدی نے کہا ہے کہ مجھے کہا گیا آپ کی جان کو خطرہ ہے، چارسدہ اور خیبر نہ جاؤ مارے جاؤ گے میری جان عوام میں ہے میرا جینا مرنا عوام ہے، عوام تیاری پکڑیں عمران خان کو رہا کرانے کے لیے جلد قیادت ہدایات جاری کرے گی۔ وہ چارسدہ میں جلسے سے خطاب کررہے تھے۔ جلسے سے صوبائی صدر پی ٹی آئی جنید اکبر، عارف محمد زئی، فضل محمد خان اور دیگر ارکان قومی صوبائی اسمبلی نے بھی خطاب کیا۔ وزیراعلیٰ نے کہا کہ میرے وزیراعلیٰ بننے کے بعد چارسدہ میں جلسے کرنا اس لئے ضروری تھا کہ آپ نے چارسدہ سے ایک پارٹی کا صفایا کیا ہے، خیبر پختونخوا کے عوام بانی چیئرمین کے ساتھ کھڑے ہیں اور کھڑے رہیں گے۔ خیبر پختونخوا بانی چیئرمین کا ہے، جس دن سے میرا نام وزیراعلیٰ کے لئے آیا تو کہا گیا کہ یہ ہمیں قبول نہیں، مجھے دہشت گرد کہا گیا مجھے اس کی فکر نہیں کہ میرے بارے میں کوئی کیا کہتا ہے مجھے فکر ہے کہ میں آپ عوام کےلئے قبول ہوں کہ نہیں ؟۔
انہوں ںے کہا کہ آج خیبر پختونخوا کے عوام کی آنکھوں میں چمک دیکھیں جو اس بات کی نوید ہے کہ خیبر پختونخوا نہیں بلکے پورے پاکستان میں انقلاب آئے گا، پہلے دن سے میرے خلاف لگے ہوئے ہیں کہ یہ ڈیلور نہیں کر پائے گا یہ تو بچہ ہے، ڈرون حملے اور آرمی آپریشن منظور نہیں، جو بانی کا وژن ہوگا وہی کرونگا۔ وزیراعلیٰ کا کہنا تھا کہ پورے پاکستان کو یہ پیغام دینا چاہ رہا ہوں بانی چیئرمین کے ویژن کے مطابق تمام کام کرونگا، تمام فیصلے بانی چیئرمین کی ہدایات کے مطابق کرونگا، بانی چیئرمین سے ملاقات کےلئے پنجاب اور وفاقی حکومت کو خط لکھے، وزیراعظم کو بھی بتایا گیا عدالت کے احکامات پر بھی مجھے بانی چیئرمین سے ملنے نہیں دیا گیا ملاقات نہ ہونے پر میں عوام کے پاس آیا ہوں مجھے بتایا گیا کہ چارسدہ اور خیبر نہ جاؤ مارے جاؤگے میں انھیں بتانا چاہتا ہوں میرا جینا مرنا ،میری کرسی قوم کےلئے ہے۔
انہوں ںے کہا کہ میں کل خیبر جارہا ہوں وہاں بھی عوام نکلے گی ہم اس ملک میں حقیقی آزادی کے ذریعے قانون کی بالادستی لائیں گے جس نے قوم پر ظلم و جبر کیا ہے اس کو انصاف کے کٹہرے میں لائیں گے، ہنگو میں ایس پی اور سپاہی شہید ہوئے، اب ہم یہ بند کمروں کے فیصلے نہیں مانیں گے اس کے بعد خیبرپختونخوا اسمبلی اور عوام کی اجازت کے بغیر کوئی فیصلہ نہیں ہوگا ساتھیوں تیاری پکڑ لو ہم بانی چیئرمین کو جیل سے باہر نکالیں گے پارٹی قیادت جلد لائحہ عمل دے گی۔
ذریعہ
ذریعہ: Islam Times
کلیدی لفظ: خیبر پختونخوا بانی چیئرمین کہا گیا
پڑھیں:
مصنوعی مٹھاس دماغی صحت کے لیے خطرہ؟ نئی تحقیق میں یادداشت متاثر ہونے کا اشارہ
ایک نئی سائنسی تحقیق میں یہ انکشاف سامنے آیا ہے کہ مصنوعی مٹھاس کا زیادہ استعمال یادداشت اور ذہنی صلاحیتوں میں تیزی سے آنے والی کمی سے تعلق رکھ سکتا ہے۔ ماہرین کا کہنا ہے کہ اگرچہ یہ اجزا چینی کے متبادل کے طور پر استعمال کیے جاتے ہیں، تاہم ان کے طویل المدتی اثرات دماغی صحت کے لیے تشویش کا باعث بن سکتے ہیں۔
یہ تحقیق امریکن اکیڈمی آف نیورولوجی کے جریدے نیورولوجی میں شائع ہوئی، جس میں تقریباً 13 ہزار بالغ افراد کی آٹھ برس تک نگرانی کی گئی۔ تحقیق کے دوران کم یا بغیر کیلوریز والی مٹھاس کے سات عام اجزا کا جائزہ لیا گیا، جن میں ایسپارٹیم، سیکرین، ایسی سلفیم کے، اریتھریٹول، زائیلیٹول، سوربیٹول اور ٹیگاٹوز شامل تھے۔
تحقیقی نتائج کے مطابق وہ افراد جو روزانہ اوسطاً 191 ملی گرام مصنوعی مٹھاس استعمال کرتے تھے، جو تقریباً ایک کین ڈائٹ سوڈا میں موجود ایسپارٹیم کے برابر مقدار ہے، ان میں کم استعمال کرنے والوں کے مقابلے میں یادداشت اور ذہنی کارکردگی میں کمی کی رفتار 62 فیصد زیادہ دیکھی گئی۔
اسی طرح درمیانی مقدار میں مصنوعی مٹھاس استعمال کرنے والے افراد میں بھی ذہنی صلاحیتوں میں کمی کا خطرہ نمایاں رہا، جہاں یہ شرح کم استعمال کرنے والوں کے مقابلے میں 35 فیصد زیادہ ریکارڈ کی گئی۔
محققین کے مطابق یہ تعلق 60 سال سے کم عمر افراد اور ذیابیطس کے مریضوں میں زیادہ نمایاں دیکھا گیا، کیونکہ یہ افراد عام چینی کے بجائے مصنوعی مٹھاس کا زیادہ استعمال کرتے ہیں۔
تحقیق میں شامل سات میٹھے اجزا میں سے صرف ٹیگاٹوز ایسا جز تھا جس کا ذہنی صلاحیتوں میں تیز رفتار کمی سے واضح تعلق سامنے نہیں آیا، جبکہ باقی چھ اجزا اس خطرے سے منسلک پائے گئے۔
تحقیق کی مرکزی مصنفہ، یونیورسٹی آف ساؤ پالو سے وابستہ ڈاکٹر کلاڈیا کیمی سوئیموتو نے کہا کہ مصنوعی مٹھاس کو عموماً صحت مند متبادل سمجھا جاتا ہے، لیکن تحقیق کے نتائج اس بات کی نشاندہی کرتے ہیں کہ بعض مصنوعی میٹھے اجزا طویل عرصے تک استعمال کیے جانے کی صورت میں دماغی صحت پر منفی اثرات مرتب کر سکتے ہیں۔
یہ مصنوعی مٹھاس عام طور پر ڈائٹ سوڈا، فلیورڈ واٹر، انرجی ڈرنکس، دہی اور دیگر کم کیلوریز والی پراسیسڈ غذاؤں میں استعمال کی جاتی ہے۔
تاہم محققین نے اس بات پر بھی زور دیا کہ یہ ایک مشاہداتی تحقیق ہے، اس لیے اس سے یہ حتمی نتیجہ اخذ نہیں کیا جا سکتا کہ مصنوعی مٹھاس ہی براہِ راست یادداشت میں کمی کی وجہ بنتی ہے۔ ان کے مطابق ان نتائج کی مزید تصدیق اور مختلف متبادل میٹھے اجزا کے اثرات جانچنے کے لیے مزید سائنسی تحقیق کی ضرورت ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار