اسٹاک مارکیٹ دباؤ کا شکار، انڈیکس میں 1100 پوائنٹس سے زائد کمی
اشاعت کی تاریخ: 27th, October 2025 GMT
پاکستان اسٹاک ایکسچینج میں پیر کے روز مندی کا رجحان دیکھا گیا کیونکہ مالیاتی پالیسی کمیٹی کے فیصلے سے قبل سرمایہ کار محتاط نظر آئے۔
بینچ مارک کے ایس ای 100 انڈیکس میں 1,100 سے زائد پوائنٹس کی کمی ریکارڈ کی گئی۔
یہ بھی پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
کاروباری دن کے دوران توانائی اور مینوفیکچرنگ سمیت اہم شعبوں میں منافع فروشی کے باعث کے ایس ای 100 انڈیکس ایک موقع پر 161,766.
Market Close Update: Negative Today! ????
???????? KSE 100 ended negative by -1,140.3 points (-0.7%) and closed at 162,163.8 with trade volume of 364 million shares and value at Rs. 22.64 billion. Today's index low was 161,767 and high was 163,571. pic.twitter.com/50ft6y55Up
— Investify Pakistan (@investifypk) October 27, 2025
گزشتہ ہفتے بھی پاکستان اسٹاک ایکسچینج نے ملے جلے رجحان کا مظاہرہ کیا تھا۔
جغرافیائی سیاسی کشیدگی میں کمی سے پیدا ہونے والی ابتدائی بہتری منافع فروشی، بینکنگ سیکٹر کے کمزور سہ ماہی نتائج اور فیوچرز رول اوور ہفتے سے قبل احتیاطی رویے کے باعث برقرار نہ رہ سکی۔
مزید پڑھیں: اسٹاک ایکسچینج میں مندی، انڈیکس میں 1200 سے زائد پوائنٹس کی کمی
گزشتہ ہفتے کے اختتام پر کے ایس ای 100 انڈیکس میں 0.3 فیصد کمی ریکارڈ ہوئی اور یہ 163,304 پوائنٹس پر بند ہوا۔
عالمی سطح پر ایشیائی اسٹاک مارکیٹس میں پیر کے روز تیزی دیکھی گئی جبکہ امریکی ڈالر نسبتاً مستحکم رہا۔
چین اور امریکا کے درمیان تجارتی کشیدگی میں کمی کے اشاروں نے سرمایہ کاروں کے اعتماد کو بہتر بنایا۔
اطلاعات کے مطابق، امریکی صدر ڈونلڈ ٹرمپ اور چینی صدر شی جن پنگ کی متوقع ملاقات سے قبل دونوں ممالک کے اعلیٰ اقتصادی حکام نے جنوبی کوریا میں ایک تجارتی معاہدے کا فریم ورک طے کر لیا ہے۔
مزید پڑھیں: اسٹاک ایکسچینج میں منافع کے حصول کا رجحان، ابتدائی تیزی زائل
یہ معاہدہ اگر طے پا گیا تو امریکا کی جانب سے بلند تر ٹیرف اور چین کی جانب سے نایاب معدنیات کی برآمدی پابندیوں کو وقتی طور پر روک دیا جائے گا، جس سے عالمی سرمایہ کاروں کے خدشات میں کمی آئے گی۔
اس پیشرفت کے باعث جنوبی کوریا کا کوسپی اور جاپان کا نکی انڈیکس 2 فیصد سے زائد بڑھ گیا، جبکہ ایم ایس سی آئی کا ایشیا پیسفک انڈیکس، جاپان کے علاوہ، 1.3 فیصد اوپر گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی ڈالر انڈیکس ایشیائی اسٹاک بینکنگ سیکٹر پاکستان اسٹاک ایکسچینج تجارتی کشیدگی توانائی چین مارکیٹ
ذریعہ
ذریعہ: WE News
کلیدی لفظ: امریکا امریکی ڈالر انڈیکس ایشیائی اسٹاک بینکنگ سیکٹر پاکستان اسٹاک ایکسچینج تجارتی کشیدگی توانائی چین مارکیٹ اسٹاک ایکسچینج پاکستان اسٹاک انڈیکس میں
پڑھیں:
سندھ کی جیلوں میں گنجائش سے زائد قیدی موجود
فائل فوٹوسندھ کی تمام جیلوں میں گنجائش سے زیادہ قیدی ہونے کا انکشاف ہوا ہے۔ صوبائی جیلوں میں 14 ہزار قیدیوں کی گنجائش ہے لیکن 27 ہزار قیدی موجود ہیں۔
دستاویز کے مطابق کراچی کی سینٹرل جیل میں بھی قیدیوں کی تعداد بلند ترین سطح پر پہنچ گئی، جہاں گنجائش 2400 قیدیوں کی ہے مگر 8 ہزار قیدی رہ رہے ہیں۔
اسی طرح ملیر جیل کی گنجائش 2200 قیدیوں کی ہے لیکن وہاں ساڑھے 5 ہزار قیدی موجود ہیں۔
جیو نیوز کو حاصل دستاویز کے مطابق صوبہ سندھ میں 23 جیلیں ہیں، جو نہ صرف بھری ہوئی ہیں بلکہ اب اوور پاپولیٹڈ ہوگئی ہیں۔
حیدرآباد سینٹرل جیل میں قیدیوں کی گنجائش ڈیڑھ ہزار کی ہے، جہاں 3 ہزار افراد قید کاٹ رہے ہیں۔
لاڑکانہ سینٹرل جیل ساڑھے 6 سو افراد کے لیے بنائی گئی لیکن یہاں 1 ہزار افراد قید ہیں، ٹھٹھہ کی جیل ڈھائی سو افراد کے لیے ڈیزائن کی گئی لیکن قیدی ساڑھے 9 سو ہیں۔
صوبے میں خواتین کی 3 جیلیں کراچی، حیدرآباد اور سکھر میں قائم ہیں، جہاں موجود خواتین قیدیوں کی تعداد 438 تک پہنچ چکی ہے جبکہ ان میں سے صرف 68 خواتین سزا یافتہ ہیں۔
صوبے بھر کی جیلوں میں 27 ہزار قیدیوں میں سب سے زیادہ 22 ہزار 600 ایسے قیدی ہیں، جن کے کیسز عدالتوں میں زیر سماعت ہیں جبکہ سزا یافتہ قیدیوں کی تعداد محض ساڑھے 3 ہزار ہے۔
جیلوں میں سزائے موت کے 459 افراد بھی اپنی زندگی کے دن گن رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ