پاکستان اسٹاک مارکیٹ پہلی بار 169000 پوائنٹس کا سنگ میل عبور کرگئی
اشاعت کی تاریخ: 9th, December 2025 GMT
کراچی (نیوز ڈیسک) پاکستان اسٹاک ایکس چینج (پی ایس ایکس) میں کاروباری ہفتے کے دوسرے دن زبردست تیزی دیکھی گئی۔
آج منگل کو کاروبار کے دوران 10 ہفتے بعد اسٹاک مارکیٹ نے بلند ترین سطح کا سابقہ ریکارڈ توڑ دیا، مارکیٹ پہلی بار 169000 پوائنٹس کا سنگ میل عبور کرکے بند ہوگیا۔
اسٹاک مارکیٹ میں دو ماہ بعد ایک دن میں ایک ارب شیئرز کی تجارت ہوئی۔ 100 انڈیکس 1153 پوائنٹس بڑھ کر 169456 پوائنٹس کی ریکارڈ سطح پر بند ہوا۔
واضح رہے کہ گزشتہ روز کاروبار کے اختتام پر 100 انڈیکس ایک لاکھ 68 ہزار 303 پوائنٹس پر بند ہوا تھا۔
.ذریعہ: Daily Mumtaz
پڑھیں:
ایکس سروس مین سوسائٹی کا پاک فوج پر اظہار اعتماد، پی ٹی آئی پر پابندی لگانے کا مطالبہ
ایکس سروس مین سوسائٹی نے پاک فوج کی قیادت پر مکمل اعتماد ظاہر کرتے ہوئے فیلڈ مارشل عاصم منیر کی بطور چیف آف ڈیفنس فورسز تعیناتی کی بھرپور حمایت کا اعلان کیا ہے۔
راولپنڈی پریس کلب میں پریس کانفرنس کے دوران چیف کوآرڈینیٹر عزیز اعوان نے کہاکہ فوج کی قیادت پر ان کا اور تنظیم کا مکمل اعتماد ہے، اور یہ رائے ان کی ذاتی اور تنظیمی پوزیشن کی نمائندگی کرتی ہے۔
مزید پڑھیں: پی ٹی آئی کے فیصلے سمجھ سے بالاتر، پاک فوج کے خلاف ہرزہ سرائی قابل مذمت ہے، ایم کیو ایم
انہوں نے کہاکہ سوسائٹی ایک سیاسی جماعت کے ریاستی اداروں سے متعلق رویے پر گہری تشویش رکھتی ہے اور اس جماعت کے خلاف پابندی سمیت سخت اقدامات کی سفارش کرتی ہے۔
ایکس سروس مین سوسائٹی نے 9 مئی کے کیسز کا جلد فیصلہ کرنے اور بانی پی ٹی آئی عمران خان کے خلاف کارروائی کا مطالبہ بھی کیا، جبکہ بیرونِ ملک سے چلنے والی پروپیگنڈا مہم پر قابو پانے کی ضرورت پر زور دیا۔
سوسائٹی کے صدر جنرل (ر) عبدالقیوم نے کہاکہ ملکی استحکام کے لیے قومی یکجہتی ناگزیر ہے۔
انہوں نے کہا کہ افواجِ پاکستان کی اصل قوت عوام ہیں اور فوج نے 1947 سے آج تک ہر محاذ پر ملک کے دفاع کی ذمہ داری نبھائی ہے۔
انہوں نے بھارت کی مبینہ ہائبرڈ وار، خطے میں کشیدگی، اور افغانستان کی سرزمین کے پاکستان کے خلاف استعمال کا بھی ذکر کیا۔ ان کا کہنا تھا کہ بھارت اور اسرائیل کے بعض میڈیا پلیٹ فارمز پاکستان مخالف بیانیہ پھیلا رہے ہیں۔
جنرل (ر) عبدالقیوم نے کہاکہ جنرل عاصم منیر اپنی محنت اور پیشہ ورانہ صلاحیتوں کی بدولت اس اعلیٰ منصب تک پہنچے ہیں، جبکہ شہدا کی بے حرمتی جیسے واقعات نہایت افسوسناک ہیں۔
انہوں نے این ایف سی ایوارڈ پر نظرثانی کی ضرورت بھی اجاگر کی اور بتایا کہ عالمی درجہ بندی میں پاک فوج بارہویں نمبر پر ہے، جب کہ بھارت کا دفاعی بجٹ پاکستان کے مقابلے میں کئی گنا زیادہ ہے۔
مزید پڑھیں: پاک فوج اور فیلڈ مارشل کے خلاف بات کرنیوالوں کی زبان نکال کر جوتے کاتلا بنایا جائےگا، فیصل واوڈا
پریس کانفرنس کے آخر میں مقررین نے دو ٹوک مؤقف اپنایا کہ قومی سلامتی، اتحاد اور استحکام پر کوئی سمجھوتہ نہیں کیا جا سکتا اور دہشت گردی کے خلاف جنگ میں پوری قوم کو ریاستی اداروں کے ساتھ کھڑا ہونا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہار اعتماد ایکس سروس مین پاک فوج پی ٹی آئی پابندی فیلڈ مارشل عاصم منیر وی نیوز
ایمنسٹی نے سوڈانی فوج کے زمزم کیمپ پر خونریز حملے کو جنگی جرائم قرار دے دیا