امریکی ناظم الامور نیٹلی بیکر کا زرعی ترقیاتی بینک لمیٹڈ ہیڈ آفس اسلام آباد کا دورہ
اشاعت کی تاریخ: 27th, October 2025 GMT
امریکی ناظم الامور نیٹلی بیکر کا زرعی ترقیاتی بینک لمیٹڈ ہیڈ آفس اسلام آباد کا دورہ WhatsAppFacebookTwitter 0 27 October, 2025 سب نیوز
اسلام آباد (سب نیوز)پاکستان میں تعینات امریکی ناظم الامور نیٹلی اے بیکر نے زرعی ترقیاتی بینک لمیٹڈ کے ہیڈ آفس اسلام آباد کا دورہ کیا۔ ان کا پرتپاک استقبال بینک کے صدر و چیف ایگزیکٹو آفیسر جناب طاہر یعقوب بھٹی نے کیا۔جناب طاہر یعقوب بھٹی نے محترمہ بیکر کو بینک کے وژن، آپریشنز، اور اس کی حکمتِ عملی کے بارے میں تفصیلی بریفنگ دی، جو پاکستان میں زرعی و دیہی ترقی کے فروغ کے لیے ترتیب دی گئی ہیں۔ ملاقات کے دوران صدر/سی ای او نے بتایا کہ زرعی ترقیاتی بینک گزشتہ سات دہائیوں سے ملک کے زرعی شعبے کی خدمت کرنے والا ایک سرکردہ خصوصی مالیاتی ادارہ ہے۔ انہوں نے مزید بتایا کہ بینک کا وسیع نیٹ ورک 501 برانچز پر مشتمل ہے جن میں سے 90 فیصد سے زائد دیہی، پسماندہ اور غیر بینک شدہ علاقوں میں واقع ہیں، جہاں بینک مالی شمولیت اور خواندگی کو فروغ دے رہا ہے۔
صدر/سی ای او نے محترمہ بیکر کو ایک ویڈیو ڈاکیومنٹری بھی دکھائی جس میں زرعی ترقیاتی بینک کے کلیدی اقدامات اور کامیابیوں کو اجاگر کیا گیا تھا۔ ان میں زرعی بیٹھکوںاور موبائل وین سروسز جیسے جدید پروگرام شامل ہیں، جو کسانوں تک بینکنگ اور مشاورتی خدمات براہِ راست پہنچاتے ہیں۔ انہوں نے معزز مہمان کو بینک کے تعلیمی اور تحقیقی اداروں کے ساتھ اشتراک کے بارے میں بھی آگاہ کیا، جس کا مقصد زرعی پیداوار میں اضافہ اور جدید زرعی ٹیکنالوجیز کے فروغ کو ممکن بنانا ہے۔اس موقع پر بینک کے جاری ڈیجیٹل ٹرانسفارمیشن پر بھی گفتگو ہوئی، جس میں انٹرنیٹ، واٹس ایپ، اور موبائل بینکنگ سروسز کا آغاز شامل ہے، تاکہ کسان قرضوں کی ادائیگی، تصفیے اور معلومات کے حصول میں آسانی حاصل کر سکیں۔ صدر/سی ای او نے مزید بتایا کہ زرعی ترقیاتی بینک چھوٹے کسانوں کو معیاری ان پٹس اور خدمات کی فراہمی بہتر بنانے کے لیے مختلف زرعی سروس فراہم کنندگان کو آن بورڈ کر رہا ہے۔
نیٹلی اے بیکر نے چھوٹے کسانوں کی معاونت اور پاکستان کی زرعی معیشت کو مضبوط بنانے میں زرعی ترقیاتی بینک کے کردار کو سراہا۔ انہوں نے یہ بھی ذکر کیا کہ کئی امریکی کاروباری ادارے پاکستان کے زرعی اور غذائی شعبوں میں سرمایہ کاری کر رہے ہیں اور کام کر رہے ہیں۔ دونوں فریقین نے غذائی تحفظ اور زرعی شعبے کو درپیش چیلنجز پر تبادلہ خیال کیا۔امریکی ناظم الامور نے اس عزم کا اعادہ کیا کہ امریکہ پاکستان کی زرعی شعبے کو مزید مضبوط اور پائیدار بنانے کی کوششوں میں تعاون جاری رکھے گا۔ اس موقع پر جناب طاہر یعقوب بھٹی نے بھی اس بات کا اظہار کیا کہ زرعی ترقیاتی بینک پیداواریت میں بہتری، مالی شمولیت کے فروغ، اور طویل المدتی غذائی تحفظ کو یقینی بنانے کے لیے مشترکہ اقدامات میں بھرپور تعاون کے لیے تیار ہے۔ملاقات کا اختتام اس باہمی عزم کے ساتھ ہوا کہ دونوں ممالک مستقبل میں تعاون کے نئے مواقع تلاش کریں گے، تاکہ پاکستان کے کسانوں کی فلاح و بہبود، امریکی سرمایہ کاری کے امکانات، اور مجموعی طور پر زرعی معیشت کی ترقی کو فروغ دیا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرلیبیا کشتی حادثے میں ملوث 2 ملزمان کو بیس بیس سال قید بامشقت اور 14لاکھ روپے جرمانے کی سزا لیبیا کشتی حادثے میں ملوث 2 ملزمان کو بیس بیس سال قید بامشقت اور 14لاکھ روپے جرمانے کی سزا وزیر اعظم آزاد کشمیر کے مستعفی ہونے سے انکار پر عدم اعتمادلانے کی تیاریاں مکمل ،پی پی کی ن لیگ کو حکومت کا حصہ... افغان طالبان خوارج کی سرپرستی ختم کریں، استنبول مذاکرات میں پاکستان اپنے اصولی موقف پر قائم اگرکسی کی نمبر گیم پوری ہے تو عدم اعتماد کیوں نہیں لاتے؟ وزیراعظم آزادکشمیر کا استعفیٰ دینے سے انکار شہباز شریف فیوچر انویسٹمنٹ انیشی ایٹو کانفرنس میں شرکت کیلئے سعودیہ پہنچ گئے فیلڈ مارشل کی اردن کے شاہ عبداللہ سے ملاقات، دفاع تعاون بڑھانے پر گفتگو
Copyright © 2025, All Rights Reserved
رابطہ کریں ہماری ٹیم
ذریعہ
ذریعہ: Daily Sub News
کلیدی لفظ: امریکی ناظم الامور زرعی ترقیاتی بینک اسلام آباد
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا