موسیقی کے عظیم معمار خواجہ خورشید انور کو مداحوں سے بچھڑے 41 برس بیت گئے
اشاعت کی تاریخ: 30th, October 2025 GMT
موسیقی کے عظیم معمار خواجہ خورشید انور کی آج 41ویں برسی عقیدت و احترام سے منائی جا رہی ہے۔
برصغیر کے عظیم موسیقار، ہدایت کار اور فلسفی خواجہ خورشید انور کی آج 41ویں برسی منائی جا رہی ہے۔ 21 مارچ 1912 کو میانوالی میں پیدا ہونے والے اس نابغۂ روزگار فنکار نے فلمی دنیا کو کوئل، جھومر، شیریں فرہاد اور ہیر رانجھا جیسے لازوال شاہکار دیے۔
ملکہ ترنم نورجہاں، زبیدہ خانم اور مہدی حسن سمیت کئی نامور گلوکاروں نے ان کی دھنوں پر اپنی آواز کا جادو جگایا۔ خواجہ خورشید انور نے پنجاب یونیورسٹی سے فلسفہ میں ایم اے کیا اور انڈین سول سروس کا امتحان پاس کرنے کے باوجود انقلابی نظریات کے باعث نوکری ترک کر دی۔
انہیں 1955 میں فلم انتظار پر بہترین موسیقار اور فلم ساز کے صدارتی ایوارڈ سے نوازا گیا، جبکہ نگار ایوارڈز اور ستارۂ امتیاز بھی ان کے اعزازات میں شامل ہیں۔ 30 اکتوبر 1984 کو وفات پانے والے خواجہ خورشید انور آج بھی اپنی لازوال موسیقی کے باعث مداحوں کے دلوں میں زندہ ہیں۔
.ذریعہ: Express News
کلیدی لفظ: خواجہ خورشید انور
پڑھیں:
لوئر دیر میں ختم بخاری شریف کی ایک عظیم الشان تقریب
data-id="863a0a8" data-element_type="widget" data-widget_type="theme-post-content.default">
251215-08-9
لوئر دیر( نمائندہ خصوصی)تحصیل بلامبٹ لوئر دیر میں ختمِ بخاری شریف کی ایک عظیم الشان تقریب منعقد ہوئی، جس میں ہزاروں افراد نے شرکت کی۔ تقریب کے دوران تقریباً 500 کے قریب مرد و خواتین علما کرام اور حفاظ کرام نے درسِ نظامی و حفظ کی تکمیل کی، جن کی دستاربندی اور چادر پوشی کی گئی۔تقریب سے جماعت اسلامی پاکستان کے سابق امیر سراج الحق، امیر جماعت اسلامی لوئر دیر مولانا اسد اللہ خان، مہتمم مفتی عرفان الدین، مولانا کلیم اللہ اور مولانا احسان اللہ مخلص نے خطاب کیا۔ اس موقع پر سابق ایم پی اے ملک بہرام خان، سابق ایم پی اے اعزازالملک افکاری، صابر حسین اعوان سمیت کثیر تعداد میں علما کرام، معززین علاقہ اور عوام الناس موجود تھے۔سابق امیر جماعت اسلامی پاکستان سراج الحق نے اپنے خطاب میں کہا کہ پاکستان کے دینی مدارس میں 35 لاکھ سے زائد طلبہ زیرِ تعلیم ہیں اور یہ ادارے حکومتی معاونت کے بغیر عوام کے عطیات سے چل رہے ہیں۔ انہوں نے کہا کہ ملک کا مستقبل اسلامی نظام کے نفاذ سے وابستہ ہے اور دینی مدارس کو دہشت گردی سے جوڑنا سراسر ناانصافی ہے۔انہوں نے کہا کہ غزہ کے مجاہدین نے شدید حالات کے باوجود اسرائیل کا بھرپور مقابلہ کیا، حالانکہ اسرائیل کو امریکا، برطانیہ اور بھارت کی حمایت حاصل تھی۔ ان کے بقول ایران کی اسرائیل کے خلاف کامیابی اور پاکستان کی بھارت کے مقابلے میں برتری اس صدی کے معجزات ہیں۔سراج الحق نے مزید کہا کہ امریکا اور دیگر مغربی طاقتیں پاکستان اور افغانستان کے درمیان غلط فہمیاں پیدا کر کے دونوں ممالک کو لڑانا چاہتی ہیں، تاہم ان سازشوں کو ناکام بنایا جائے گا۔انہوں نے افغان علما کرام کی جانب سے پاکستان میں مسلح کارروائیوں کے خلاف جاری کردہ فتویٰ کا خیرمقدم کرتے ہوئے کہا کہ طالبان حکومت اور ان کی قیادت اس پر عملدرآمد یقینی بنائے۔ انہوں نے زور دیا کہ دونوں برادر اسلامی ممالک کی سرزمین ایک دوسرے کے خلاف استعمال نہیں ہونی چاہیے اور باہمی کشیدگی دونوں کے مفاد میں نہیں۔سراج الحق نے کہا کہ مغربی طاقتیں پاکستان اور افغانستان کے خوشگوار تعلقات نہیں چاہتیں اور امریکا باگرام ائرپورٹ کے حصول کے لیے تعلقات خراب کرنے کی کوشش کر رہا ہے۔ انہوں نے وفاقی وزرا پر زور دیا کہ حالات کو مزید بگاڑنے کے بجائے سنجیدگی کا مظاہرہ کریں۔ان کا کہنا تھا کہ پاکستان کے تمام مسائل کا حل قرآن و سنت کے عادلانہ نظام کے نفاذ میں ہے اور دینی قوتوں کا اتحاد و فرقہ واریت کا خاتمہ وقت کی اہم ضرورت ہے۔تقریب کے اختتام پر ختمِ بخاری شریف کے موقع پر سیکڑوں طلبہ کی دستاربندی کی گئی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر