آئی سی سی بی ایس کو جامعہ سے علیحدہ کرنے کے مجوزہ بل کی مخالفت
اشاعت کی تاریخ: 27th, November 2025 GMT
—فائل فوٹو
انجمن اساتذہ جامعہ کراچی نے آئی سی سی بی ایس کو جامعہ سے علیحدہ کرنے کے مجوزہ بل کی سخت مخالفت کرتے ہوئے اعلان کیا ہے کہ اسی ہفتے وزیرِاعلیٰ سندھ اور متعلقہ حکام سے ملاقات کی جائے گی، یکم دسمبر کو پریس کانفرنس ہو گی اور تمام اسٹیک ہولڈرز کو اعتماد میں لینے کے لیے رابطوں کا سلسلہ تیز کیا جائے گا۔
یہ فیصلے انجمن کی مجلسِ عاملہ کے ہنگامی اجلاس میں کیے گئے جس کی صدارت ڈاکٹر غفران کی اجلاس میں اراکین نے مذکورہ بل اور ایگزیکٹو ڈائریکٹر کی متوقع تقرری میں ڈونرز کو غیر معمولی اختیارات دینے کے اقدام پر شدید تحفظات کا اظہار کیا۔
اجلاس نے اس امر پر حیرت ظاہر کی کہ آئی سی سی بی ایس، جسے جامعہ کراچی نے قائم کیا اور جہاں کی زمین، فیکلٹی اور طلبہ جامعہ کے ہی ہیں، اسے کسی قسم کی مشاورت کے بغیر علیحدہ کرنے کے لیے بل تیار کر لیا گیا ہے۔
اراکین نے کہا کہ محض 1 فیصد ڈونیشن دینے والے دو ڈونرز کو بل کے ذریعے وسیع اختیار دینا ناصرف نامناسب بلکہ ادارے کے ضوابط کے منافی ہے، اجلاس میں اس شق پر بھی کڑی تنقید کی گئی جس کے تحت کسی بھی ملازم کو عدالت سے رجوع کرنے کا حق حاصل نہیں ہوگا، جسے بنیادی انسانی حقوق کے خلاف قرار دیا گیا۔
کمیٹی نے بتایا کہ اس وقت آئی سی سی بی ایس میں 650 سے زائد طلبہ تعلیم و تحقیق سے وابستہ ہیں اور انہوں نے جامعہ کراچی کے نام پر ہی یہاں داخلہ لیا ہے۔
اراکین نے سوال اٹھایا کہ ڈونرز کیسے انویسٹرز کا کردار ادا کر سکتے ہیں؟ اور اس بات کو بھی تشویشناک قرار دیا کہ سرچ کمیٹی میں وزیرِاعلیٰ کے ساتھ صرف دو ڈونرز کی شمولیت بل کے حقیقی محرکات واضح کرتی ہے۔
انجمن اساتذہ نے مؤقف اختیار کیا کہ مجوزہ بل آئی سی سی بی ایس کے طلبہ، اساتذہ، ملازمین اور جامعہ کراچی کے مجموعی مفاد کے خلاف ہے اور صرف 2 افراد کو غیر ضروری فائدہ پہنچانے کے لیے لایا جا رہا ہے، جس سے ادارے کے تعلیمی و تحقیقی ماحول کو نقصان پہنچے گا۔
اراکین نے اس عزم کا اعادہ کیا کہ وہ ہر فورم پر اس بل کی مزاحمت کریں گے اور اس کے خاتمے تک جدوجہد جاری رکھیں گے، جبکہ امید ظاہر کی گئی کہ حکومت اس معاملے پر جامعہ کراچی کی تشویش کا سنجیدہ نوٹس لے گی۔
.
ذریعہ
ذریعہ: Jang News
کلیدی لفظ: ا ئی سی سی بی ایس جامعہ کراچی اراکین نے
پڑھیں:
وزیراعظم کا بی ٹو بی کانفرنس کی پیشرفت کے ماہانہ جائزہ اجلاس کی خود صدارت کا فیصلہ
وزیراعظم اجلاس کی صدارت کر رہے ہیں - فوٹو بشکریہ پی آئی ڈیوزیراعظم شہباز شریف نے چین میں بی ٹو بی کانفرنس کے دوران ہوئی پیشرفت کے ماہانہ جائزہ اجلاس کی خود صدارت کا فیصلہ کیا ہے۔
دورہ چین میں پاک چین بزنس ٹو بزنس کانفرنس کے دوران لیے گئے فیصلوں کی پیشرفت کا جائزہ لینے کیلئے وزیراعظم شہباز شریف کی زیر صدارت اجلاس ہوا۔ جس میں وفاقی وزرا رانا تنویر، احد چیمہ، احسن اقبال، شزا فاطمہ خواجہ اور متعلقہ حکام شریک ہوئے۔
اس موقع پر وزیراعظم شہباز شریف کا کہنا تھا کہ پاکستان اور چین کے نجی شعبے کے درمیان کاروباری روابط میں غیر معمولی اضافہ ہوا ہے۔ یہ اضافہ دونوں ممالک کی اقتصادی شراکت داری کے نئے دور کا آغاز ہے۔
اسلام آباد پاکستان اور چین نے سرمایہ کاری، زراعت...
انہوں نے کہا کہ چین کے ساتھ صنعتی، زرعی اور تکنیکی تعاون سے برآمدات بڑھنے اور روزگار کے نئے مواقع پیدا ہوں گے۔ ہانگژو بی ٹو بی کانفرنس میں ایم اویوز کو جلد باقاعدہ معاہدوں اور مشترکہ منصوبوں میں تبدیل کیا جائے۔
وزیراعظم کا کہنا تھا کہ چین کی اکیڈمی آف ایگریکلچرل سائنسز اور پاکستان ایگریکلچرل ریسرچ کونسل کے درمیان تعاون کو عملی جامہ پہنایا جائے۔ پاک چین مشترکہ منصوبوں سے پاکستان کے زرعی شعبے میں انقلابی تبدیلی لائی جاسکیں گی۔
اجلاس کو بریفنگ دیتے ہوئے بتایا گیا کہ ہانگژو میں 24 مئی کو پاکستان چین بی ٹو بی کانفرنس میں 123 پاکستانی اور 436 چینی کمپنیوں نے شرکت کی۔ کانفرنس کے دوران تقریباً 7.54 ارب ڈالر مالیت کی 207 مفاہمتی یادداشتوں پر دستخط کیے گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ