کراچی: اسکول جانیوالے طالبعلم عابد کو تیز رفتار ٹینکر نے روند ڈالا
اشاعت کی تاریخ: 10th, December 2025 GMT
کراچی کے علاقے سرجانی ٹاؤن میں فور کے چورنگی کے قریب واٹر ٹینکر نے ایک اور نوجوان کی زندگی کا چراغ گُل کر دیا۔
17 سالہ طالب علم عابد گھر سے اسکول جانے کے لیے نکلا تھا۔
مشتعل افراد نے ٹینکر کو آگ لگا دی، ریسکیو ادارے نے رواں سال کے دوران ٹریفک حادثات کے تشویشناک اعداد و شمار جاری کر دیے۔
کراچی: واٹر ٹینکر کی کار، رکشہ اور موٹرسائیکل کو ٹکر، 2 خواتین سمیت 4 افراد زخمیحادثے میں کار سوار دو خواتین، رکشہ ڈرائیو، اور راہ گیر زخمی ہوگیا۔
عابد عثمان پبلک ہائی اسکول کا گیارہویں جماعت کا طالب علم تھا اور وہ گھر سے اسکول جانے کے لیے نکلا تھا۔
فور کے چورنگی کے قریب موٹر سائیکل پر جانے والا عابد اُس وقت زندگی کی بازی ہار گیا جب ایک تیز رفتار واٹر ٹینکر نے اسے روند ڈالا۔
حادثے کے فوراً بعد علاقہ مکین مشتعل ہو گئے جنہوں نے ٹینکر کو آگ لگا دی۔
اطلاع ملتے ہی فائر بریگیڈ کا یونٹ موقع پر پہنچا اور ایک فائر ٹینڈر کی مدد سے آگ پر قابو پا لیا گیا۔
پولیس کا کہنا ہے کہ ڈرائیور موقع سے فرار ہو گیا جبکہ واقعے کی تفتیش جاری ہے۔
کراچی میں تیز رفتار واٹر ٹینکر نے 2 سگے بھائیوں کی جان لے لی۔
دوسری جانب ریسکیو ادارے نے رواں سال کے دوران ہونے والے ٹریفک حادثات کے اعداد و شمار جاری کیے ہیں۔
رواں برس شہر میں اب تک 806 افراد مختلف حادثات میں جان کی بازی ہار چکے ہیں، جن میں 632 مرد،81 خواتین، 71 بچے، 22 بچیاں شامل ہیں۔
ریسکیو ادارے کے مطابق رواں سال ٹریفک حادثات میں 11 ہزار 596 شہری زخمی بھی ہوئے ہیں جبکہ ہیوی ٹریفک سے 244 افراد جاں بحق ہو چکے ہیں اور انتظامیہ کی حکمتِ عملی کے باجود حادثات رکنے کا نام نہیں لے رہے۔
.
ذریعہ
ذریعہ: Jang News
کلیدی لفظ: واٹر ٹینکر ٹینکر نے
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار