’شکر ہے فلم انڈسٹری ڈوب گئی ورنہ یہ سب دیکھنا پڑتا‘
اشاعت کی تاریخ: 28th, January 2025 GMT
لاہور(نیوز ڈیسک)سوشل میڈیا پر پاکستانی فلم ’مسٹر چارلی‘ کا ایک کلپ وائرل ہو رہا ہے جس میں ایک امیر گھمنڈی لڑکی کو دکھایا گیا ہے جوامیر باپ کی بیٹی ہے اور سمجھتی ہے کہ دولت سے دنیا کی ہر چیز خرید سکتی ہے۔
وائرل ویڈیو کلپ میں دکھایا گیا ہے کہ کیسے ایک امیر لڑکی استاد کو بھی انتظار کراتی ہے کہ وہ کلاس روم میں آئے تو پڑھائی شروع کی جائے جس پر تمام طلبا بھڑک اٹھتے ہیں۔
فلم میں مغرور لڑکی اپنی کلاس فیلو کو صرف اس وجہ سے تھپڑ مارتی ہے کہ وہ سوالات کے جواب دیتی ہے جس پر لڑکی کا بھائی اس کا بدلہ لیتا ہے اور گھمنڈی خاتون کے منہ پر تھپڑ رسید کرتا ہے۔
یہ کلپ سوشل میڈیا پر وائرل ہوا تو صارفین کی جانب سے اس پر مختلف تبصرے کیے گئے، ایک صارف نے لکھا کہ اللہ کا شکر ہے فلم انڈسٹری ڈوب گئی ورنہ یہ سب دیکھنا پڑتا۔
ایک صارف نے طنزاً کہا کہ یہ اپنے دور کی ہٹ فلم تھی۔
گل جانم نامی صارف نے لکھا کہ اسی اوور ایکٹنگ نے فلم انڈسٹری برباد کردی اور اب ڈرامہ انڈسٹری بھی برباد ہونے جا رہی ہے۔
اسی اور ایکٹنگ نے فلم انڈسٹری برباد کردی اور اب ڈرامہ انڈسٹری بھی برباد ہونے جا رہی ہے۔
ایک صارف نے فلم کے ایک سین سے متعلق بات کرتے ہوئے مزاحیہ انداز میں لکھا کہ کلاس روم کا دروازہ سڑک پر ہی ہے۔
عظمیٰ نامی صارف لکھتی ہیں کہ اتنی اچھی انٹرٹینمنٹ کا بیڑا غرق ہوگیا۔ ایسی انٹرٹینمنٹ جاری رہتی تو ہمیں اب ہنسنے کے لیے پی ٹی آئی کی طرف نہ دیکھنا پڑتا۔
کئی صارفین کا کہنا تھا کہ پاکستانی انڈسٹری ابھی تک ایسی فلمیں ہی بنا رہی ہے اور پھر کہتے ہیں کہ فلمیں دیکھنے کوئی نہیں آتا۔
مزیدپڑھیں:ڈیپ سیک یا چیٹ جی پی ٹی، مصنوعی ذہانت کا کون سا ماڈل بہتر ہے؟
ذریعہ: Daily Ausaf
کلیدی لفظ: فلم انڈسٹری
پڑھیں:
کراچی: ڈیفنس میں نئی نویلی دلہن کی موت پر شوہر کا کزن زیرِ حراست
—فائل فوٹوکراچی کے علاقے ڈیفنس فیز 5 میں نئی نویلی دلہن کی موت پر شوہر کے کزن کو حراست میں لے لیا گیا۔
لڑکی کے والد نے قتل کا مقدمہ درج کرا دیا، پولیس کو بتایا بیٹی داماد کے رشتہ داروں کے گھر عارضی طور پر مقیم تھی۔
رشتہ داروں کے مطابق گزشتہ شام لڑکی چھت پر گئی تھی، کافی دیر تک واپس نہیں آئی، بعد میں معلوم ہوا کہ کسی نے گلا گھونٹا اور بےہوش چھوڑ دیا۔
لڑکی کے والد کا کہنا ہے کہ اسپتال لانے پر ڈاکٹر نے موت کی تصدیق کی۔
واضح رہے کہ لڑکی سیالکوٹ سے ایک ماہ قبل شادی کر کے کراچی آئی تھی۔
اسلام آباد: دھماکے کے بعد جوڈیشل کمپلیکس کھول دیا گیا، سخت سکیورٹی انتظامات