سہ ملکی سیریز: قومی ٹیم میں تبدیلی سے متعلق بولنگ کوچ اظہر محمود کا اہم بیان
اشاعت کی تاریخ: 9th, February 2025 GMT
پاکستان کرکٹ ٹیم کے بولنگ کوچ اظہر محمود نے کہا ہے کہ ہمارے پاس تین اسپنرز کا آپشن موجود ہے، خوشدل شاہ کو بیٹنگ اور بولنگ دونوں آپشنز کے طور پر اسکواڈ میں شامل کیا گیا ہے۔
میڈیا سے گفتگو کرتے ہوئے انہوں نے کہاکہ ٹیم میں تبدیلیوں کے حوالے سے کوئی بات چیت نہیں ہوئی۔
یہ بھی پڑھیں سہ ملکی سیریز: نیوزی لینڈ نے ابتدائی میچ میں پاکستان کو 78 رنز سے شکست دے دی
ان کا مزید کہنا تھا کہ حارث رؤف کی انجری کے حوالے سے ان کے ایم آر آئی اسکین کے بعد ہی پتا چلے گا، ٹیم میں کوئی بھی تبدیلی سلیکٹرز کی ذمہ داری ہے انتظامیہ کی نہیں۔
اظہر محمود نے مزید کہاکہ سلیکشن کمیٹی کی جانب سے جس ٹیم کا انتخاب کیا گیا یہ بہترین اسکواڈ ہے۔
بابر اعظم کے حوالے سے ان کا کہنا تھا کہ سابق کپتان رنز بنا رہے ہیں اس لیے ان کی فارم سے پریشان ہونے کی ضرورت نہیں۔
واضح رہے کہ سہ ملکی سیریز کے پہلے میچ میں نیوزی لینڈ نے پاکستان کو 78 رنز سے شکست دے دی تھی۔
کیوی بلے بازوں نے سہ ملکی سیریز کے پہلے میچ میں پہلے بیٹنگ کرتے ہوئے پاکستان کو 331 رنز کا ہدف دیا تھا، تاہم قومی ٹیم 252 رنز بنا کر آؤٹ ہوگئی تھی۔
یہ بھی پڑھیں سہ ملکی سیریز: فاسٹ بولر حارث رؤف کو پسلیوں میں تکلیف، اوور ادھورا چھوڑ کر گراؤنڈ سے جانا پڑا
سیریز کا دوسرا میچ کل 10 فروری کو نیوزی لینڈ اور جنوبی افریقہ کے درمیان لاہور میں کھیلا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہر محمود بولنگ کوچ پاکستان کرکٹ ٹیم ٹیم میں تبدیلی سہ ملکی سیریز وی نیوز.ذریعہ: WE News
کلیدی لفظ: بولنگ کوچ پاکستان کرکٹ ٹیم ٹیم میں تبدیلی سہ ملکی سیریز وی نیوز سہ ملکی سیریز ٹیم میں
پڑھیں:
پاکستان اور ویسٹ انڈیز ون ڈے سیریز: اہم خبر سامنے آگئی
پاکستان اورویسٹ انڈیز کے درمیان تین ون ڈے میچز شیڈول کے تحت ہی کھیلے جائیں گے۔
پی سی بی نے ون ڈے میچز کو ٹی ٹوئنٹی میچز میں تبدیل کرنے کی درخواست کی تھی۔ تاہم، ویسٹ انڈیز کرکٹ بورڈ نے پہلے سے طے پروگرام کے مطابق ہی ٹی ٹوئنٹی اور ون ڈے میچز کے ٹکٹوں کی فروخت شروع کردی ہے۔
امریکا میں کھیلے جانے والے ٹی ٹوئنٹی میچز کے لیے 25 اور 30 ڈالرز ٹکٹ کے نرخ ہیں۔ون ڈے میچز کے ٹکٹس آٹھ اور پانچ ڈالر میں خریدے جاسکتے ہیں۔
ویسٹ انڈیز کرکٹ بورڈ نے 8 سے 12 اگست تک مجوزہ ون ڈے میچز کے ٹکٹوں کی فروخت کا بھی آغاز کردیا ہے۔
ٹی ٹونٹی اور ون ڈے میچز کے ٹکٹس ویسٹ انڈیز کرکٹ بورڈ کی ویب سائٹ کے ذریعے آن لائن خریدے جاسکتے ہیں۔
پاکستان اور ویسٹ انڈیز کے درمیان 31 جولائی سے ٹی ٹوئنٹی میچز کی سیریز فلوریڈا امریکا میں ہوگی۔دوسرا میچ دو اگست جبکہ تیسرا تین اگست کو شیڈول ہے۔
پہلا ون ڈے میچ آٹھ اگست کو ٹرینی ڈاڈ اینٍڈ ٹابگو کے برائن لارا کرکٹ اسٹیڈیم میں کھیلا جائے گا۔ دوسرا ون ڈے 10 اگست کو اسی مقام پر رکھا گیا ہے جبکہ تیسرا ون ڈے 12اگست کو طے ہے۔
ترکیہ کے صدر طیب ارودان نے خیبر پختون خوا میں دہشت گرد حملے کی مذمت