سندھ بلڈنگ، ڈائریکٹر ڈیمالیشن سے ملی بھگت، عاصم صدیقی بے قابو
اشاعت کی تاریخ: 22nd, February 2025 GMT
133گز کا 10لاکھ ، 216گز کے پلاٹ کا پیکیج 15 لاکھ کے ریٹ مقرر
انہدام اور نمائشی انہدام کے نام پر الگ سے پیسے وصول کیے جانے لگے
سندھ بلڈنگ کنٹرول اتھارٹی میں تعینات اسسٹنٹ ڈائریکٹر عاصم صدیقی نے کینیڈین شہریت کے حامل ڈائریکٹر ڈیمالیشن عبدالسجاد خان سے گٹھ جوڑ کے بعد تحقیقاتی اداروں کی چشم پوشی کا فائدہ اٹھاتے ہوئے ناظم آباد کی غیر قانونی تعمیرات کی بحفاظت تکمیل کا پیکیج متعارف کروا دیا ہے جس میں 133گز کے پلاٹ کے 10لاکھ روپے اور 216گز کے پلاٹ کے 15لاکھ روپے وصول کیے جانے لگے ہیں اور انہدام اور نمائشی انہدام کے پیسے علیحدہ سے وصول کیے جارہے ہیں ۔ناظم آباد نمبر 1سے 5نمبر میں 110 سے زائد غیر قانونی تعمیرات جاری ہیں۔ غیر قانونی تعمیرات سے 60لاکھ روپے سے زائد ہفتہ اکٹھا کرنے کا انکشاف ہوا ہے۔ عاصم صدیقی علاقے سے ماہانہ ڈھائی کروڑ سے زائد جمع کرنے لگے اور ہفتہ وار غیر قانونی دھندوں سے حاصل کی جانے والی رقوم کی بندر بانٹ کی جانے لگی ہے۔ اس وقت بھی ناظم آباد نمبر 1کے بلاک A میں پلاٹ نمبر 2/27اور 2/33پر حاصل کیے جانے والے حفاظتی پیکیج میں انہدام سے محفوظ رکھنے کی ضمانت کے ساتھ خلاف ضابطہ تعمیرات جاری ہیں۔
.ذریعہ: Juraat
پڑھیں:
عمران سے نوازشریف کا کچھ لینا دینا نہیں، عرفان صدیقی، اڈیالہ جانے کی بات غلط، رانا ثناء
اسلام آباد (نوائے وقت رپورٹ) مسلم لیگ (ن) کے سینئر رہنما سینیٹر عرفان صدیقی نے دو ٹوک انداز میں ان افواہوں کی تردید کی ہے کہ نواز شریف عمران خان سے ملاقات کیلئے اڈیالہ جیل جا رہے ہیں۔ عمران خان کے معاملات سے نواز شریف کا کچھ لینا دینا نہیں، ان پر ٹھوس مقدمات قائم ہیں اور عدالتیں اپنے فیصلے دے رہی ہیں۔ ویسے بھی عمران خان کی وجہ سے ایسا کون سا بحران پیدا ہو گیا ہے کہ نواز شریف ان سے مدد لینے کیلئے اڈیالہ جیل جائیں؟ کیا پاکستان کی اکانومی رک گئی ہے؟ کیا ہمارے دوستوں نے ہم سے منہ موڑ لیا ہے؟ کیا ہم بھارتی حملے کا منہ توڑ جواب نہیں دے سکے؟ آخر کس لیے نواز شریف عمران خان کے پاس جائیں؟ عمران تو خود دروازے کھٹکھٹا رہے ہیں لیکن ان کی شنوائی نہیں ہو رہی، اس طرح کے جھوٹے اور بے بنیاد بیانیے پی ٹی آئی خود بنا رہی ہے تاکہ کارکنوں کو تسلی دی جائے اور بتایا جائے کہ عمران خان کا مقام کتنا بلند ہے۔ علاوہ ازیں مشیر سیاسی امور رانا ثناء اللہ نے نجی ٹی وی سے انٹرویو میں کہا ہے کہ یہ بات درست نہیں کہ نواز شریف نے اڈیالہ جیل جانے کا فیصلہ کیا ہے نواز شریف ہمیشہ کہتے ہیں کہ ملک میں سیاسی ڈائیلاگ ہونے چاہئیں میاں نواز شریف سینئر سیاستدان ہیں نواز شریف کی یہ پوزیشن نہیں کہ وہ کسی کے پاس جائیں نواز شریف نے مینار پاکستان جلسے میں کہا سیاسی ڈائیلاگ ہونا چاہئے نواز شریف کے اڈیالہ جیل جانے والی بات مناسب نہیں شہباز شریف نے بھی 3 بار اپوزیشن کو مذاکرات کی دعوت دی شہبا زشریف نے نواز شریف کی اجازت پر ہی دعوت دی تھی پہلے بھی مذاکرات نوا زشریف کی مرضی سے ہوئے تھے۔
دہشت گردی میں براہ راست بھارت ملوث ہے،جاوید قصوری