علی حیدر کو پاکستان چھوڑ کر کیوں جانا پڑا؟ گلوکار نے وجہ بتا دی
اشاعت کی تاریخ: 24th, February 2025 GMT
گلوکار علی حیدر کا کہنا ہے کہ ان کیلئے پاکستان میں رہنا غیر محفوظ ہوگیا تھا اس لئے انہیں ملک چھوڑ کر جانا پڑا۔
علی حیدر حال ہی میں احمد علی بٹ کے پوڈکاسٹ میں شریک ہوئے جہاں انہوں نے موسیقی سے دور ہونے اور اپنی نجی زندگی کے حوالے سے کھل کر گفتگو کی۔
گلوکار نے بتایا کہ انہوں نے پاپ میوزک چھوڑ کر نعتیں، حمد و ثنا اور منتقبت پڑھنا شروع کردی تھی گانوں کی طرف ان کا رجحان کم ہوگیا تھا جس کے بعد ان کیلئے حالات مشکلات سے بھر گئے اور انہیں دھمکیاں موصول ہونے لگیں۔
https://www.facebook.com/AhmadAliButtOfficial/videos/2428077350857875/?share_url=https%3A%2F%2Ffb.watch%2FxY1piQTSMZ%2F
علی حیدر نے بتایا کہ ان کے والد کا پرنٹنگ پریس تھا جو ان کو بند کرنا پڑا اور وہ گھر بیٹھ گئے کیونکہ دھمکیوں کی وجہ سے وہ بھی غیر محفوظ اور ان کے اہل خانہ بھی جس کے بعد ان کی والدہ نے پریشانی کا اظہار کرتے ہوئے انہیں ملک چھوڑ کر کہیں اور منتقل ہونے کا مشورہ دیا۔
گلوکار نے بتایا کہ ایک پرانے دوست جن کے ہمراہ وہ کئی کنسرٹسٹ کر چکے تھے، نے انہیں امریکہ بُلا لیا اور وہ کام کیلئے وہاں گئے تاہم بیوی بچوں کے ساتھ وہیں سیٹل ہوگئے اور اب وہ وہاں ریڈیو شوز کرتے ہیں۔
ذریعہ: Express News
پڑھیں:
عمران خان کی اہلیہ بشریٰ بی بی کو رہاکر دینا چاہیے، کیپٹن(ر) محمد صفدر
ایک انٹرویو میں وزیراعلیٰ پنجاب کے شوہر کا کہنا تھا کہ میں آپ سے اتفاق کرتا ہوں اور کہتا ہوں کہ چھوڑ ہی دو بیچارے کو، اس کی عمر 75، 76 سال ہو گئی ہے اور میرے خیال میں اب وہ سیاست بھی نہیں کریگا، اسے چھوڑ دینا چاہیے۔ کیپٹن صفدر کا مزید کہنا تھا کہ عمران خان کو چھوڑیں نہ چھوڑیں لیکن ان کی اہلیہ بشریٰ بی بی کو چھوڑ دینا چاہیے، وہ جیل میں تکلیف میں ہوں گی۔ اسلام ٹائمز۔ پاکستان مسلم لیگ (ن) کے سینیئر رہنما اور مریم نواز کے شوہر کیپٹن (ر) محمد صفدر کا تہلکہ خیز بیان سامنے آیا ہے۔ کیپٹن (ر) محمد صفدر کا کہنا ہے کہ سابق وزیراعظم عمران خان کی اہلیہ بشریٰ بی بی کو رہا کر دینا چاہیے، یہ مطالبہ ایک وائرل ویڈیو میں سامنے آیا ہے۔ اس ویڈیو میں کیپٹن (ر) صفدر یوٹیوبر تصدق اعوان کیساتھ موجود ہیں۔ تصدق اعوان نے کیپٹن صفدر سے سوال کیا کہ آپ نے کوئی جیل نہیں چھوڑی، جس میں آپ قید نہ ہوئے ہوں، اڈیالہ جیل میں آپ بھی رہے ہیں آپکا وہاں اچھا وقت گزرا، اس جیل کا آج کل بہت چرچا ہے۔
تصدیق اعوان نے کہا کہ اڈیالہ جیل والے کو بھی اب چھوڑ دیں، لڑائی معاف کریں، رات کو وہاں با ہر وزیراعلیٰ آگ جلا کے بیٹھا رہتا ہے، اب اسے چھوڑ دیں۔ جواب میں کیپٹن صفدر نے کہا کہ میں آپ سے اتفاق کرتا ہوں اور کہتا ہوں کہ چھوڑ ہی دو بیچارے کو، اس کی عمر 75، 76 سال ہو گئی ہے اور میرے خیال میں اب وہ سیاست بھی نہیں کریگا، اسے چھوڑ دینا چاہیے۔ کیپٹن صفدر کا مزید کہنا تھا کہ عمران خان کو چھوڑیں نہ چھوڑیں لیکن ان کی اہلیہ بشریٰ بی بی کو چھوڑ دینا چاہیے، وہ جیل میں تکلیف میں ہوں گی۔ خیال رہے کہ 190 ملین پاؤنڈ کیس میں عمران خان کو 14 سال قید اور 10 لاکھ روپے جرمانہ جبکہ انکی اہلیہ بشریٰ بی بی کو 7 سال قید اور 5 لاکھ روپے کی سزا سنائی گئی ہے۔
وفاقی وزیر پلاننگ احسن اقبال کا گلگت میں خطاب، عمران خان ایک بار پھر نشانے پر