ایسے دو اداکار جو دوست بنے، ایک ہی سال میں طلاق لی اور ایک ہی تاریخ کو انتقال کرگئے
اشاعت کی تاریخ: 29th, April 2025 GMT
بالی ووڈ کے دو مایہ ناز آنجہانی اداکار، ونود کھنہ اور فیروز خان نہ صرف اپنی اداکاری اور مشہور فلموں کے لیے یاد رکھے جاتے ہیں بلکہ ان کی ذاتی زندگی میں موجود چند حیران کن مشابہتیں بھی لوگوں کو آج تک حیران کرتی ہیں۔
بھارتی میڈیا رپورٹ کے مطابق دونوں اداکار نہ صرف گہرے دوست تھے بلکہ کئی ہٹ فلموں میں ایک ساتھ کام بھی کر چکے تھے، جن میں ’قربانی‘، ’شَنکر شَمبھو‘ اور ’دیوان‘ شامل ہیں۔
ان دونوں سینئر اداکاروں کی زندگی کا ایک دلچسپ اتفاق یہ ہے کہ دونوں نے اپنی ازدواجی زندگی کا اختتام ایک ہی سال، 1985 میں کیا۔ ونود کھنہ نے اپنی اہلیہ گیتانجلی سے علیحدگی اختیار کی، جبکہ فیروز خان نے اسی سال اپنی بیوی سندری سے طلاق لی۔
یہی نہیں بلکہ دونوں اداکاروں کا انتقال بھی ایک ہی تاریخ، اگرچہ مختلف سالوں میں، تاہم 27 اپریل کو ہوا۔ فیروز خان کا انتقال 2009 میں پھیپھڑوں کے کینسر کے باعث ہوا جبکہ ونود کھنہ 2017 میں مثانے کے کینسر کے باعث جان کی بازی ہار گئے۔
بالی ووڈ ستاروں کی یہ حیرت انگیز مماثلت ان دونوں شخصیات کو نہ صرف فلمی دنیا میں بلکہ ذاتی طور پر بھی ایک خاص مقام دیتی ہیں۔
TagsShowbiz News Urdu.
ذریعہ: Al Qamar Online
کلیدی لفظ: ایک ہی
پڑھیں:
اداکار فیروز خان نے تنقید کرنے والی اداکاراؤں سے متعلق کیا کہا؟
اداکار فیروز خان نے خود پر تنقید کرنے والوں سے متعلق کہا ہے کہ اللہ ان لوگوں کو ہدایت دے۔فیروز خان نے ڈرامہ انڈسٹری میں کئی ہِٹ کردار ادا کیے جس کے باعث ان کے مداح ان کی اداکاری کو پسند کرتے ہیں لیکن سابقہ اہلیہ علیزے سلطان سے علیحدگی کے معاملے پر وہ تنقید کی زد میں رہے۔شوبز انڈسٹری سے تعلق رکھنے والی شخصیات اور اداکاراؤں نے بھی فیروز خان پر تنقید کرتے ہوئے ان کے ساتھ کام کرنے سے انکار کردیا تھا۔حال ہی میں فیروز خان نے اداکار یاسر نواز سے گفتگو کی اور تنقید کا نشانہ بنانے والی اداکاراؤں سے متعلق اپنے خیالات کا اظہار کیا۔انٹرویو میں فیروز خان نے کہا کہ جب انسان غلط نہیں ہوتا تو اس کو کسی سے ڈرنے کی ضرورت نہیں، ان سارے حالات میں، میں نے یہ چیز دیکھی کہ رزق دینے والا اللہ ہے، مجھ پر تنقید کرنے والوں کے بارے میں سوچتا ہوں کہ اللہ انہیں ہدایت دے، آج یہ غلطی کررہے ہیں لیکن کبھی نا کبھی انہیں سمجھ آئے گی۔یاسر نواز نے سوال کیا کہ کچھ اداکاراؤں نے ساتھ کام کرنے سے منع کردیا تھا تو کیا آپ کو برا لگا؟ اس پر فیروز خان نے کہا کہ اللہ نے میری زندگی میں ایک فلٹر لگایا ہے اور اس فلٹر سے مجھے معلوم ہوا کہ بہت لوگ ہیں جن کے ساتھ مجھے رابطہ نہیں رکھنا کیونکہ جتنا میں یا وہ مجھے جانتے ہیں اس کے باوجود ایسا ردعمل آنا میرے لیے حیران کن تھا۔یاسر نواز یہ بھی سوال کیا کہ اگر وہ اداکارائیں آپ کے ساتھ کام کرنے کا بولیں تو کیا فیروز خان کام کرے گا؟ اس کا جواب دیتے ہوئے اداکار نے کہا کہ وہ اپنے آس پاس برائی رکھنے والے لوگوں کو نظر انداز کرنا چاہتے ہیں۔
کراچی میں قربانی کے جانور چھیننے والے گینگ کے 3 ملزمان گرفتار