تاریخ کے اوراق گواہ ہیں کہ جب بھی کسی مغرور طاقت نے اللہ کے فضل اور اہلِ ایمان کی غیرت کو للکارا، زمین و آسمان کے قانون نے اسے ذلت کے گڑھے میں پھینک دیا۔ کل یمن کے ابرہہ جو ہاتھیوں کی فوج لے کر کعبۃ اللہ کو گرانے کے گھمنڈ سے آیا تو اللہ کی ابابیلوں نے کنکروں سے ابرہہ کی فوج کو ریزہ ریزہ کر دیا، آج پاکستان پر ہندوستانی ابرہہ کے جنگی ہاتھیوں پر پاکستان کے شاہینوں نے چینی کنکروں ،ٹیکنالوجی کی طاقت سے ہندوستان کے جدید ’’ہاتھیوں‘‘کو نیست و نابود کر دیا اور مودی کے تکبرانہ گھمنڈ کو بھسم کردیا۔ یہ صرف ایک فوجی تصادم نہیں، بلکہ ایمان، حکمت اور سائنس کی وہ کرشمہ سازی ہے جس نے ’’ لا غالب الا اللہ‘‘کے اصول کو ایک بار پھر زندہ کر دکھایا۔
تاریخی مماثلت، ابابیلوں کا واپسی،قرآن مجید میں اللہ تعالیٰ نے سورۃ الفیل* میں ابرہہ کی فوج کی تباہی کا ذکر فرمایا:
’’کیا آپ نے نہیں دیکھا کہ آپ کے رب نے فیل والوں (ہاتھیوں والوں) کے ساتھ کیا کیا؟ کیا ان کی چال کو برباد نہیں کر دیا؟ اور ان پر ابابیل کے پرندوں کے جھنڈ کے جھنڈ بھیج دئیے جو ان پر پکی مٹی کے پتھر پھینک رہے تھے، پھر انہیں کھائے ہوئے بھوسے کی طرح کر دیا۔‘‘
آج کا ’’ابرہہ‘‘ ہندوستان ہے، جس نے اپنی ڈیجیٹل فوج (Cyber Elephants)، Rafale طیاروں اور سٹیلتھ ڈرونزکے زور پر پاکستان کو گھٹنے ٹیکنے پر مجبور کرنا چاہا۔ مگر ’’ابابیل‘‘کی جگہ ’’پاکستانی شاہینوں‘‘نے لی اور ’’سجیل کے پتھروں‘‘کی جگہ ’’چینی ٹیکنالوجی‘‘کی مہلک میزائلوں نے، چین کا کردار، جدید دور کا ’’سجیل‘‘چین نے پاکستان کو جو دفاعی ٹیکنالوجی دی، وہ کسی ’’کنکر‘‘ سے کم نہیں تھی۔’’ہائپر سونک میزائل‘‘ (DF-ZF)جو ہندوستان کے S-400 ڈیفنس سسٹم کو بے اثر کرنے کی صلاحیت رکھتے ہیں۔ ’’کوانٹم ریڈار‘‘ جس نے دشمن کے خفیہ طیاروں (Stealth Jets) کو بھی پکڑ لیا۔ AI-Powered سائبر ڈیفنس،جس نے ہندوستان کے ’’سائبر حملوں‘‘ کو ناکام بنا دیا۔ یہ وہی حجار من سجیل(پکی مٹی کے پتھر) ہیں جو آج ’’ڈیجیٹل دور‘‘ میں ’’میگا ہرٹز کی لہروں‘‘ اور ’’سپر سونک اسپیڈ‘‘ میں تبدیل ہو گئے!
پاکستانی کی فوجی قیادت نے جذبہ ایمان سے لیس اپنے شاہینوں کو بہترین جنگی حکمت عملی کے ساتھ صرف چینی ٹیکنالوجی پر انحصار نہیں کیا، بلکہ ایمان،جرات اور جدید سائنس کا حسین امتزاج پیش کیا۔ ’’ڈیجیٹل ابابیل شیلڈ‘‘ پاکستانی ہیکرز نے ہندوستان کے ’’سٹیلتھ ڈرونز‘‘ کو ’’الیکٹرومیگنیٹک جیمنگ‘‘سے تباہ کر دیا۔ JF-17 ،تھنڈر کا کمال ہے کہ پاکستانی طیاروں نے ہندوستان کے رافیل طیارے مار گرائے، جبکہ خود صفر نقصان اٹھایا۔
غیرتِ سائبری،پاکستانی آئی ٹی ایکسپرٹس نے ہندوستان کے ’’ڈیٹا سینٹرز‘‘ کو ڈیجیٹل کنکروں (Malware Attacks) سے تباہ کر دیا۔ دنیا کو پاکستان کی عسکری قیادت نے حیرت ردیا ،یہ کوئی معجزہ ہے؟ (نیویارک ٹائمز) پاکستان نے جدید جنگ کا نقشہ بدل دیااب ہتھیاروں سے زیادہ ٹیکنالوجی اور حکمتِ عملی اہم ہے (بی بی سی) ’’کیا پاکستان نے واقعی ہندوستان کو ’’ڈیجیٹل ٹیکنالوجی‘‘ کے ذریعے شکست دی؟ہندوستانی وزیر دفاع کا بیان،ہمیں معلوم نہیں کہ ہمارے ہتھیار کیوں ناکام ہو گئے،یہ کوئی جادو تھا! سبق: لا غالب الا اللہ، یہ جنگ ثابت کرتی ہے کہ اللہ کی مدد کے بغیر کوئی طاقت غالب نہیں آ سکتی۔ جدید سائنس کو ایمان اور حکمت کے ساتھ استعمال کیا جائے تو دشمن کی تمام تر طاقت بے بس ہو جاتی ہے۔ پاکستان اور چین کا اتحاد صرف اقتصادی نہیں، بلکہ ایک روحانی،ٹیکنالوجیکل اتحاد ہے۔
آج بھی ’’ابابیل‘‘ موجود ہیں وہ طیارے ہیں، وہ میزائل ہیں، وہ سائبر ٹیکنالوجی ہے۔ فرق صرف اتنا ہے کہ ’’کنکروں کی جگہ الیکٹرونک سگنلز‘‘ نے لے لی ہے۔ مگر نتیجہ وہی ہے: ’’پھر اللہ نے انہیں کھائے ہوئے بھوسے کی طرح کر دیا‘‘ سو، ہندوستان کے ’’ابرہہ‘‘کو پھر سے شکست ہوئی ہے اور پاکستان کے ’’ابابیل‘‘ فتح کی نوید سنا رہے ہیں! یہاں ہم دوست ملک چین اور برادر ملک ترکیا کی مدد اور حمایت کا تہہ دل سے شکریہ ادا کرتے ہیں۔ الحمد للہ والشکر للہ
ذریعہ: Daily Ausaf
کلیدی لفظ: نے ہندوستان کے کی فوج کر دیا
پڑھیں:
میاں نواز شریف ہمیشہ سروسز چیف کی مدت ملازمت میں توسیع کے مخالف رہے، رانا ثناء اللہ
وزیراعظم کے مشیر برائے سیاسی امور رانا ثناء اللہ نے کہا کہ مسلم لیگ ن اور میاں نوازشریف ہمیشہ سروسز چیف کی مدت ملازمت میں توسیع کے مخالف رہے ہیں۔
نجی ٹیلی ویژن چینل’ جیو‘ کے ایک ٹاک شو میں گفتگو کرتے ہوئے رانا ثناء اللہ سے جب تحریک انصاف کے مرکزی رہنما اسد قیصر کے ایک بیان کا حوالہ دیتے ہوئے مسلم لیگ ن کا موقف جاننے کی کوشش کی گئی تو رانا ثناء اللہ نے کہا کہ میاں نواز شریف کا واضح موقف رہا ہے کہ ایکسٹینشن نہیں ہونی چاہیے۔ میاں نواز شریف کے اپنے دور اقتدار میں جب بھی ایک یا دو مرتبہ موقع ملا ہے، انہوں نے اپنے موقف پر عمل کرکے دکھایا ہے۔ انہوں نے ایکسٹینشن نہیں دی۔
یہ بھی پڑھیے ملک میں عملاً مارشل لا نافذ، جنرل باجوہ کو ایکسٹیشن دینا غلطی تھی، پی ٹی آئی
یاد رہے کہ گزشتہ روز پاکستان تحریک انصاف (پی ٹی آئی) کے رہنما اسد قیصر نے کہا ہے کہ ملک میں جو نظام رائج ہے، وہ نہ آئینی ہے اور نہ ہی قانونی، بلکہ حقیقت میں ملک پر عملاً مارشل لا مسلط ہے۔ جنرل قمر جاوید باجوہ کو ایکسٹینشن دینا ہماری تاریخی غلطی تھی، اس سنگین غلطی پر قوم سے معافی مانگتے ہیں۔ آئندہ کسی ایکسٹینشن کو سپورٹ نہیں کریں گے۔
یہ بات انہوں نے تحریک تحفظ آئین پاکستان کے رہنماؤں کے ہمراہ پریس کانفرنس سے خطاب کرتے ہوئے کہی۔
قبل ازیں پاکستان تحریک انصاف کے بانی چیئرمین، سابق وزیراعظم عمران خان بھی جنرل باجوہ کو مدت ملازمت میں توسیع دینے کے فیصلے کو اپنی سب سے بڑی غلطی قرار دے چکے ہیں۔
یہ بھی پڑھیے مجھے کمزور حکومت اور جنرل باجوہ کو ایکسٹینشن نہیں دینی چاہیے تھی، عمران خان نے اپنی غلطیوں کا اعتراف کرلیا
سابق وزیر اعظم عمران خان نے اعتراف کیا ہے کہ جنرل باجوہ کو ایکسٹینشن دینا ان کی سب سے بڑی غلطی تھی اور کمزور اتحادی حکومت لینے کی بجائے انہیں دوبارہ انتخابات کروانے چاہیے تھے۔
’اپنی دو غلطیاں تسلیم کرتا ہوں کہ جنرل باجوہ کی ملازمت میں توسیع دینا میری سب سے بڑی غلطی تھی اور کمزور اتحادی حکومت لینے کی بجائے مجھے دوبارہ انتخابات کروانے چاہیے تھے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت کے ایک اور معروف مزاحیہ اداکار کسمپرسی کے عالم میں انتقال کرگئے