حکومت اور عمران خان کے درمیان ڈیل کی خبروں میں کوئی صداقت نہیں، چیئرمین پی ٹی آئی کا واضح اعلان
اشاعت کی تاریخ: 15th, May 2025 GMT
اسلام آباد:
چیئرمین پی ٹی آئی بیرسٹر گوہرنےڈیل کی خبروں کو مسترد کرتے ہوئے کہا ہے کہ عمران خان کے ساتھ کوئی ڈیل زیر غور نہیں ہے۔
پارلیمنٹ ہاؤس کے باہر میڈیا کے نمائندوں سے بات چیت کرتے ہوئے پاکستان تحریک انصاف (پی ٹی آئی) کے چیئرمین بیرسٹر گوہر علی خان نے واضح طور پر کہا ہے کہ پارٹی کے بانی عمران خان اور حکومت کے درمیان کسی بھی خفیہ معاہدے یا مفاہمت کی بات سراسر بے بنیاد ہے۔
ان کا کہنا تھا کہ وزیراعظم کی جانب سے اسمبلی فلور پر مذاکرات کی دعوت کو مثبت انداز میں لیا گیا، تاہم اس حوالے سے کوئی فیصلہ کرنے سے پہلے پارٹی مشاورت اور عمران خان کی رائے کو ترجیح دی جائے گی۔
بیرسٹر گوہر نے زور دے کر کہا کہ عمران خان کی طرف سے کبھی بھی خفیہ مفاہمت یا سودے بازی کا کوئی عندیہ نہیں دیا گیا۔ عمران خان کی ذاتی زندگی، خصوصاً ان کے بیٹے قاسم اور سلیمان موجودہ حالات سے پوری طرح باخبر ہیں اور ان کی جانب سے بھی اس قسم کی کسی ڈیل کی سختی سے تردید کی گئی ہے۔
انہوں نے کہا کہ عمران خان نے ہمیشہ مذاکرات کے لیے دروازے کھلے رکھے ہیں۔ بانی پی ٹی آئی سے میری اس حوالے سے کیا میٹنگ ہوئی، وہ پارٹی کا اندرونی معاملہ ہے، مگر عمران خان کبھی ڈیل نہیں کریں گے۔
بیرسٹر گوہر نے کہا کہ کسی نے اگر اپنے سورس سے خبر دی ہے تو اس کی مرضی ہے ۔ میں نے بانی پی ٹی آئی سے ملاقات سے متعلق معاملات کسی کے ساتھ شیئر نہیں کیے۔
انہوں نے یہ بھی کہا کہ عمران خان اس وقت ایک ناجائز اور ناحق قیدکا سامنا کر رہے ہیں اور ایسی صورت حال میں کسی ڈیل کی بات کرنا درست نہیں ہے۔ انہوں نے کہا کہ بانی چیئرمین کا مؤقف روز اول سے یہی رہا ہے کہ ملک میں جاری سیاسی بحران کا حل صرف اور صرف سیاسی مذاکرات اور بات چیت سے نکلنا چاہیے نہ کہ پس پردہ معاہدوں سے۔
انہوں نے کہا کہ ہم ہر فورم پر بات چیت کے حامی ہیں، لیکن ایسی کسی سودے بازی کا تصور بھی قابل قبول نہیں۔
بیرسٹر گوہر نے مزید کہا کہ جو بھی سیاسی عمل ہوگا، وہ کھلے اور شفاف ڈائیلاگ کے ذریعے ہی ممکن ہوگا اور اس میں پارٹی کارکنان اور قائدین کی مشاورت بنیادی حیثیت رکھتی ہے۔
Post Views: 4.
ذریعہ: Daily Mumtaz
کلیدی لفظ: کہ عمران خان بیرسٹر گوہر پی ٹی ا ئی نے کہا کہ انہوں نے ڈیل کی
پڑھیں:
ہمارا ایجنڈا واضح ،مخالفین بھی جانتے ہیں کام کرنا صرف مسلم لیگ ن کو آتا ہے: مریم نواز
ہمارا ایجنڈا واضح ،مخالفین بھی جانتے ہیں کام کرنا صرف مسلم لیگ ن کو آتا ہے: مریم نواز WhatsAppFacebookTwitter 0 19 November, 2025 سب نیوز
راولپنڈی (آئی پی ایس )وزیراعلی پنجاب مریم نواز نے کہا ہے کہ مخالفین بھی جانتے ہیں کہ کام کرنا صرف مسلم لیگ ن کو آتا ہے۔پنجاب کے شہر راولپنڈی میں الیکٹرک بسوں کے منصوبے کی افتتاحی تقریب سے خطاب کرتے ہوئے مریم نواز کا کہنا تھا کہ راولپنڈی میں صفائی ستھرائی نظام دیکھ کر خوشی ہوئی، راولپنڈی میں دن رات ترقیاتی کام ہورہے ہیں۔
انہوں نے کہا کہ راولپنڈی آج بہت خوبصورت لگ رہا ہے، کام کرنا آتا ہے تو مسلم لیگ ن کو آتا ہے، مری میں جتنے کام بھی ہوئے شریف برادران نے کرائے، موٹر وے منصوبوں کا نام آتے ہی فوری ذہن میں شریف برادران آجاتے ہیں۔وزیراعلی پنجاب کا کہنا تھا کہ یہ وہی ملک ہے جس کی کچھ عرصہ قبل ڈیفالٹ کی بتائیں ہورہی تھیں، نوازشریف کی حکومت آتی ہے تو ملک ترقی کرنے لگتاہے ، نوازشریف کو ہٹایا جاتا ہے تو ملک تنزلی کا شکار ہو جاہا ہے۔
مریم نواز نے کہا کہ مخالفین کو آتا ہے تو صرف فتنہ فساد پھیلانا، ہمارے مخالفین بھی ڈیفالٹ کے انتظار میں تھے، آج ان لوگوں کو شدید مایوسی ہوئی جو ملک کو دیوالیہ ہوتا دیکھنا چاہتے تھے، لوگوں کو معلوم ہو گیا ہے کہ ترقی کرنی ہے تو ن لیگ کو ووٹ دینا ہے۔
ان کا کہنا تھا کہ مسلم لیگ ن نے میگا پراجیکٹ شروع کیے، کوئی ایسا شہر نہیں جہاں سڑکیں نہ بنائی ہوں، آپ کے پاس یہ سڑکیں ہیں تو ان پر بسیں چل رہی ہیں، آپ نے جہاں بھی جانا ہوتاہے تو 20 روپے سے زیادہ کرایہ نہیں ہے، الیکٹرک بسوں کا کرایہ بھی زیادہ نہیں ہے یہ بزرگوں کیلئے مفت ہے۔
وزیراعلی پنجاب نے کہا کہ کوئی ایسا شہر نہیں جہاں سڑکوں کا جال نہ بچھایا ہو، میرے ذہن میں کوئی تفریق نہیں پنجاب کا ہر شہری برابر ہے، ن لیگ کے علاوہ پنجاب میں کسی نے ایک اینٹ بھی نہیں لگائی، عوام کو ٹرانسپورٹ کی سہولیات فراہم کررہے ہیں۔
مریم نواز کا کہنا تھا کہ ڈیرھ سال میں جتنے ریکارڈ ترقیاتی کام ہوئے اس کی مثال نہیں ملتی ، الیکٹرک بسیں ماحولیاتی آلودگی پر قابو پانے میں معاون ثابت ہوں گی، کچھ لوگوں نے کئی سال ضائع کردیے اور کوئی کام نہیں کیا۔انہوں نے کہا کہ جب تک پنجاب کی خواتین خود کو محفوظ نہیں سمجھیں گئی، میں چین سے نہیں بیٹھوں گی، راولپنڈی میں قلیل مدت میں 10 لاکھ گھر بنانے جارہے ہیں،ایک لاکھ سے زائد گھر اِس وقت زیر تعمیر ہیں۔
وزیراعلی پنجاب کا کہنا تھا کہ صحت کے شعبے میں بہتری کے لیے اقدامات کررہے ہیں، پنجاب میں نئے ہسپتال بنائے جارہے ہیں ، پنجاب کا پہلا سرکاری کینسر ہسپتال آخری مراحل میں ہے جو جنوری میں فعال ہو جائے گا، ایک وقت وہ تھا جب اِسی صوبے میں کینسر کے مریضوں کو مفت ادویات بند کردی گئیں تھیں، اب مریضوں کو گھر پر کینسر ، شوگر اور یرقان کی ادویات مل رہی ہیں۔
مریم نواز نے کہا کہ پنجاب کے 20 شہروں میں کاڈیالوجی سینٹر بنا رہا ہے، ہر شہر میں جدید ہسپتال بنائیں گے، ہم نے پنجاب میں سموگ سے بچا کے اقدامات کیے ،ایک سال میں 70 فیصد سموگ میں کمی آئی۔ ان کا کہنا تھا کہ پنجاب کے طلبہ کے لییت سکالر شپ پروگرام شروع کیا، کام محنت سے ہوتا ہے جادو ٹونے سے نہیں، صوبے میں بروقت ترقیاتی منصوبوں کی تکمیل یقینی بنائی جارہی ہے، گاں میں بھی شہروں جیسی سہولیات فراہم کررہے ہیں، پوٹھوہار کے ہر گھر میں صاف پانی کی فراہمی یقینی بنا رہے ہیں،ملک کے ہر بڑے منصوبے پر نوازشریف کے نام کی تختی لگی ہوئی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرڈی جی آئی ایس پی آر کی قائداعظم یونیورسٹی میں طلبہ و اساتذہ کیساتھ خصوصی نشست ڈی جی آئی ایس پی آر کی قائداعظم یونیورسٹی میں طلبہ و اساتذہ کیساتھ خصوصی نشست مخصوص نشستوں کے کیس میں اکثریتی فیصلہ درست نہیں تھا: جسٹس جمال مندوخیل امریکی کانگریس کا بھارت کے خلاف جنگ میں پاکستان کی فتح کا اعتراف،اہم ترین رپورٹ جاری آئندہ برس مون سون کے نقصانات سے بچنے کےلیے ابھی سے تیاری کی جائے، وزیراعظم اسحاق ڈار کی قطری وزیراعظم سے غیر رسمی ملاقات، دو طرفہ تعلقات پر گفتگو زیر التوا مقدمات کا بوجھ کم کرنے کے لیے ہزاروں کیسز سپریم کورٹ سے آئینی عدالت منتقلCopyright © 2025, All Rights Reserved
رابطہ کریں ہماری ٹیم
دہشتگردی کیخلاف جنگ میں خیبر پختونخوا حکومت وفاق اور افواج کے ساتھ کھڑی ہے: مزمل اسلم