پاک انڈیا جنگ کے دوران طالبان کے اہم وزیر نے بھارت کا خفیہ دورہ کیا تھا، برطانوی میڈیا
اشاعت کی تاریخ: 18th, May 2025 GMT
بی بی سی کے مطابق اس دورے کی اہمیت اس لیے بھی بڑھ جاتی ہے کہ یہ پاک بھارت کشیدگی کے عروج کے دنوں میں کیا گیا اور ابراہیم صدر کو طالبان کے امیر ملا ہبتہ اللہ کے نہایت قریب بھی سمجھا جاتا ہے۔ اسلام ٹائمز۔ برطانوی نشریاتی ادارے ’’بی بی سی پشتو‘‘ نے دعویٰ کیا کہ نائب وزیر داخلہ ابراہیم صدر بھارت کے خفیہ دور پر گئے تھے۔ بی بی سی کے مطابق اس دورے کی اہمیت اس لیے بھی بڑھ جاتی ہے کہ یہ پاک بھارت کشیدگی کے عروج کے دنوں میں کیا گیا اور ابراہیم صدر کو طالبان کے امیر ملا ہبتہ اللہ کے نہایت قریب بھی سمجھا جاتا ہے۔ برطانوی نشریاتی ادارے کی رپورٹ میں یہ دعویٰ بھی کیا گیا ہے کہ ابراہیم صدر کو طالبان حکومت کے اہم اور اسٹریٹیجک سیکیورٹی کے امور میں مہارت کے باعث فیصلہ سازی میں اہمیت دی جاتی ہے۔ بھارتی اخبار ’سنڈے گارڈیئن‘ نے طالبان حکومت کے ایک اہم عہدیدار کے بھارت دورے کی تصدیق کرتے ہوئے لکھا تھا کہ اس دورے کی ٹائمنگ اہم ہے تاہم طالبان حکومت اور بھارت کی جانب سے اس خفیہ دورے کی تاحال تردید یا تصدیق نہیں کی گئی۔
یاد رہے کہ بھارتی وزیر خارجہ ایس جے شنکر نے گذشتہ روز طالبان حکومت کے وزیر خارجہ امیر خان متقی سے ٹیلی فون پر بات کی ہے۔ بی بی سی نے مڈل ایسٹ انسٹیٹیوٹ کا حوالہ دیتے ہوئے لکھا کہ ابراہیم صدر ایک سخت گیر فوجی کمانڈر ہیں جن کی پیدائش 1960 میں ہوئی تھی۔ ابراہیم صدر سنہ 90 کی دہائی میں طالبان کے پہلے دور حکومت میں نائب وزیرِ دفاع تھے اور سابق امیرِ طالبان ملا اختر منصور کے بھی نہایت قریبی ساتھی سمجھے جاتے تھے۔ انھوں نے مئی 2021 میں جنوبی ہلمند صوبے میں طالبان کی جانب سے لڑائی کی قیادت کی اور اقتدار سنبھال لیا تھا۔ مڈل ایسٹ انسٹیٹیوٹ کے مطابق ابراہیم صدر کے بارے میں یہ بھی مشہور ہے کہ وہ ان طالبان فوجی رہنماؤں میں سے ہیں جن کے ایران کے پاسدارانِ انقلاب کی قدس فورس سے قریبی روابط ہیں۔
بی بی سی مانیٹرنگ کے مطابق اکتوبر 2018 میں امریکی محکمہ خزانہ کے دفتر برائے غیر ملکی ایسٹ کنٹرول (او ایف اے سی) نے ابراہیم صدر کو خودکش حملوں اور دیگر خطرناک سرگرمیوں میں ملوث ہونے کے الزام میں ایک فہرست میں ڈال دیا تھا۔
ذریعہ: Islam Times
کلیدی لفظ: ابراہیم صدر کو طالبان حکومت طالبان کے کے مطابق دورے کی
پڑھیں:
پاک لنکا ون ڈے سیریز: سری لنکن کھلاڑیوں کو وطن واپسی پر کس نے اکسایا؟ نام سامنے آگیا
ون ڈے سیریز کے دوران سری لنکن کھلاڑیوں کو پاکستان کا دورہ ترک کرنے پر کس نے آمادہ کیا؟ بالآخر یہ نام بھی منظر عام پر آ گیا ہے۔
پاکستان اور سری لنکا کے درمیان 3 ون ڈے میچوں کی سیریز کے پہلے میچ کے بعد سری لنکن ٹیم نے غیر متوقع طور پر دورہ ختم کر کے واپس جانے کی اجازت مانگی تھی، اور اطلاعات کے مطابق 8 کھلاڑی وطن واپسی کے لیے تیار تھے۔
مزید پڑھیں: سری لنکا میں کھیل کے میدان آباد رکھنے میں پاکستان کا کردار کیا رہا؟ راشد لطیف نے بتا دیا
اس اچانک صورتحال کے پیچھے کون تھا اور کس نے کھلاڑیوں کو دورہ ادھورا چھوڑنے کے لیے تیار کیا؟ سری لنکن میڈیا نے اس راز سے پردہ اٹھا دیا ہے۔
رپورٹس کے مطابق آئی لینڈرز کو پاکستان کا دورہ منسوخ کرنے پر اکسانے والے خود سری لنکن کپتان چریتھ اسالنکا تھے۔ ان پر الزام ہے کہ پہلے انہوں نے دورہ ختم کرنے کی دھمکی دی اور بعد ازاں دیگر کھلاڑیوں کو بھی واپسی کے لیے تیار کیا۔
سری لنکن میڈیا کا کہنا ہے کہ کرکٹ بورڈ کے حکام کپتان کے اس رویے پر حیران رہ گئے اور اب ان کے خلاف تادیبی کارروائی متوقع ہے۔
میڈیا رپورٹس کے مطابق چریتھ اسالنکا کو قومی ٹیم کی قیادت سے ہٹائے جانے کا فیصلہ کرلیا گیا ہے اور اس کا باضابطہ اعلان جلد کیا جائے گا۔
چریتھ اسالنکا ون ڈے سیریز مکمل ہونے کے بعد پہلے ہی وطن واپس جا چکے ہیں اور آج سے شروع ہونے والی ٹرائی نیشن سیریز میں شامل نہیں ہوں گے۔
واضح رہے کہ سری لنکن ٹیم کی دورہ پاکستان ختم کرنے کی درخواست بورڈ نے مسترد کر دی تھی اور کھلاڑیوں کو سیریز جاری رکھنے کی ہدایت کی تھی۔
مزید پڑھیں: مشکل وقت میں سری لنکا کا ساتھ قابلِ تحسین ہے، قومی کرکٹرز کا خصوصی پیغام
وزیرِ داخلہ اور چیئرمین پی سی بی محسن نقوی نے بھی فوری طور پر سری لنکن ٹیم اور انتظامیہ سے ملاقات کر کے سیکیورٹی انتظامات سے آگاہ کیا تھا، جس کے بعد مہمان ٹیم دورہ جاری رکھنے پر راضی ہو گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان دورہ ترک سری لنکا سری لنکن میڈیا وی نیوز
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ