قومی اسکواش چمپئن شپ کی سیمی فائنل لائن اپ مکمل
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسپورٹس ڈیسک)سعدیہ گل،نمبرہ بتول،زہرہ عبداللہ اور دامیہ خان نے پہلی رچزنیشنل جونیئر اینڈ ویمنز اسکواش چیمپئن شپ کے ویمنز کے سیمی فائنل میں جگہ بنالی جبکہ ایم بن عاطف،دانش سکندر،عبدلہادی گل اورحزیفہ شاہد بوائز انڈر15 کے سیمی فائنل میں پہنچ گئے۔پی ایس ایف جہانگیر خان اسکواش کمپلیکس پی ایس بی کراچی سینٹر پرسندھ اسکواش ایسو سی ایشن کے زیر اہتمام جاری آٹھ لاکھ روپے مالیت کی انعامی رقم کی حامل چیمپئن شپ میں گزشتہ روز کوارٹر فائنلز کھیلے گئے۔سندھ اسکواش ایسوسی ایشن کے سیکریٹری محمد عامر کے مطابق ویمنز میں سند ھ کی دامیہ خان نے نمبر دوسیڈواپڈا کی کومل خان کو3-0سے شکست دے کر چیمپئن شپ کا سب سے بڑا اپ سیٹ کر دیا انہوں نے 11-3،11 -3اور11-4سے کامیابی سمیٹی۔ دیگر کوارٹر فائنلز میں ایس این جی ایل کی سعدیہ گل نے کے پی کی رانیہ قاضی کو 3-1سے،سندھ کی نمرہ بتول نے سندھ ہی کی دعا نزاکت کو 3-1سے اور کے پی کی زہرہ عبداللہ نے سندھ کی سارہ علی کو 3-0سے زیر کیا اور سیمی فائنل میں نشست کنفرم کی۔بوائز انڈر15 کے کوارٹر فائنلزمیں پنجاب کے ایم بن عاطف نے پنجاب ہی کے سمیر خان کو 3-1سے،کے پی کے دانش سکندر نے پنجاب کے عمر افضل خان کو 3-0سے،سندھ کے حزیفہ شاہد نے پنجاب کے عامر عدنان کو 3-0سے اور کے پی کے عبدالہادی گل نے پنجاب کے شاہ نواز بٹ کو سخت مقابلے کے بعد3-2سے شکست دے کر فائنل فور لائن اپ کو جوائن کیا۔ بوائز انڈر 13کوارٹر فائنلز میں ٹاپ سیڈسندھ کے راحیل وکٹر نے کے پی کے ارمان علی کو 3-2سے،،پی اے ایف کے احمد صفوان نے کے پی کے مصطفی احمد کو3-0سے،کے پی کے فہد خان نے زوہیب خان کو 3-0سے اور پنجاب کے رحمان شوریم نے فضل رحمان کو 3-0سے قابو کر کے سیمی فائنل کھیلنے کا اعزاز حاصل کیا۔بوائز انڈر9کوارٹر فائنل میں سندھ کے ایم بن نسیم نے سندھ کے رحیم رضا کو 3-0سے،کے پی کے ایم طلحہ نے سندھ کے نذیر ملک کو 3-0سے،سندھ کے فیض خان نے سندھ ہی کے عبدالرافع کو 3-0سے اور سندھ کے آبا ن خان نے سندھ ہی کے بلاول کو 3-0سے ہرا کر سیمی فائنل کے لئے کوالیفائی کیا۔سیمی فائنلز آج کھیلے جائیں گے۔ویمنز کے سیمی فائنل میں ایس این جی ایل کی سعدیہ گل کا مقابلہ سندھ کی نمرا بتول سے اور کے پی کے زہرہ عبداللہ کا مقابلہ سندھ کی دامیہ خان سے ہوگا جبکہ بوائز انڈر15کا پہلا سیمی فائنل پنجاب کے ایم بن عاطف اورسمیر خان جبکہ دوسرا سیمی فائنل کے پی کے عبدالہادی گل اورنمبر دو سیڈ سندھ کے حزیفہ شاہد کے درمیان ہوگا۔
.ذریعہ: Jasarat News
کلیدی لفظ: سیمی فائنل میں کے سیمی فائنل پنجاب کے کے پی کے سندھ کی سندھ کے کو 3 0سے خان کو ایم بن کے ایم
پڑھیں:
میئر کراچی نے گرین لائن پراجیکٹ پر سٹی وارڈنز بھیج کر کام بند کروادیا، ترجمان وفاقی حکومت
کراچی میں پریس کانفرنس کرتے ہوئے ترجمان حکومت پاکستان برائے اطلاعات سندھ بیرسٹر راجا خلیق الزمان انصاری نے دعویٰ کیا کہ گرین لائن منصوبے پر جاری کام میئر کراچی نے سٹی وارڈنز بھیج کر رکوا دیا ہے۔
ان کا کہنا تھا کہ منصوبہ بہتر انداز میں آگے بڑھ رہا تھا اور اگر رکاوٹیں نہ آئیں تو جون 2026 تک مکمل ہوسکتا ہے۔
ترجمان نے کہا کہ یہ تاثر غلط ہے کہ گرین لائن کا دوسرا مرحلہ 2035 سے پہلے مکمل نہیں ہوگا۔ ان کے مطابق وفاقی حکومت نے ساڑھے پانچ ارب روپے مختص کیے ہیں اور اس منصوبے کا دوسرا فیز “کامن کوریڈور” ہے جس پر مستقبل میں تمام بی آر ٹی بسیں چلیں گی۔
راجا خلیق الزمان انصاری نے کہا کہ گرین لائن وفاقی حکومت کا فنڈڈ منصوبہ ہے جس کا آغاز 2016 میں نواز شریف نے کیا تھا۔ 10 مارچ 2025 کو یہ سندھ حکومت کے حوالے کیا گیا اور اب روزانہ کے مسافروں کی تعداد 52 ہزار سے بڑھ کر 82 ہزار تک پہنچ گئی ہے۔
ان کا کہنا تھا کہ وفاق کراچی کو معیاری ٹرانسپورٹ سہولت دینا چاہتا ہے اور اس مقصد کے لیے صوبائی حکومت اور میئر آفس کے ساتھ مل کر کام کرنے پر تیار ہے۔ ساتھ ہی انہوں نے درخواست کی کہ پوائنٹ اسکورنگ سے گریز کرتے ہوئے کراچی کی خدمت کے لیے مل جل کر آگے بڑھا جائے۔
مری ایکسپریس وے کی تزئین و آرائش میں تاخیر، وفاقی وزیر مواصلات برہم