کراچی، موچکو پولیس چوکی کے قریب واٹر ٹینکر کی ٹکر سے کار سوار شخص جاں بحق ایک زخمی
اشاعت کی تاریخ: 30th, June 2025 GMT
کراچی:
بلدیہ رئیس گوٹھ موچکو پولیس چوکی کے قریب واٹرٹینکر کی ٹکر سے کار میں سوار ایک شخص جاں بحق اور ایک زخمی ہوگیا۔
تفصیلات کے مطابق موچکو کے علاقے بلدیہ رئیس گوٹھ موچکو پولیس چوکی کے قریب واٹر ٹینکر کی ٹکر سے کار میں سوار 2 افراد زخمی ہوگئے زخمیوں کو چھیپا ایمبولینس کے ذریعے سول اسپتال منتقل کیا گیا۔
زخمیوں کی شناخت 22 سالہ حکمت اللہ ولد عصمت اللہ اور 25 سالہ میسر کے نام سے کی گئی ، چھیپا ترجمان کے مطابق زخمی ہونے والے حکمت اللہ سول اسپتال میں دوران علاج زخموں کی تاب نہ لاتے ہوئے جاں بحق ہوگیا۔
حادثے کا ذمے دار واٹر ٹینکر ڈرائیور موقع سے فرار ہونے میں کامیاب ہوگیا۔
پولیس نے واٹرٹینکر اور حادثے کا شکار گاڑی کو قبضے میں لے کر تھانے منتقل کر دیا، جاں بحق و زخمی ہونے والوں کا آبائی تعلق بلوچستان سے ہے ۔
.
ذریعہ: Express News
پڑھیں:
کراچی: جھگڑے کے دوران فائرنگ سے بہن اور بھائی زخمی
سولجر بازار نمائش کے قریب فائرنگ سے بہن اور بھائی زخمی ہوگئے جنھیں چھیپا کے رضا کاروں نے فوری طبی امداد کے لیے سول اسپتال پہنچایا۔
ریسکیو حکام کا کہنا ہے کہ زخمی ہونے وال بہن اور بھائی ہیں جن کی شناخت 30 سالہ رشیدہ اور 35 سالہ ارشد ولد صاحب خان کے نام سے کی گئی۔
ایس ایچ او سولجر بازار زاہد کمبوہ نے بتایا کہ واقعہ خاتون کو چھیڑنے پر ہونے والے جھگڑے میں فائرنگ سے پیش آیا ہے اور اس حوالے سے پولیس دونوں بہن اور بھائی کے بیانات قلمبند کرتے ہوئے مزید تحقیقات کر رہی ہے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ