بجلی کے بلوں سے “الیکٹریسٹی ڈیوٹی” ختم کرنے کا فیصلہ،اطلاق جولائی سے ہوگا
اشاعت کی تاریخ: 30th, June 2025 GMT
اسلام آباد(نیوز ڈیسک) وفاقی حکومت نے بجلی کے صارفین کو ریلیف دینے کے لیے بڑا فیصلہ کرتے ہوئے جولائی 2025 سے بجلی کے بلوں میں شامل صوبائی “الیکٹریسٹی ڈیوٹی” ختم کرنے کا اعلان کر دیا ہے۔
وفاقی وزیرِ توانائی اویس لغاری نے اس سلسلے میں تمام صوبوں کے وزرائے اعلیٰ کو خط ارسال کر دیے ہیں، جس میں کہا گیا ہے کہ بجلی کے بلوں میں اضافی چارجز اور مختلف ڈیوٹیوں سے صارفین الجھن اور مالی بوجھ کا شکار ہیں، اس لیے بجلی کے بل کو سادہ اور شفاف بنایا جا رہا ہے۔
اویس لغاری نے کہا کہ حکومت بجلی کے نرخ کم کرنے کے لیے سنجیدہ اقدامات کر رہی ہے، جس میں آئی پی پیز (نجی بجلی گھر) کے مہنگے معاہدوں پر نظرثانی اور سرکاری پاور پلانٹس کے منافع (ROE) کو کم کرنے پر کام شامل ہے۔
خط میں یہ بھی کہا گیا ہے کہ ہمارا ہدف یہ ہے کہ بجلی کا بل صرف اصل بجلی کے خرچ کو ظاہر کرے اور صارفین صرف وہی ادائیگی کریں جو بجلی کے استعمال کی ہو نہ کہ مختلف مدوں میں چھپے اضافی چارجز۔
اویس لغاری نے صوبوں سے مطالبہ کیا کہ وہ الیکٹریسٹی ڈیوٹی کی وصولی کے لیے متبادل اور شفاف ذرائع تجویز کریں، تاکہ عوام پر بلاجواز بوجھ نہ ڈالا جائے۔
.ذریعہ: Daily Ausaf
کلیدی لفظ: بجلی کے
پڑھیں:
شبھمن گل جولائی کے لیے آئی سی سی پلیئر آف دی منتھ قرار
انٹرنیشنل کرکٹ کونسل (آئی سی سی) نے جولائی 2025 کے لیے پلیئر آف دی منتھ کا اعلان کردیا ہے، جس میں بھارت کے کپتان شبھمن گل نے شاندار کارکردگی کے باعث یہ اعزاز اپنے نام کیا۔
انگلینڈ کے خلاف پانچ میچوں کی ٹیسٹ سیریز میں شاندار بیٹنگ کا مظاہرہ کرنے والے شبھمن گل نے 3 ٹیسٹ میچوں میں 75 کی اوسط سے 754 رنز بنائے، جن میں ایک ڈبل سینچری اور دو سینچریاں شامل ہیں۔ نوجوان بیٹر نے اس دوران سنیل گواسکر اور سچن ٹنڈولکر کا ریکارڈ بھی توڑ ڈالا۔
یہ بھی پڑھیں: آئی سی سی ہال آف فیم میں شمولیت کے بعد ثنامیر کو ایک اور اعزاز مل گیا
ایوارڈ ملنے پر شبھمن گل نے کہاکہ وہ جیوری اور اپنے ساتھی کھلاڑیوں کے شکر گزار ہیں جنہوں نے اس دلچسپ سیریز میں ان کا بھرپور ساتھ دیا۔
انہوں نے کہاکہ وہ آئندہ سیزن میں اپنی فارم برقرار رکھتے ہوئے ملک کا نام مزید روشن کرنے کے لیے پرعزم ہیں۔
آئی سی سی نے اس ایوارڈ کے لیے شبھمن گل کے ساتھ انگلینڈ کے بین اسٹوکس اور جنوبی افریقہ کے ویان ملڈر کو بھی نامزد کیا تھا۔ شبھمن گل یہ اعزاز 4 مرتبہ جیتنے والے پہلے کھلاڑی بن گئے ہیں، اور ان کے مطابق یہ کامیابی ان کے کیریئر اور بطور کپتان ایک نمایاں سنگِ میل ہے۔
یہ بھی پڑھیں: آئی سی سی رینکنگ: پاکستان کی سعدیہ اقبال ٹاپ ٹی 20 بولر بن گئیں
ویمنز کیٹیگری میں پلیئر آف دی منتھ کا اعزاز انگلینڈ کی بیٹر صوفیہ ڈنکلی کو ملا، جنہوں نے بھارت کے خلاف تین ون ڈے میچوں میں 126 رنز اور چار ٹی ٹوئنٹی میچوں میں 144 رنز اسکور کیے، اور ٹی ٹوئنٹی سیریز کی ٹاپ اسکورر رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی اعلان انٹرنیشنل کرکٹ کونسل بھارتی کھلاڑی پلیئر آف دی منتھ شمبھن گل صوفیہ ڈنکلی وی نیوز ویمنز کیٹیگری
وفاقی وزیر اطلاعات عطاء تارڑ کی وزیر دفاع خواجہ آصف کے مستعفی ہونے کی خبروں کی تردید کردی