15 سال تک کے بچوں کو پولیو ویکسین دینے کا فیصلہ
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی حکومت نے پانچ سال سے زائد عمر کے بچوں میں پولیو کیسز سامنے آنے کے بعد 15 سال تک کے بچوں کو پولیو ویکسین دینے کا فیصلہ کرلیا ہے۔
وفاقی وزیر صحت سید مصطفیٰ کمال نے ایک ٹاک شو میں گفتگو کرتے ہوئے بتایا کہ انسداد پولیو مہم کا دائرہ ابتدائی طور پر کراچی، پشاور، لاہور اور جنوبی خیبرپختونخوا تک بڑھایا جائے گا۔ حکومت نے پولیو کے مکمل خاتمے کے لیے دسمبر 2026 کی نئی ڈیڈ لائن مقرر کی ہے۔
وزیر صحت نے اعلان کیا کہ آئندہ تین ماہ بعد ملک بھر میں فروخت ہونے والی ہر دوا پر بار کوڈ موجود ہوگا جسے اسکین کر کے دوا کی اصل حیثیت اور ایکسپائری چیک کی جا سکے گی۔ انہوں نے بتایا کہ دوا ساز کمپنیوں کو بار کوڈ سسٹم نافذ کرنے کے لیے تین ماہ کا وقت دیا گیا ہے۔
مزید کہا گیا کہ نئی قومی ہیلتھ پالیسی میں بنیادی اصلاحات کی جا رہی ہیں، جس کی منظوری وزیراعظم جلد دیں گے، جبکہ ڈریپ کی ڈیجیٹلائزیشن کا افتتاح اگلے ہفتے متوقع ہے۔
انہوں نے بتایا کہ مشروبات پر 50 فیصد ٹیکس عائد کرنے کی تجویز دی گئی تھی مگر حکومت نے اسے منظور نہیں کیا۔ نرسنگ کونسل کے قوانین میں بڑی تبدیلیاں لانے کا بھی عندیہ دیا گیا۔
مصطفیٰ کمال کے مطابق پاکستان میں ہر منٹ میں ایک شخص ہارٹ اٹیک کے باعث جان سے جا رہا ہے، جس پر فوری توجہ کی ضرورت ہے۔
.ذریعہ: Jasarat News
پڑھیں:
پاکستان میں ایک اوربچہ پولیو وائرس سے متاثر: ملک بھر میں تعداد 14 ہوگئی
data-id="863a0a8" data-element_type="widget" data-widget_type="theme-post-content.default">
شمالی وزیرستان: پاکستان میں ایک اور بچہ پولیو سے متاثر ہوگیا، متاثرہ بچوں کی تعداد 14 ہوگئی ہے۔
اسلام آباد سے قومی ادارہ صحت کے ذرائع مطابق پولیو کیس شمالی وزیرستان سے رپورٹ ہوا ہے، پولیو سے متاثرہ 19ماہ کا بچہ یو سی میرانشاہ 3 کا رہائشی ہے۔
رواں سال خیبر پختونخوا سے 8 اور سندھ سے 4 پولیو کیس سامنے آئے ہیں جبکہ پنجاب اور گلگت بلتستان میں ایک، ایک پولیو کیس رپورٹ ہوا ہے۔
نیشنل ایمرجنسی آپریشنز سینٹر (ای او سی) کے مطابق شمالی وزیرستان کی 11 یونین کونسلز میں جلد خصوصی ویکسینیشن مہم شروع کی جائے گی۔
نیشنل ای او سی کا کہنا ہے کہ والدین بچوں کو ہر مہم میں پولیو کے قطرے ضرور پلوائیں، پولیو سمیت دیگر بیماریوں سے تحفظ کے لیے حفاظتی ٹیکہ جات وقت پر مکمل کروائیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی