بھارتی فوجیوں نے گزشتہ ماہ جون میں 5 کشمیریوں کو شہید کیا
اشاعت کی تاریخ: 2nd, July 2025 GMT
مقبوضہ علاقے میں بھارتی فورسز کے اہلکاروں اور این آئی اے کی طرف سے محاصرے اور تلاشی کی 214 کارروائیوں اور گھروں پر چھاپوں کے دوران متعدد کشمیریوں کو شہید اور گرفتار کیا گیا۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی جاری کارروائیوں کے دوران گزشتہ ماہ جون میں 5 کشمیریوں کو شہید کیا۔ ذرائع کے ریسرچ سیکشن کی طرف سے جاری کئے گئے اعداد و شمار کے مطابق ان میں سے 2 کشمیریوں کو جعلی مقابلوں میں شہید کیا گیا۔ بھارتی فوجیوں، راشٹریہ رائفلز، سینٹرل ریزرو پولیس فورس، اسپیشل آپریشن گروپ اور کائونٹر انٹیلی جنس کشمیر، این آئی اے اور ایس آئی اے جیسے بدنام زمانہ تحقیقاتی اداروں نے 45 کشمیریوں کو گرفتار کیا جن میں بیشتر سیاسی کارکن اور نوجوان شامل تھے۔ ان میں سے کئی نظربندوں کے خلاف پبلک سیفٹی ایکٹ، غیر قانونی سرگرمیوں کی روک تھام کے ایکٹ سمیت کالے قوانین کے تحت مقدمات درج کئے گئے تاکہ اختلاف رائے کو خاموش اور سیاسی نظربندی کو طول دیا جا سکے۔ مقبوضہ علاقے میں بھارتی فورسز کے اہلکاروں اور این آئی اے کی طرف سے محاصرے اور تلاشی کی 214 کارروائیوں اور گھروں پر چھاپوں کے کشمیریوں کو شہید اور گرفتار کیا گیا۔ اس عرصے کے دوران بھارتی قابض انتظامیہ نے چار کشمیری سرکاری ملازمین کو ان کی ملازمتوں سے جبری طور پر برطرف کیا۔ لیفٹیننٹ گورنر منوج سنہا کی زیر قیادت بھارتی قابض انتظامیہ نے کشمیریوں کے گھروں اور زمینوں سمیت 19 جائیدادوں کو ضبط کر لیا۔ یہ غیر قانونی ضبطگیاں بی جے پی کی بھارتی حکومت کی کشمیریوں کا معاشی طور پر گلا گھونٹنے اور ان کے سیاسی موقف اور آزادی کی خواہشات کو دبانے کی حکمت عملی کا حصہ ہیں۔ لیفٹیننٹ گورنر نے عیدالاضحی کے موقع پر سرینگر کی تاریخی جامع مسجد اور عیدگاہ کو مقفل اور میر واعظ عمر فاروق کو گھر میں نظربند رکھا اور انہیں نماز عید ادا کرنے کی اجازت نہیں دی۔
.ذریعہ: Islam Times
کلیدی لفظ: کشمیریوں کو شہید آئی اے
پڑھیں:
راولپنڈی میں سرد موسم نے ڈینگی کے وار کم کر دیے، گزشتہ 24 گھنٹوں میں صرف ایک مریض رپورٹ
data-id="863a0a8" data-element_type="widget" data-widget_type="theme-post-content.default">
راولپنڈی: شہر میں ڈینگی کے حالات میں واضح بہتری دیکھی جا رہی ہے۔
محکمہ صحت راولپنڈی کے مطابق گذشتہ چوبیس گھنٹوں میں صرف ایک ڈینگی مریض رپورٹ ہوا ہے اور اس سیزن میں ڈینگی سے کسی ہلاکت کی اطلاع موصول نہیں ہوئی۔
محکمہ صحت کے مطابق ضلع بھر میں اب تک 23 ہزار 505 افراد کی اسکریننگ کی جا چکی ہے، جن میں سے 1538 افراد ڈینگی پازیٹو پائے گئے۔ مختلف ہسپتالوں میں اس وقت صرف 12 مریض زیر علاج ہیں۔
ضلعی سطح پر ڈینگی سرویلنس کے لیے 13 سو 61 ٹیمیں فعال ہیں۔ اب تک 63 لاکھ 90 ہزار 235 گھروں کا معائنہ کیا گیا، جن میں 2 لاکھ 13 ہزار 729 ڈینگی لاروا ہاٹ اسپاٹس دریافت ہوئے۔ علاوہ ازیں، 19 لاکھ 51 ہزار 739 عوامی اور کمرشل مقامات کی چیکنگ مکمل ہو چکی ہے، جہاں 29 ہزار 232 لاروا پازیٹو پائے گئے۔
مجموعی طور پر 2 لاکھ 42 ہزار 981 ڈینگی لاروا برآمد ہو چکے ہیں۔ محکمہ صحت نے ڈینگی ایس او پیز کی خلاف ورزی کرنے والے 4 ہزار 652 مقامات پر ایف آئی آرز درج کر دی ہیں، 1 ہزار 945 مقامات کو سیل کیا گیا اور 3 ہزار 767 چالان جاری کیے گئے۔
یہ اعداد و شمار اس بات کا ثبوت ہیں کہ راولپنڈی میں ڈینگی پر کنٹرول کے اقدامات کامیاب ثابت ہو رہے ہیں، اور عوام کو احتیاطی تدابیر پر عمل جاری رکھنے کی ہدایت کی گئی ہے۔
سینیٹ اجلاس کا ایجنڈا جاری، 27ویں ترمیم میں مزید ترامیم کی منظوری ایجنڈے میں شامل