ثاقب سمیر نے اپنی زندگی کا سب سے خوفناک واقعہ شیئر کردیا
اشاعت کی تاریخ: 2nd, July 2025 GMT
کراچی(شوبز ڈیسک)معروف اداکار ثاقب سمیع نے اپنی زندگی کا ایک ایسا خوفناک واقعہ شیئرکیا جو ان کے بقول، آج تک ان کے ذہن سے محو نہیں ہو سکا۔
اداکار نے بتایا کہ یہ واقعہ اس وقت پیش آیا جب وہ کراچی کے ایک فلیٹ میں مقیم تھے، جہاں عمارت کی چھتیں اور مختلف پورشن ایک دوسرے سے جُڑے ہوئے تھے۔
انہوں نے بتایا کہ ان کے پڑوس میں دو لڑکیاں رہتی تھیں، جن سے ان کی چھت پر ملاقاتیں ہوئیں اور بات چیت کا سلسلہ شروع ہوا۔ باتوں باتوں میں معلوم ہوا کہ ان میں سے ایک لڑکی کو ثاقب نے کبھی اداکاری کی کلاس بھی دی تھی۔
اداکار نے مزید کہا کہ ، ’’جب بھی میں کافی کا مگ لے کر چھت پر جاتا، وہ لڑکیاں بھی اپنی چھت پر آجاتیں۔ یوں روزانہ کی ملاقات نے دوستی کا رنگ اختیار کرلیا۔‘‘
ایک دن ان میں سے ایک لڑکی نے چونکا دینے والا انکشاف کیا کہ اس پر ”آسیب کا سایہ“ ہے اور وہ اکثر خود کو نقصان پہنچانے کی کوشش کرتی ہے۔
ثاقب سمیع نے بتایا کہ وہ اس صورتحال میں مدد کے لیے تیار ہوگئے اور کہا کہ اگر کبھی کوئی ایمرجنسی ہو تو بلا جھجک بتائیں۔ کچھ ہی دن بعد ایک رات لڑکی شدید پریشانی کی حالت میں چلی گئی، اس کے جسم میں سوئیاں چبھنے لگیں اور وہ خود کو زخمی کرنے لگی۔
اس پر اس کی دوست نے مدد کے لیے ثاقب کو بلایا۔ تاہم محلے کی بدنامی سے بچنے کے لیے انہوں نے تجویز دی کہ وہ لڑکیاں چھت کے راستے ان کے فلیٹ میں آ جائیں۔
اداکار نے بتایا، ’’میں نے ان لڑکیوں کو اندر بلا کر بیڈ پر بٹھایا اور خود دروازے کے پاس کھڑا ہوگیا۔‘‘
اسی دوران متاثرہ لڑکی کی حالت انتہائی خراب ہو گئی۔ وہ اپنے بال چہرے پر گرا کر عجیب و غریب حرکات کرنے لگی، لرزنے لگی اور اس کے انداز میں غیر انسانی تبدیلی آ گئی۔
ثاقب نے بتایا کہ اس منظر کو دیکھ کر انہوں نے دل ہی دل میں قرآن آیات کا ورد کرنا شروع کردیا مگر حیرت انگیز طور پر لڑکی نے فوراً پہچان کرردِعمل دیا اور کہا، ”پڑھنا بند کرو۔“
اداکار کے بقول، ’’اس کے یہ کہنے پر میرے جسم کے رونگٹے کھڑے ہوگئے۔ یہ لمحہ میری زندگی کا سب سے ڈراؤنا تجربہ تھا۔‘‘
انہوں نے مزید کہا کہ اس کے باوجود وہ جتنا ممکن تھا، لڑکی کی مدد کرتے رہے، لیکن وہ کیفیت اور اس میں نظر آنے والی تبدیلی آج بھی ان کے دل و دماغ میں گہرے نقوش چھوڑ گئی ہے۔
مزیدپڑھیں:اسلحہ و شراب برآمدگی کیس؛ علی امین گنڈاپور کے ناقابل ضمانت وارنٹ گرفتاری جاری
ذریعہ: Daily Ausaf
کلیدی لفظ: نے بتایا کہ انہوں نے
پڑھیں:
آزادی کے 78 سال مکمل ہونے پر شوبز شخصیات کے خصوصی پیغامات
آزادی کے 78 برس مکمل ہونے پر شوبز شخصیات نے سوشل میڈیا کے ذریعے محبت، دعاؤں اور امید سے بھرے پیغامات شیئر کرتے ہوئے قوم کو جشنِ آزادی کی مبارکباد دی۔
ژالے سرحدی نے انسٹاگرام پر تمام لوگوں کو یومِ آزادی کی مبارکباد دیتے ہوئے لکھا کہ آزادی کا مطلب ذمہ داری، عاجزی، شہری شعور، اخلاقیات اور قانون پر عمل کرنا ہے۔
View this post on Instagram
A post shared by Zhalay Sarhadi Official (@zhalay)
انہوں نے دعا کی کہ ملک میں عام قوانین نافذ ہوں، جانوروں اور انسانوں کے بنیادی حقوق کا احترام ہو اور خواتین محفوظ ماحول میں زندگی گزار سکیں۔
ملالہ یوسفزئی نے ہلکے پھلکے انداز میں اپنی اور شوہر کی فوٹوشاپ تصویر شیئر کی اور جشنِ آزادی کی مبارکباد دی۔
کرکٹر شاہین آفریدی نے انسٹاگرام پر جاری محبت بھرے پیغام میں لکھا کہ وہ اپنی قوم کو دل میں اور اس کا پرچم روح میں لیے ہوئے پھرتے ہیں۔
View this post on Instagram
A post shared by Shaheen Shah Afridi (@ishaheenafridi10)
اداکار منیب بٹ نے فوجیوں اور رواں سال بھارت کے ساتھ تنازع میں کامیابی کو اس آزادی کا تحفہ قرار دیتے ہوئے آتش بازی کی ویڈیو شیئر کی، جب کہ ان کی اہلیہ و اداکارہ ایمن خان نے انسٹا اسٹوری میں صرف ”پاکستان زندہ باد“ لکھ کر منیب بٹ اور بیٹی کی تصویر شیئر کی۔
View this post on Instagram
A post shared by Muneeb Butt (@muneeb_butt)
اداکارہ رمشا خان نے آتش بازی کی تصویر شیئر کرتے ہوئے جشنِ آزادی کی مبارکباد دی۔
ماورا حسین نے سبز روشنیوں سے سجی کھڑکی کی تصویر شیئر کرتے ہوئے مداحوں کو جشنِ آزادی کی مبارکباد دی۔
جشنِ آزادی کے موقع پر سینئر اداکارہ حنا خواجہ بیات نے یاد دلایا کہ پاکستان کا قیام صرف آزادی کی جنگ نہیں بلکہ ایک جہاد تھا۔
View this post on Instagram
A post shared by Hina Bayat (@hinakhwajabayatofficial)
انہوں نے کہا کہ ہمیں ظلم کا ساتھ نہ دے کر اور درست کام کرکے ملک کو آگے بڑھانا چاہیے۔
اداکار احسن محسن اکرام نے ہوائی فائرنگ کے خطرات پر بات کرتے ہوئے کراچی میں ایک بچے کی موت اور 95 زخمیوں کی خبر شیئر کی اور عوام سے درخواست کی کہ ایسے خطرناک عمل سے گریز کریں۔
یوں شوبز شخصیات نے اس دن کو خوشیوں، دعاؤں اور اہم پیغامات کے ساتھ منایا اور یہ بھی یاد دلایا کہ آزادی کا مطلب صرف جشن نہیں بلکہ ذمہ داری بھی ہے۔
Post Views: 4
سندھ حکومت اپنی بدعنوانیوں پر وقتاً فوقتاً عالمی اسناد بٹورتی رہتی ہے، ایم کیو ایم پاکستان