سندھ حکومت نے عوام کے مسائل حل کرنے کے بجائے لوٹ مار کا نیا طریقہ نکال لیا، فاروق ستار
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی:متحدہ قومی موومنٹ (ایم کیو ایم) کی مرکزی کمیٹی کے رکن فاروق ستار نے کراچی میں ٹریفک پولیس کی جانب سے شہریوں سے مبینہ بھتہ خوری اور سندھ حکومت کی پالیسیوں کو شدید تنقید کا نشانہ بناتے ہوئے کہا ہے کہ عوام کے مسائل حل کرنے کے بجائے انہیں مزید پریشان کیا جا رہا ہے۔
میڈیا رپورٹس کے مطابق فاروق ستار نے کہا کہ سندھ حکومت نے کراچی کے شہریوں کو لوٹنے کا ایک نیا طریقہ اختیار کر لیا ہے اور “نمبر پلیٹس” کے نام پر کراچی ٹریفک پولیس روزانہ لاکھوں روپے کا بھتہ وصول کر رہی ہے،ٹریفک پولیس کی رشوت ستانی اب ایک منظم صنعت کی شکل اختیار کر چکی ہے، جو روزانہ کروڑوں روپے کما کر اوپر تک پہنچاتی ہے۔
انہوں نے کہا کہ ایم کیو ایم کراچی ٹریفک پولیس کو وردی کے نام پر کھلی بدمعاشی کرنے کی اجازت نہیں دے گی،شہر میں ٹریفک جام، ڈمپر مافیا کی غنڈہ گردی، اور شہریوں کی جان کو لاحق خطرات پر کوئی ایکشن نہیں لیا جا رہا جب کہ ٹریفک پولیس صرف چالان اور رشوت پر توجہ مرکوز کیے ہوئے ہے۔
ایم کیو ایم رہنما نے سندھ حکومت کی کارکردگی کو شدید تنقید کا نشانہ بناتے ہوئے کہا کہ “کراچی کی سڑکوں کو موہنجوداڑو جیسا بنا دیا گیا ہے، لیکن چالان امریکا جیسے وصول کیے جا رہے ہیں، سندھ حکومت شہریوں سے ان ٹوٹی پھوٹی سڑکوں پر سفر کرنے کا حق بھی چھیننا چاہتی ہے۔
فاروق ستار نے کہا کہ کراچی کے عوام کے صبر کا پیمانہ لبریز ہو چکا ہے، اور اگر اب بھی حکومت نے اپنی ناانصافی، کرپشن اور ناقص حکمرانی کا سلسلہ بند نہ کیا تو عوامی ردعمل وہ سیلاب بن جائے گا جو سب حکومتوں کو بہا لے جائے گا۔
انہوں نے مزید کہا کہ سندھ حکومت نے ایک نیا نوٹی فکیشن جاری کیا ہے جس کے تحت صوبے میں مخصوص “سندھی نمبر پلیٹ” لگانا لازمی قرار دیا گیا ہے اور اس پر عمل نہ کرنے والے شہریوں کو بھاری جرمانے کیے جا رہے ہیں،حکومت کا کام عوام کو سہولیات فراہم کرنا ہوتا ہے مگر سندھ حکومت الٹا عوام پر ظلم ڈھا رہی ہے۔
ان کا کہنا تھا کہ ٹریفک پولیس اور صوبائی حکومت کے ان اقدامات نے شہریوں کی زندگی اجیرن بنا دی ہے اور ایم کیو ایم ہر سطح پر عوام کے ساتھ کھڑی ہے۔
.ذریعہ: Jasarat News
کلیدی لفظ: ٹریفک پولیس ایم کیو ایم فاروق ستار سندھ حکومت حکومت نے عوام کے ایم کی کہا کہ
پڑھیں:
حکومت عوام دشمن پالیسیوں پر گامزن ہے ، جماعت اسلامی
data-id="863a0a8" data-element_type="widget" data-widget_type="theme-post-content.default">
ٹنڈوجام(نمائندہ جسارت) امیر جماعت اسلامی ٹنڈوجام حافظ غیور احمد نے کہا ہے کہ موجود حکومت عوام دشمن پالیسوں پر گامزن ہے پٹرول کی قیمت میں اضافہ سے مہنگائی کا طوفان آجائے گا یہ بات انھوں نے اجمتاع کارکنان سے خطاب کرتے ہوئے کہی انھوں نے کہا کہ جماعت اسلامی واحد جماعت جس کے پاس کرپشن سے پاک قیادت موجود ہے اور جو ملک اور عوام کو موجودہ مسائل سے نکلنے کا حل جانتے ہیں انھوں نے اگر عوام نے جماعت اسلامی کو ملک کی قیادت سوپنی تو ملک میں خوشحالی آئے گی اور عوام کے مسائل حل ہو نگے انھوں نے کہا حکمرانوں نے اپنی عیاشیوں کو تر ک کرنے کے بجائے رات کے اندھیرے میں جو عوم پر پٹرول بم مارا ہے اس کی وجہ سے پورے ملک میں مہنگائی کا طوفان آئے گا اور غریب عوام کی زندگی اجیرن بن کر رہ جائے گی انھوں نے اگر قومی صوبائی اور سینٹ کے اراکین اسمبلی اپنی مراعات لینے اور اپنی تنخواہوں میں 188 فیصد اضافے کو قبول کرنے سے انگار کردیں تو پٹرول کی قیمت میں اضافہ نہ کرنا پڑے انھوں نے کہا جماعت اسلامی کے کارکنان کو عوام سے بھرپور رابطہ کرکے ان چوروں اور لیڑوں کے بارے میں بتانا چاہیے جو 75 سال سے اس ملک کو دیمک طرح کھا رہے ہیں عوام جب تک ان کے چنگل سے اور نعروں کے فریب سے نہیں نکلے گی وہ اسی طرح مسائل میں پھنسی رہے گی اجتماع سے ناظم شہر کو نسلر طاہر اسامہ ناظم حلقہ غریب آباد مظفرآباد کونسلر عبدالحمید شیخ الخدمت فاونڈیشن کے صدر پروفیسر حماد علی بہادر سندھی اور جنرل سیکرٹری پروفیسر راو طارق علی نے بھی خطاب کیا۔
اسلام آباد: محسن نقوی کا اچانک دورہ نادرا میگا سنٹر، شہریوں کا سہولیات پر اظہار اطمینان