عراقی وزیرِاعظم نے پولیس سے ہلاکت خیز جھڑپ کے بعد نیم فوجی کمانڈرز کو برطرف کردیا
اشاعت کی تاریخ: 10th, August 2025 GMT
عراق کے وزیرِاعظم محمد شیاع السودانی نے ایک حکومتی عمارت پر ہونے والے مسلح حملے اور پولیس کے ساتھ جھڑپ میں 3 افراد کی ہلاکت کے بعد نیم فوجی ملیشیا کے سینئر کمانڈرز کے خلاف وسیع پیمانے پر تادیبی کارروائی اور قانونی اقدامات کی منظوری دے دی ہے۔ وزیرِاعظم کے دفتر کے مطابق یہ کارروائی ایک سرکاری تحقیقاتی رپورٹ کے بعد کی گئی ہے۔
مذکورہ واقعہ 27 جولائی کو بغداد کے کرخ ضلع میں زرعی ڈائریکٹوریٹ پر اس وقت پیش آیا جب سابق ڈائریکٹر کو عہدے سے ہٹاکر نئے ڈائریکٹر کی تعیناتی کی گئی، رپورٹ کے مطابق کرپشن کے مقدمات میں ملوث برطرف ڈائریکٹر نے کتائب حزب اللہ کے مسلح افراد کو حملے کے لیے طلب کیا۔
یہ بھی پڑھیں:
کتائب حزب اللہ، الحشد الشعبی یعنی پاپولر موبلائزیشن فورسز کا حصہ ہے، جو زیادہ تر شیعہ، ایران نواز ملیشیا کا اتحاد ہے جو داعش کے خلاف لڑنے کے لیے بنایا گیا تھا، اگرچہ 2016 میں الحشد الشعبی کو باضابطہ طور پر عراقی فوج کے ماتحت کر دیا گیا، مگر عملی طور پر اس کے بعض گروہ آزادانہ طور پر کام کرتے ہیں اور وقتاً فوقتاً شام میں امریکی فوجی اڈوں پر ڈرون حملے بھی کرتے ہیں۔
حکومتی بیان کے مطابق کرخ پر حملہ کرنے والے جنگجو الحشد الشعبی کی 45ویں اور 46ویں بریگیڈ سے تعلق رکھتے تھے، وزیرِاعظم السودانی نے ان دونوں بریگیڈز کے کمانڈرز کو برطرف کرنے، تمام ملوث افراد کو عدلیہ کے حوالے کرنے اور الحشد الشعبی کی کمان میں قیادت و کنٹرول کی ناکامی کی تحقیقات کا حکم دیا ہے۔
مزید پڑھیں:
تحقیقات میں الحشد الشعبی کے اندر ایسے ڈھانچہ جاتی مسائل کی نشاندہی بھی کی گئی ہے جن کے باعث بعض یونٹس کمانڈ چین سے باہر کام کر رہے ہیں، الحشد الشعبی اور عراقی ریاست کے تعلقات امریکا اور عراق کے درمیان کشیدگی کا سبب بھی رہے ہیں، کیونکہ واشنگٹن کتائب حزب اللہ سمیت اس اتحاد کے بعض گروپوں کو دہشت گرد تنظیمیں قرار دیتا ہے۔
عراقی پارلیمنٹ اس وقت ایک قانون سازی پرغور کررہی ہے جس کا مقصد فوج اور الحشد الشعبی کے تعلقات کو مزید مضبوط بنانا ہے، تاہم امریکا نے اس پر اعتراض کیا ہے، وزیرِاعظم السودانی نے اس قانون کی حمایت کرتے ہوئے کہا کہ مقصد یہ ہے کہ تمام ہتھیار ریاست کے کنٹرول میں ہوں۔ ’سیکیورٹی اداروں کو قوانین کے تحت کام کرنا چاہیے، ان کا محاسبہ ہونا چاہیے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الحشد الشعبی امریکا پارلیمنٹ دہشت گرد عراقی وزیر اعظم کتائب حزب اللہ کمانڈرز محمد شیاع السودانی نیم فوجی ملیشیا واشنگٹن.ذریعہ: WE News
کلیدی لفظ: الحشد الشعبی امریکا پارلیمنٹ کتائب حزب اللہ محمد شیاع السودانی نیم فوجی ملیشیا واشنگٹن کتائب حزب اللہ الحشد الشعبی
پڑھیں:
سعودی سفیر نے وزیرِ اعظم شہباز شریف کو ولی عہد شہزادہ محمد بن سلمان کا دعوت نامہ پہنچا دیا
—تصویر بشکریہ وزیرِ اعظم شہباز شریف آفیشل فیس بکوزیرِ اعظم شہباز شریف سے سعودی سفیر نواف سعید المالکی نے ملاقات کی ہے جس کے دوران سعودی سفیر نے ولی عہد محمد بن سلمان کا سرمایہ کاری فورم میں شرکت کا دعوت نامہ پہنچا دیا۔
اعلامیے کے مطابق نویں فیوچر انویسٹمنٹ انیشی ایٹو فورم 27 سے 30 اکتوبر کو ریاض میں ہو گا، وزیرِ اعظم نے کانفرنس میں شرکت کا ولی عہد محمد بن سلمان کا دعوت نامہ قبول کر لیا۔
وزیرِ اعظم شہباز شریف نے دعوت نامہ بھیجنے پر ولی عہد شہزادہ محمد بن سلمان کا دلی شکریہ ادا کیا اور خادم حرمین شریفین اور ولی عہد کےلیےنیک خواہشات کا اظہار کیا۔
سعودی سفیر اور وزیرِ اعظم شہباز شریف کی ملاقات کے دوران خطے کی حالیہ پیش رفت پر بھی تبادلۂ خیال کیا گیا، ملاقات میں نائب وزیرِ اعظم اور وزیرِ خارجہ اسحاق ڈار اور مشیر طارق فاطمی بھی موجود تھے۔
شناختی کارڈ کی تجدید کیلئے آسان ترین طریقہ جانیے